IKASGAIAREN GAITASUN ESPEZIFIKOAK



 Eraikuntza-arauak zein arau teknikoak aplikatzeko gaitasuna.

 Eraikinaren egitura, zimenduak eta obra zibila zaintzeko gaitasuna.

 Eraikinen zimenduak behar bezala diseinatzeko eta asmatzeko gaitasuna.

 Eraikinen egiturak eta eskailerak diseinatzeko eta garatzeko gaitasuna.

 Estalki sistemak hautatzeko, asmatzeko eta diseinatzeko gaitasuna.

 Obra lodia zaintzeko oinarrizko gaitasuna.

 Amaituriko obra zaintzea eta mantentzea.



IRAKASGAIA EMATEAREN EMAITZAK:



 Gure inguruko eraikinen Zimenduak, egitura eta estalkien diseinuan erabili ohi diren sistema konbentzional ezberdinak ezagutzea eta barneratzea.

 Indarrean dauden eraikuntza- eta egitura-sistema ezberdinen onurak eta eragozpenak ezagutzea, ahalik eta ikuspegirik zabalenetik, batean edo bestean aplikatzeko arrazoiak ulertuz.

 Eraikuntza- eta egitura-sistemarik egokiena hautatzeko erizpideak barneratzea, proiektuan landu eraikina osatzen duten elementuen arteko erlazioa eta elkarrekiko mendekotasuna ulertuz eta aintzat hartuz.

 Hautaturiko zimendu-, egitura- eta estalki-sistemak eraikinaren eraikuntza-ezaugarriei egokitzeko eta haren baitan definitu.

 Eraikuntzaren ikuspegitik, Ejekuzio Proiektuaren atalak testualki eta grafikoki deskribatzeko dokumentazioa prestatzea, zimenduei, egiturari eta estalkiari dagokienez.

Hona jarraian ikasgaiaren edukiak:

ZIMENDUAK:

 Hastapeneko lanak:

- Lursailaren eta zoruaren ezagutza-teknikak eta Ikerketa Geoteknikoa

- Lur-mailaketak

- Zimenduen zuinketa

 Zimendu sistema hautatzeko aintzat hartu beharreko oinarrizko kontzeptuak, arauen ezagutza eta parametro teknikoak.

 Eraikinaren baitako zama-jaitsiera.

 Azaleko zimendu-sistemak: zapata bakunak, konbinatuak, luzetrarakoak, lotura-habeak, bilbeak eta zimendu-losak.

 Tarteko sakonerako zimenduak: putzuak

 Zimendu sakonak: aurrekoitzitako piloteak, in situ egindako piloteak eta entzepatuak.

 Lur azpiko hormak:

- Soto-hormak, pantaila-hormak, pilote-hormak, eustormak eta batatxeka eraikitako horma ainguratuak.

- Iragazgaizpena eta dreinadura.

 Zolarriak

 Agiri teknikoak: memoria edo oroitidazkia, eta zimenduen adierazpen grafikoa.

EGITURA

 Egitura sistema hautatzeko aintzat hartu beharreko oinarrizko kontzeptuak, arauen ezagutza eta parametro teknikoak.

 Hormigoi armatuzko egitura portikatuak:

- Zutabeak, habeak eta portikoak

- Norabide bakarreko solairuak: kontzeptuak, in situ egindako habexkak, habexka erdi-erresistenteak, habexka erresistenteak, habexka-artekoak eta armatu-erizpideak.

- Norabide biko solairuak: kontzeptuak, nerbioen osaketa, habexka-artea, bandak eta laukiak, abakoak eta puntu bereziak.

- Losa trinkoak: armatuak eta errefortzuak.

- Loturak eta puntu bereziak: balkoi-hegalak eta teilatu-hegalak, jauziak eta hutsarteak.

- Eskailerak: kontzeptuak, tipologia, diseinua eta eraikuntza.

 Agiri teknikoak: memoria edo oroitidazkia, eta egituraren adierazpen grafikoa.

ESTALKIA

 Estalki sistema hautatzeko aintzat hartu beharreko oinarrizko kontzeptuak, arauen ezagutza eta parametro teknikoak.

 Estalkien sailkapena.

 Estalki lauak:

- Osagaiak: geruzak eta materialak.

- Estalki tradizionala.

- Estalki iraulia.

- Lorategi-estalkia.

- Urak jasotzeko eta ebakuatzeko sistemak.

 Estalki inklinatuak:

- Osagaiak: geruzak eta materialak.

- Urak jasotzeko eta ebakuatzeko sistemak.

 Agiri teknikoak: memoria edo oroitidazkia, eta estalkiaren adierazpen grafikoa.

Ikasgaiak PBL (Project Based Learning) metodologiari jarraituko dio, ERAGINen araberako proiektuetan oinarrituriko ikasketa kooperatiboan. Ikasleek, taldeka, proiektu bat garatuko dute, galdera eragile bat abiapuntu dela, agertoki baten definizioa eta informazio-iturriak zehaztuta.

PBL metodolgiari dagozkion hainbat baliabide eta jarduera baliatuak izango dira, hala nola aldez aurreko jakintza-maila ezagutzeko inkestak, taldeen autobalorazioa, portafolio pertsonalaren lanketa, brainstorminga, posterrak prestatzea, jendaurreko aurkezpen eta erakusketak, hitzaldi teknikoak gonbidaturiko profesionalen ahotik, berdinen arteko egiaztatze eta kontrastea, gidaturiko eztabaidak eta kolokioak, puzleak bezalako ariketa eta jarduera kooperatiboak, eztabaida-leku kolaboratiboak eGela plataformaren bidez, gutxieneko jakintza-maila neurtzeko banakako ebaluazio-probak eta entregagaien osaketa eta lanketa.



IRAKASKUNTZA EZ PRESENTZIALA

Baldin eta aurrez-aurreko eskolak bertan behera geldituko balira, irakaskuntzak jarraituko luke, EHUk eskura jartzen dizkigun baliabideak tarteko (BlackBoard Collaborate). Irakasleak jakinaraziko lieke ikasleei ikasgaiak nola jarraituko duen.

Eraikuntza I ikasgaiak, Proiektuak eta Hirigintza ikasgaiekin batera hartzen du parte 3. mailako Tailer Bateratuan. ERAGIN programak ezarritako zereginak Tailerraren egunerokoarekin, egutegiarekin eta enuntziatuarekin bateratzea zaila delarik, jarduera biak bereizita izango dira aintzat hartuak eta ebaluatuak, ikasgaiaren balorazio orokorra eskuratzeko:



- ERAGIN Proiektua: 85 %

- Tailer bateratua: 15 %



Tailer Bateratuan ordea, ez dute ikasle guztiek parte hartzen. 3. mailako Proiektuak ikasgaian matrikula egindako ikasleak baizik ez daude Tailerrean. Hortaz, Tailer Bateratua jarraitu behar EZ duten ikasleek, PBL proiektuarekin batera, aparteko jarduera edo ariketa heharko dute garatu, Tailer Bateratuan egingo den praktikaren antzekoa, lan-zamari dagokionez, %15ean aintzat hartuko dena azken balorazioan.



Ikasgaia gainditzeko bideak bi dira:



EBALUAZIO JARRAIA



PBLaren jarraipenean oinarritzen da ebaluazio jarraia. Ikasleen jarraipen jarraitua bai aurrez-aurrekoa ez ezik nola eskolatik kanpoko jarduerena ere, dela ariketa ezberdinak eginda, nola bestelako proba eta aurreikusitako entregagarrien garapena, ezinbestekoak dira ikasgaia gainditzeko. Hiru entregagai nagusiak eta hiru Bakarkako probak gaindituak behar dute nahi ta nahi ez. Lauhilekoan zehar gainditu gabeko lanak eta probak, ohiko deialdian edo ezohikoan berreskuratu ahal izango dira.

Ikasle bakoitzaren azken balorazioa eskuratzeko orduan, honako atal hauek izango dira aintzat hartuak:

- Gai bakoitzarekin loturiko Entregagarriak, zereginak eta jarduerak (azken kalifikazioaren %54):

- Kalifikazio berbera jasoko dute taldeko kide guztiek.

- Kalifikazioaren zati bat irakasleari egokituko zaio; bestea, beste ikasle batzuei, berdinen arteko azterketa tarteko, lanak eta entregagarriak aztertu ostean jarriko baitiote kalifikazioa.

- Entregagarriak eta ariketak baloratzeko bitartekoa, bai irakasleentzat nola ikasleentzat, errubrika izango da. Gai bakoitzaren edukiak batzuk edo besteak izan, errubrika espezifikoak prestatuko dira entregagarri bakoitzeko.

- Gai bakoitzarekin loturiko bakarkako proba (azken balorazioaren %30)

- Gutxieneko jakintza-maila neurtzeko hiru proba aurreikusten dira, bakarka eta lauhilekoan zehar egitekoak. Ikasgaiaren hiru atal nagusien araberakoak izango dira: zimenduak, egitura eta estalkia.

- Ikasgaia gainditzeko, hiru Bakarkako probek gaindituak beharko dute, 5eko kaifikazioarekin gutxienez. Lauhilekoan zehar gainditu gabeko probak, ikastegiak ezarririko egunetan ahal izango dira berreskuratu, ohiko edo ezohiko deialdian.

- Bakarkako azken kalifikazioa eskuratutako kalifikazioaren eta hura eskuratzeko baliatu saio kopuruaren araberakoa izango da.

- Talde batetako kide guztiek ikasgaiaren garapenean zehar egindako gutxieneko jakintza-maila neurtzeko proba guztiak gaindituz gero, puntu erantsi bat eskuratuko dute proba horretan.

- Jarrera eta ikasgaiaren baitako partaidetza (azken balorazioaren 16 %):

- Ikaslearen jarrera eta partaidetza, proiektuaren garapenean eta baita ikasgaiaren baitan ere, irakasleak ez ezik, ikasleak berak baooratua izango da, auto-ebaluazio proba tarteko.

- Taldearen jarrera eta partaidetza ez ezik, ikasleen bakarkakoak ere izango dira aintzat hartuak, bai taldearen baitan nola ikasgai-taldearenean ere.



AMAIERAKO EBALUAZIOA



Ikasleak eskubidea izango du ikasgaia ebaluazio jarraiaren arabera EZ egiteko, eta berau, amaierako ebaluazio baten bidez ohiko deialdian gainditzeko. Amaierako ebaluazioak, eskolak iragarritako datan egindako azterketa bat, eta bakarkako praktika bat hartuko ditu aintzat, zeinak bere baitan hartuko dituen ebaluazio jarraian egindako hiru praktika partzialak. Biek, azterketak eta praktikak, 5eko kalifikazioa beharko dute (nahikoa). Ikasleak ebaluazio jarraia egin nahi ez, eta amaierako ebaluazio bidez egin nahiko balu, 9. Astea baino lehen beharko dio jakinaraziirakasleari, idatziz beti ere.



IKASGAIARI UKO



Baldin eta ikaslea eskolatara ez baletor eta ikasgaia behar bezala ez garatuko ez balu, ebaluazio jarraituari egindako ukotzat izango da hartua. Halaber, amaierako probara aurkeztuko ez balitz, edo eta amaierako lanik ekarriko ez balu, amaierako ebaluazioari egindako ukotzat hartuko da. Batari eta besteari uko eginez gero, “Aurkeztu gabe” kalifikazioa egokituko zaio.



IRAKASKUNTZA EZ PRESENTZIALA



Baldin eta modurik ez balego aurrez-aurreko irakaskuntza egiteko, eskolak, ariketen jarraipena eta bakarko probak, on line egingo lirateke, EHU/UPVk eskura jartzen dizkigun baliabide telematikoak baliatuta.

Oinarrizko bibliografia

- Paricio, Ignacio. “Arkitekturaren eraikuntza. Tekinikak”. E.H.U.ko argitalpen zerbitzua.

- Paricio, Ignacio. “Arkitekturaren eraikuntza. Elementuak”. E.H.U.ko argitalpen zerbitzua.

- D.K. Ching, Francis. “Arkitektura- hiztegi irudiduna”. E.H.U.ko argitalpen zerbitzua.

- Baud, Gerard. “Etxegintza. Igeltserotza eta hormigoi armatua”. Euskal Herriko Unibertsitateko Argitalpen Zerbitzua.

- Müller, Werner; Vogel, Gunther. “Arkitektura Atlasa 1”. E.H.U.ko argitalpen zerbitzua.

- Deplazes, Andrea. “Constructing Achitecture: Materials, processes, Structures. A handbook”.

- Sánchez-Ostiz Gutiérrez, Ana. “Cerramientos de edificios: cubiertas” CIE Dossat

- Autores varios. “Números gordos”. Cister

- Gordon, J.E. “Estructuras o porqué las cosas no se caen”. Celeste ediciones. Madrid

- Regalado Tesoro, Florentino. “Los forjados de los edificios: pasado, presente y futuro”. CYPE Ingenieros

- Lozano Apolo, Jerónimo. “Curso diseño, cálculo, construcción y patología de los forjados”. Ed. Lozano y asociados.

- Pérez Valcarcel, Juan B. “Excavaciones urbanas y estructuras de contención”. COAG

- García Valcarce, A. “Manual de edificación: derribos y demoliciones. Actuaciones sobre el terreno”. Ed. EUNSA

- Montero Fernandez de Bobadilla, Eduardo. “Cerramientos convencionales de fábrica cerámica vista: exigencias básicas”. CGATE

- González Martín, Jesús. “Revestimientos continuos: tradicionales y modernos” Fundación Escuela de la Edificación

- Avellaneda, Jaume; Paricio, Ignacio. “Los revestimientos de piedra” Ed. Bisagra

- Paricio, Ignacio. “La fachada de ladrillo” Ed. Bisagra.

- Paricio, Ignacio. “Las cubiertas de chapa”. Ed. Bisagra

- “Manual de ejecución de fachadas con ladrillo caravista”. Hispalyt

- “Manual de diagnosis e intervención en cubiertas planas”. CAATB

- Collado Trabanco, Pablo; Nuño, David. “Supervisión de ejecución de acabados, revestimientos y cubiertas”. Ed. Lex Nova

- “Banco de detalles arquitectónicos”. F. Alcalde

- “Manual de rocas ornamentales”. CSCIME

- “Diseño y construcción de escaleras y barandillas”. Willibald Mannes. Ed. Gustavo Gili

- “Escaleras”. Ediciones de autor técnico SL

- Petrignani, A. “Tecnologías de la arquitectura”. Gustavo Gili. Barcelona

- Hess, F. “Construcción y Forma” Gustavo Gili. Barcelona

- Esselborn, C. “Tratado general de construcción”. Gustavo Gili. Barcelona

- “Tecnología de la construcción”. Ediciones CEAC. Barcelona

- Allen, Edward. “Cómo funciona un edificio. Principios elementales”. Gustavo Gili. Barcelona

- Hernandez, E. “Revestimientos de fachada, manual práctico”. Progensa. Sevilla

- Monjo, Abásolo...”Tratado de construcción. Sistemas” Ediciones Munilla-Leria. Madrid

- Monjo, Abasolo...”Tratado de Construcción. Fachadas y cubiertas”. Ediciones Munilla-Leria. Madrid

- Torroja, Eduardo. “Razón y Ser de los tipos estructurales”. CSIC. Madrid

- Pellicer, Domingo. “El hormigón armado en la construcción arquitectónica”. Editorial Bellisco. Madrid

- Strike, James. “De la Construcción a los Proyectos. La influencia de las nuevas técnicas en el diseño arquitectónico”. Editorial Reverte. Barcelona

- “Biblioteca de detalles constructivos”. CYPE  www.detallesconstructivos.cype.es



HIZTEGIAK



- D.K. Ching, Francis. “Arkitektura- hiztegi irudiduna”. E.H.U.ko argitalpen zerbitzua.

- Paniagua, José Ramón. “Vocabulario básico de arquitectura”. Cuadernos de arte cátedra. Madrid

- Madariaga, Luis de. “Diccionario de Arquitectura y Construcción”

- Putnam, R.E. y Carlson, G.E. “Diccionario de arquitectura, construcción y obras públicas”. Paraninfo. Madrid



ARAUDIAK



- EKT. Eraikintzaren Kode Teknikoa

- EHE. Instrucción para el proyecto y la ejecución de obras de hormigón en masa y armado.

- NTE. Normas Tecnológicas de la Edificación.