Ikasgai honek gaitasuna ematen du diseinu teknikoak asmatzeko, batez ere ingeniaritza mekanikoaren arloan, eta komunikatzeko (irakurtzea / adieraztea prozesuak) hizkuntza grafiko zehatza eta unibertsalaren bidez.



Era berean, industria arloko produktu baten diseinu-prozesua nola egin eta ondorengo adierazpen grafikoak produktu horren erabilpenak baldintzatuta eskatzen duen berenberegiko araudia irakasten du. Trebezia ematen du esku hutsez zein betiko tresnak (konpasa, eskuari eta kartaboia) erabilita edota Ordenagailuz Lagundutako Diseinuaren (OLD) sistemekin marraztean.



Ikaskuntzaren emaitzak atal hauetan nabaritu daitezke:



* Geometriak eta industria-diseinuak buruz irudikatzeko gaitasuna.

* Informazio teknikoaren igorle eta hartzaile moduan, hizkuntza grafiko zehatza eta unibertsala erabiltzeko gaitasuna, adierazpen teknikoa baita ingeniaritza arloko diseinu-proposamenak jakinarazteko hizkuntza.

* Hiru dimentsioko forma geometriko gaitzak osagai sinpleen batuketa moduan aztertzeko gaitasuna.

* Industria-diseinuaren arloan, arazo geometrikoak planteatzeko eta ebazteko gaitasuna.

* Trebetasuna marrazketa-tresnen (ohiko tresnak eta OLD sistemak) erabileran, ingeniaritzako marrazketaren arloan informazio teknikoa emateko.

Ikasgaiaren edukiak honela bildu daitezke era labur eta orokorrean: oinarri geometrikoak; industria arloko kurba eta gainazalak; adierazpen-sistemak (diedrikoa, axonometrikoa eta plano akotatuena); adierazpen grafikoko oinarrizko araudia; eta Ordenagailuz Lagundutako Diseinuaren hastapena.



PROGRAMA LABURTUA:



1. ESPAZIOA ETA IRUDI GEOMETRIKOAK. PROPIETATEAK ETA INDUSTRIA-DISEINUAN ERABILTZEA.

2. ADIERAZPEN-SISTEMAK: DIEDRIKOA, AXONOMETRIKOA ETA PLANO AKOTATUENA. ALFABETOA ETA INBARIANTEAK. ELKARREKIKOTASUNA. METODOAK. ERASOKO, METRIKAKO ETA POSIZIOKO GAIAK.

3. OINARRIZKO ARAUKETA. NEURRIAK EZARTZEA ETA METROLOGIA. PERDOIAK, DOIKUNTZAK ETA AZAL-KALITATEAK.

4. OINARRIZKO LOTURA-SISTEMAK.

5. ORDENAGAILUZ LAGUNDUTAKO DISEINURAKO SISTEMEN HASTAPENA.

Tartekatu egiten dira eskola teorikoak eta praktikoak, teoriaren eta praktikaren arteko oreka mantenduz.



Eskola Magistralak: Azalpen teorikoak eman, ikasgaiaren oinarrizko kontzeptuak transmititzeko, eta problemak hausnartu, konponbideak eztabaidatzeko.



Eskola Praktikoak: Ariketa praktikoak ebatzi, oinarrizko kontzeptuak sendotzeko eta sakontzeko eta marrazketa teknikoko bitartekoak erabiltzeko. Gaitasunak lantzeko ariketak ere jorratzen dira.

Idatzizko azterketa finala (F) bakarkakoa izango da, ohiko marrazketa-tresnekin egina. Ikasleak azterketa finalean erakutsi duen errendimendua 0-10 tarteko nota batez kalifikatuko da.



Ikasgaia gainditzeko, irizpide nagusi moduan, 5 puntu atera behar dira idatzizko azterketa finalaren kalifikazioan.



Lauhilekoan zehar, ebaluazio praktiko bat (P) egingo da; bertan, atal hauek izango dira kontuan: asteko praktikak, laborategiko praktikak, mintegiak eta kontroleko ariketa mailakatuak. Ikasleak ebaluazio jarraituan erakutsi duen errendimendua 0-10 tarteko nota batez kalifikatuko da.



(F) kalifikazioan gutxieneko maila edo gehiago lortuz gero, (P) eta (F) kalifikazioen artean batezbestekoa egin daiteke. Egoera horretan, idatzizko azterketa finalak (F) azken notaren % 70 balioko du gutxienez, eta ebaluazio praktikoak (P) % 30 gehienez. Azterketa finaleko nota eta batezbestekoa egin ondoren lortu den nota konparatuko dira eta bien arteko onena hartuko da.



Ebaluazio praktikoa ez da derrigorrezkoa izango eta ez da “Uko egitea” eskatu behar izango. Ebaluazio praktikoa “Gai” lortzeko lagungarri denean bakarrik hartuko da kontuan.



Ohiko deialdiko idatzizko azterketa finalera aurkeztu ez dadin ikasleari “Ez Agertua” ipiniko zaio akta ofizialetan.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Oinarrizko bibliografia

* Dibujo Técnico. Sistemas de Representación < Zorrilla, E. y Muniozguren, J > Servicio de Publicaciones ETSI-Bilbao

* Ingeniaritzako Grafikoetan Sakontzea < Egileak: Saileko zenbait irakasleak > Servicio de Publicaciones ETSI-Bilbao

* Oinarrziko Arauketa. Marrazketa Teknikoa < Zorrilla, E. y Muniozguren, J > Servicio de Publicaciones ETSI-Bilbao

* Ingeniaritzako Grafikoak. Ariketa praktikoak < varios autores > Servicio de Publicaciones ETSI-Bilbao

* Ingeniaritzako Grafikoetan sakontzea. Ariketa praktikoak < varios autores > Servicio de Publicaciones ETSI-Bilbao

* Manual de Normas UNE sobre Dibujo < AENOR >

* Dibujo de Ingeniería Industrial < Urraza, G. y otros > ARTE KOPI S.L.

* Dibujo Industrial < Félez, J. y Martínez, M.L. > Editorial Síntesis

* Sistemas de Representación. Sistema Diédrico (Tomo I) Ediciones TEXGRAF

* Diédrico Directo (Tomos I y II) < Giménez Peris, V. > Tip. Mazuelos S.L.

* Fundamentos de Dibujo en Ingeniería PRENTICE-HALL

* Dibujo y diseño en ingeniería McGraw-Hill

* Dibujo en Ingeniería y Comunicación Gráfica McGraw-Hill

* cadcam < Barry Hawkes > Edit. Paraninfo

Gehiago sakontzeko bibliografia

* Geometria Deskribatzailea. < Rodriguez de Abajo, F. J. > UPV/EHUko Argitalpen Zerbitzua.
* Marrazketa Geometrikoa. UPV/EHUko Argitalpen Zerbitzua.
* Geometría Descriptiva. < Leighton Wellman, B. > Editorial Reverté S.A.
* Geometría Constructiva Aplicada a la Técnica. < Hohemberg, F. > Editorial Labor, S.A.
* Geometría Descriptiva Práctica. < Grant Hiran, E.> Ediciones del Castillo, S.A.
* Geometría descriptiva superior y aplicada Edit. Dossat, S.A.
* Ejercicios de geometría descriptiva I (sistema diédrico) ORYMU
* Ejercicios de geometría descriptiva II (acotado y axonométrico) ORYMU
* Dibujo Técnico. < Bachmann, A. y Forberg, R. > Edit. Labor
* Dibujo Industrial. < Chevalier, A. > Grupo Noriega Editores
* Engineering Drawing and Graphic Technology < French, T.E. et all > McGraw-Hill
* Engineering Graphics < F.E. Giesecke, F. E. et all > MacMillan Publishing Company
* Fundamental of Interactive Computer Graphics. < Foley, J.D. and Van Dan, A. > Addison Wesley
* Computational Geometry for Design ad Manufacture. < Faux, I.D. and Pratt, M.J. > Ellis Horwood
* Geometric Modeling. < Mortenson, M.E. > John Wiley & Sons
* Engineering Drawing & Design DELMAR
* CAD/CAM Theory and Practice. < Ibrahim Zeid > McGraw-Hill