Edukira joan
Menua Webgunearen menua ireki/itxi

Kriminologiako Gradua

Kriminologia diziplinarteko zientzia bat da, diziplina askoren ezagutzaz baliatzen dena; tartean, medikuntza, soziologia, psikologia, antropologia eta zuzenbide penala.

Horren bidez, krimenaren, haren intzidentziaren, kausen, formen, ondorioen eta lege araudien gaineko ikuspegi global bat eman nahi da; biktimen arreta, delinkuenteak eta gizarte kontrola deitutakoa ahaztu gabe.

Delituak prebenitzeko eta tratatzeko, biktima eta arau-hausleekin esku hartzeko eta, oro har, biztanleriaren segurtasuna hobetzeko zientzia ezagutzen aplikazioan aditu bat izateko prestatuko zaitu Kriminologiako Graduak. Delitua bera ikertzeaz gainera, sakon aztertuko dituzu delinkuentea, biktima eta delituen gizarte kontrolerako bitartekoak, eta gatazkak konpontzeko estrategiak diseinatzen ikasiko duzu.

Eta ikasitako guztia praktikan jartzeko, bertatik bertara ezagutuko duzu kriminologiaren arloko profesionalek egindako lana, nahitaezko kanpoko praktiken bitartez.

Ezagutza arloa

Gizarte eta Lege Zientziak

Ikastegia

Zuzenbide Fakultatea

Campusa

Gipuzkoa

Harremanetarako

Iraupena

4 ikasturte

Kreditu kopurua

240 kreditu ECTS

Hizkuntzak

Euskara, Gaztelania, Ingelesa

Irakaskuntza mota

Ikasgelako gradua

Kredituaren prezioa 1. matrikulan

14,08 €

Gutxieneko nota

9,538 ohiko deialdian (2018/19)

Eskainitako plazak

60 plaza

4 arrazoi gradu hau aukeratzeko

  • Delitua, krimena eta biktimekiko laguntza ikasi eta gizarte justuagoaren aldeko lana egiten ikasiko duzu.
  • Auzitegiko psikopatologia, medikuntza legala… ikasketa plan osoa izango duzu, diziplina ezberdinetako irakasgaiek osatuta.
  • Laugarren ikastaroan, praktikak egingo dituzu epaitegietan, fiskalian, Ertzaintzan edo zuk proposatutako tokian.
  • Ikerketa kriminologikoak ezagutu ahal izango dituzu Kriminologiaren Euskal Institutuan, fakultateak lankidetza estua baitu institutuarekin.

Sarrera-profila

Behaketa eta dedukzio gaitasuna, espiritu kritikoa, eta analisi eta sintesirako joera baduzu eta lana taldean egitea atsegin baduzu, Kriminologiako Gradua da zure aukera.

Irteera profesionalak

  • Polizia zientifikoa (udalerrietakoa, autonomikoa edo estatukoa)
  • Segurtasun pribatua
  • Arlo judiziala: auzitegiko kriminologia, delituei buruzko datu baseen erabilera, adingabeen epaitegiak, azterketa kriminologikoak
  • Espetxeak eta adingabe arau-hausleak barneratzeko zentroak
  • Gizarteratzeko erakundeak eta bitartekaritza zerbitzuak
  • Biktimen arreta
  • Ikastetxeak: arrisku faktoreak hautemateko programen diseinua, esku hartze eta prebentzio estrategiak
  • Giza eta oinarrizko eskubideen arloko elkarteak