VIII. Abiatu Sariak banatu dira Bizkaiko Campusean sortutako enpresa onenen artean

Nemergent Solutions, Ironchip, Aotech, Purple Blob eta Emerid Systen saritu dituzte

  • Albisteak

Lehenengo argitaratze data: 2020/12/16

VIII. Abiatu Sariak banatu dira || Premios Abiatu 2020
Talde argazkia irabazle guztiekin. Argazkia: Tere Ormazabal. UPV/EHU.

Gaur goizean, Bizkaiko Campusean oinarri teknologikoa duten unibertsitate enpresa berritzaileen sorrera aitortzen duten VII. Abiatu Sariak banatu dituzte Bizkaia Aretoko Oteiza aretoan.

Hauek izan dira saridunak: Nemergent Solutions, oinarri teknologikoko enpresa onenaren saria (6.000 €); Ironchip enpresa berritzaile onenaren saria (5.000 €); Aotech, oinarri teknologikoko enpresa kategoriako bigarren saria (4.000 €); eta Purple Blob eta Emerid Systen, enpresa berritzaile kategoriako bigarren saria (2.500 €bakoitza).

Euskal Herriko Unibertsitateak, Bizkaiko Foru Aldundiko Ekonomia Sustatzeko Sailak eta BEAZ Bizkaiak bi hamarkada daramatzate ahaleginak batzen Zitek programan, UPV/EHUn kultura ekintzailea eta enpresa berritzaileen eta oinarri teknologikokoen sorrera sustatzeko. Testuinguru horretan sortu ziren 2003. urtean Abiatu Sariak, bi urtez behingoak, Bizkaiko Campusean sortutako oinarri teknologikoko unibertsitate-enpresa berritzaile onenak aitortzen dituztenak.

NEMERGENT Solutions:

Azken belaunaldiko konponbideak segurtasun publikoko eta larrialdietako zerbitzuetan misio kritikoko komunikazioetarako.

IRONCHIP:

Faktore anitzeko autentifikaziorako zibersegurtasun-zerbitzuak, LBS Location-based-security teknologian oinarrituta.

AOTECH:

Industria-prozesuetarako soluzio fotonikoak aeronautikaren, elikaduraren eta bioteknologiaren sektoreetan

Purple BLOB:

Smart City inguruneetarako monitorizazio-sistema eta IoT sistemak eraikitzeko plataforma.

EMERID SYSTEN:

NFC teknologia aplikatzea objektuen eta pertsonen datuak identifikatzeko eta lortzeko.