Edukira joan
Menua Webgunearen menua ireki/itxi

Ingeniaritza Mekanikoko Gradua

Ingeniaritza Mekanikoaren xede nagusia da makinak,
motorrak, mekanismoak eta sistema mekanikoak
diseinatzea eta, beraz, lotura handia du industria alorreko
berrikuntzarekin. Industria ingeniaritzaren arloan oro
har, eta ingeniaritza mekanikoarenean bereziki, proiektu
teknikoak planteatu, landu, zuzendu, exekutatu eta
ustiatzea du helburu.


Ingeniaritza Mekanikoko Graduak gaitasuna emango
dizu Industria Ingeniaritza Teknikoan aritzeko, mekanika
espezialitatean. Izan ere, espezialitate horretan aztertzen
da makina eta gailu mekanikoak, industria-egiturak
eta -instalazioak nola diseinatu, eraiki, instalatu eta
abian jarri; esaterako, jasotze- eta garraio-makinak,
makinaerreminta, energia-instalazioak, hozte-instalazioak,
etab.


Orobat, gaitasuna emango dizu ere ekoizpen-, operazioeta
mantenimendu-lanak antolatu eta zuzentzeko.
Honela, Ingeniaritza Mekanikoa arloan proiektu
teknikoak diseinatu, zuzendu eta exekutatu egin ahal
izango dituzu.


Hitzarmenak ditugu inguruko 250 empresa baino
gehiagorekin, zure prestakuntza erabatekoa izan dadin
lagunduko dizuten borondatezko praktikak egiteko.
Gainera, nazioarteko esperientzia izan nahi baduzu, gure
mugikortasun-programetan parte hartu ahal izango duzu

Ezagutza arloa

Ingeniaritza eta Arkitektura

Ikastegia

Gipuzkoako Ingeniaritza Eskola

Campusa

Gipuzkoa

Harremanetarako

ugutz.garitaonaindia@ehu.eus

Iraupena

4 ikasturte

Kreditu kopurua

240 ECTS kreditu

Hizkuntzak

Euskara, Gaztelania, Ingelesa

Irakaskuntza mota

Ikasgelako gradua

Kredituaren prezioa 1. matrikulan

19,19 €

Gutxieneko nota

5 ezohiko deialdian (2019/20)

Eskainitako plazak

105 plaza

4 arrazoi gradu hau aukeratzeko

  • Ingeniaritza Mekanikoko gradudunek askotariko lanbide irteerak dituzte.
  • Titulazio honek legeak aitortutako lanbide gaitasunak ematen ditu.
  • Graduatu hauek oso eskari handia dute lan munduan.
  • Aukera handiak ditu ikasketen atal bat atzerrian egiteko eta, gradua amaitu eta gero, ikasketei jarraipena emateko.

Sarrera-profila

Mekanismoak, egiturak eta materialak interesatzen bazaizkizu, gaitasuna baduzu ulermen abstrakturako, arrazonamendu logikorako eta trebetasun deduktiborako, eta erraztasuna baduzu matematika, fisika, kimika eta adierazpen grafikoa bezalako oinarrizko gaietan, Ingeniaritza Mekanikoko Gradua duzu aukerarik egokiena.

Irteera profesionalak

Arlo hauetan, nagusiki:

  • Industria sektoreko enpresak (makina erreminta, automobilgintza, aeronautika…), I+G+b azterketak, ekoizpen prozesuen garapena eta kontrola, mantenimendua
  • Zerbitzu enpresak: Ingeniaritza eta aholkularitza enpresak
  • Eraikuntza
  • Irakaskuntza