Edukira joan
Menua Webgunearen menua ireki/itxi

Jarduera Fisikoaren eta Kirolaren Zientzietako Gradua

Ezagutza zientifikoak irmotasunez azaltzen du Jarduera Fisikoa modu arautuan eta maiz egitea dela bizi kalitate hobea eta osasungarriagoa lortzeko biderik eraginkor eta errentagarriena. Horri kirol fenomenoak maila guztietan daukan gero eta garrantzi handiagoa gehituta, beharrezkoa da Jarduera Fisikoaren eta Kirolaren arloko aditu profesionalak trebatzea.

Gradu honetan giza motrizitatearen oinarriei eta funtzioei, kirol entrenamenduari, ariketa fisikoaren ezaugarri psikologiko, sozial eta mekanikoei eta teknologia berriak kirolean aplikatzeari buruzko beharrezko prestakuntza jasoko duzu. Hirugarren mailatik aurrera, aipamen edo ibilbide hauek eginda espezializatzeko aukera izango duzu: Kudeaketa eta Aisia Jarduera Fisikoetan eta Kirol Jardueretan; Osasunerako eta Ongizaterako Jarduera Fisikoa; eta Kirol Entrenamendua.

Laugarren mailan nahitaezko praktikak egingo dituzu (federazioetan,kirol klubetan, erakunde publikoetan...), arlo hauetakoren batean sakontzeko: irakaskuntza, kudeaketa, hastapenak eta kirol errendimendua.

Gradu honetara sartzeko, proba fisiko zehatz batzuk gainditu beharko dituzu, oinarrizko mugimendu gaitasuna baduzula eta kirol jardunean maiz parte hartzen duzula erakusteko, eta, hala, graduan deskribatutako gaitasunak lortzeko beharrezkoak diren kirol jardunak behar bezala egingo dituzula bermatzeko.

Ezagutza arloa

Gizarte eta Lege Zientziak

Ikastegia

Hezkuntza eta Kirol Fakultatea. Jarduera Fisikoaren eta Kirolaren Zientzietako Atala

Campusa

Araba

Harremanetarako

Iraupena

4 ikasturte

Kreditu kopurua

240 kredituak ECTS

Hizkuntzak

Euskara, Gaztelania

Irakaskuntza mota

Ikasgelako gradua

Kredituaren prezioa 1. matrikulan

19,19 €

Gutxieneko nota

10,604 ohiko deialdian (2019/20)

Eskainitako plazak

Proba baztertzailea duten 100 plaza

4 arrazoi gradu hau aukeratzeko

  • Erreferentziako ikastegian ikasiko duzu, kirol instalazio propioekin eta puntako teknologia duten eremuekin.
  • Kirol arlo orokor eta espezifikoetan sakonduko duzu: pilota, aulki finkoko arrauna, herri kirolak…
  • Praktikak egin bitartean, I+G+B proiektuak garatuko dituzu, EAEko erakunde, kirolgune eta klub nagusienekin sinatuta dauzkagun hitzarmenen bidez.
  • Mugikortasun programak Espainiako, Europako eta Latinoamerikako unibertsitateekin: Erasmus +, SICUE, UPV/EHU-LA eta beste norakoak.

Sarrera-profila

Gustuko duzu kirola? Jarduera fisikoak gure bizi kalitatea hobetzen duela iruditzen zaizu? Ariketa fisikoak gizartearen osasun fisikoan zein mentalean zuzeneko eragina duela uste duzu? Galdera horiei baietz erantzun badiezu, eta, gainera, pertsonekin eta pertsonentzat lan egin nahi baduzu, zalantzarik gabe Jarduera Fisikoaren eta Kirolaren Zientzietako Gradua da zure aukera.

Irteera profesionalak

Gradu hau amaitzen duten pertsonek kirol zerbitzuak eskaintzen dituzten enpresetan, ikastetxeetan, udaletxeetan zein elkarteetan egin ahal izango dute lan, zehazki, honako zeregin hauetan:

  • Kirol programen eta ekimenen zuzendaritza, antolakuntza eta kudeaketa
  • Kirol instalazioen kudeaketa
  • Jarduera fisikoko programen kudeaketa, osasuna zein bizi kalitatea hobetzeko espezializatuta dauden zentroetan, fitness zentroetan, wellness zentroetan, gimnasioetan…
  • Personal training
  • Ikerketa
  • Eskola eta kirol klubetako irakaskuntza
  • Irakaskuntza Bigarren Hezkuntzan, Batxilergoan eta Lanbide Heziketan