IKASGAIAREN GAITASUN ESPEZIFIKOAK



- Eraikuntza-arauak zein arau teknikoak aplikatzeko gaitasuna.

- Eraikinaren fatxadak diseinatu eta asmatzeko gaitasuna.

- Eraikinaren barne itxitura konbentzionalak diseinatu eta asmatzeko gaitasuna.

- Eraikinaren zoladura eta sabaien akaberak diseinatu eta asmatzeko gaitasuna.

- Amaituriko obra zaintzea eta mantentzea.



IRAKASGAIA EMATEAREN EMAITZAK:

- Gure inguruko eraikinen fatxadak, barne itxiturak, zoladurak eta sabaiak garatzeko sistema konbentzional ezberdinak ezagutzea eta barneratzea.

- Indarrean dauden eraikuntza sistema ezberdinen onurak eta eragozpenak ezagutzea, ahalik eta ikuspegirik zabalenetik, batean edo bestean aplikatzeko arrazoiak ulertuz.

- Eraikuntza sistema egokiena hautatzeko erizpideak barneratzea, proiektuan landu eraikina osatzen duten elementuen arteko erlazioa eta elkarrekiko mendekotasuna ulertuz eta aintzat hartuz.

- Hautaturiko fatxada, barne itxitura, zoladura eta sabaien sistemak eraikinaren eraikuntza-ezaugarriei egokitu eta haren baitan definitu.

- Eraikuntzaren ikuspegitik, Ejekuzio Proiektuaren atalak testualki eta grafikoki deskribatzeko dokumentazioa prestatzea, fatxadak, barne itxiturak, zoladura eta sabaiei dagokienez.

Ikasgaiaren edukiak ondorengoak dira:



FATXADAK:



- Eraikinaren itxitura bertikala aukeratzerakoan, aintzat hartu beharrezko oinarrizko kontzeptuak eta araudi eta parámetro teknikoak.

- Fatxada konbentzional bezala ezagutzen den soluzioa.

- Hormigoiz egindako panel handien fatxada soluzioa.

- ETICS (gazteleraz SATE) bezala ezagutzen den fatxada soluzioa.

- Fatxada aireztatua.

- Berez eusten den fabrikaz osatutako itxitura armatua.

- Fatxadaren hutsarte eta kanpo arotzia.

- Agiri teknikoak: memoria eta fatxadaren adierazpen grafikoa.



BARNE ITXITUREN SOLUZIO KONBENTZIONALAK:



- Eraikinaren barne itxiturak aukeratzerakoan, aintzat hartu beharrezko oinarrizko kontzeptuak eta araudi eta parámetro teknikoak.

- Finkatutako barne itxiturak:

- Fabrikazkoak.

- Barne itxitura arinak.

- Barne itxitura mugikorrak.

- Agiri teknikoak: memoria eta barne itxituren adierazpen grafikoa.



ZOLADURAK:



- Eraikinaren zoladurak aukeratzerakoan, aintzat hartu beharrezko oinarrizko kontzeptuak eta araudi eta parámetro teknikoak.

- Materialak eta eraikuntza soluzio ezberdinak.

- Agiri teknikoak: memoria eta zoladuren adierazpen grafikoa.



SABAIAK:



- Eraikinaren sabaiak aukeratzerakoan, aintzat hartu beharrezko oinarrizko kontzeptuak eta araudi eta parámetro teknikoak.

- Materialak eta eraikuntza soluzio ezberdinak.

- Agiri teknikoak: memoria eta sabaien adierazpen grafikoa.

Lehenengo lau hilekoari jarraituz, ikasgaiak PBL (Project Based Learning) metodologiari jarraituko dio. Ikasleek, taldeka, lehen lau hilekoan garatutako proiektuarekin jarraituko dute, galdera eragile bat abiapuntu dela, agertoki baten definizioa eta informazio-iturriak zehaztuta. Modu honetan, Eraikuntza I eta Eraikuntza II ikasgaiak metodologia berbera erabiliko dute eta eraikin baten exekuzio proiektu oso bat garatzeko aukera emango du.



PBL metodolgiari dagozkion hainbat baliabide eta jarduera baliatuak izango dira, hala nola aldez aurreko jakintza-maila ezagutzeko inkestak, taldeen autobalorazioa, portafolio pertsonalaren lanketa, brainstorminga, posterrak prestatzea, jendaurreko aurkezpen eta erakusketak, hitzaldi teknikoak gonbidaturiko profesionalen ahotik, berdinen arteko egiaztatze eta kontrastea, gidaturiko eztabaidak eta kolokioak, puzleak bezalako ariketa eta jarduera kooperatiboak, eztabaida-leku kolaboratiboak eGela plataformaren bidez, gutxieneko jakintza-maila neurtzeko banakako ebaluazio-probak eta entregagaien osaketa eta lanketa.

ORIENTAZIOAK



Eraikuntza II ikasgaiak, Proiektuak, Hirigintza, Egiturak eta Zerbitzuak ikasgaiekin batera hartzen du parte 3. mailako Tailer Bateratuan. PBL metodologia Tailerraren egunerokoarekin, egutegiarekin eta enuntziatuarekin bateratzea zaila delarik, jarduera biak bereizita izango dira aintzat hartuak eta ebaluatuak, ikasgaiaren balorazio orokorra eskuratzeko:



- PBL Proiektua: 85 %

- Tailer bateratua: 15 %



Tailer Bateratuan ordea, ez dute ikasle guztiek parte hartzen. 3. mailako Proiektuak ikasgaian matrikula egindako ikasleak baizik ez daude Tailerrean. Hortaz, Tailer Bateratua jarraitu behar EZ duten ikasleek, PBL proiektuarekin batera, aparteko jarduera edo ariketa heharko dute garatu, Tailer Bateratuan egingo den praktikaren antzekoa, lan-zamari dagokionez, %15ean aintzat hartuko dena azken balorazioan.



Ikasleen jarraipen jarraitua bai aurrez-aurrekoa ez ezik nola eskolatik kanpoko jarduerena ere, ariketa ezberdinak eginda, nola bestelako proba eta aurreikusitako entregagarrien garapena, ezinbestekoak dira ikasgaia gainditzeko. EZ DA AMAIERAKO AZTERKETA ALTERNATIBORIK IZANGO.

Ikasle errepikatzaileek gainontzeko besteek bezalaxe eta baldintza beretan beharko dute Proiektua egin. Aurreko urteetan egindako lanak, halakorik balego, ez dira aintzat hartuak izango azken ebaluazioari dagokionez eta ez dira aurreikusitako ezein jarduera edo ariketa ordez aurkeztuak izango ahal. Halaber, ez da proiektua urrutitik egiterik izango; ERASMUS programaren baitan atzerrian aurkitzen diren ikasleek, esate baterako.



PBL proiektuaren baitan, ikasle bakoitzaren azken balorazioa eskuratzeko orduan, honako atal hauek izango dira aintzat hartuak:



- Gai bakoitzarekin loturiko Entregagarriak, zereginak eta jarduerak (azken kalifikazioaren %63):



- Kalifikazio berbera jasoko dute taldeko kide guztiek. Halaber izango dira berdin kalifikatuak hiru taldekideen portafolioak, bakarka eta gai bakoitzeko egin beharrekoak; horien bataz-besteko kalifikazioa taldearen kalifikazioari aplikatuko zaio.

- Kalifikazioaren zati bat irakasleari egokituko zaio; bestea, beste ikasle batzuei, berdinen arteko azterketa tarteko, lanak eta entregagarriak aztertu ostean jarriko baitiote kalifikazioa.

- Entregagarriak eta ariketak baloratzeko bitartekoa, bai irakasleentzat nola ikasleentzat, errubrika izango da. Gai bakoitzaren edukiak batzuk edo besteak izan, errubrika espezifikoak prestatuko dira entregagarri bakoitzeko.



- Gai bakoitzarekin loturiko bakarkako proba (azken balorazioaren %21):



- Gutxieneko jakintza-maila neurtzeko zenbait proba aurreikusten dira, bakarka eta lauhilekoan zehar egitekoak. Ikasgaiaren atal nagusien araberakoak izango dira: fatxadak, barne itxiturak, zoladurak eta sabaiak.

- Gutxieneko jakintza-mailari buruzko probak izaki (oinarrizko ezagutza), ikasleak eskaturiko gutxieneko GUZTIAK beharko dira gainditu (edota denak, bat izan ezik). Osterantzean, proba GUTXIEGI batez kalifikatua izango da. Gainditu gabeko gutxieneko jakintza-maila neurtzeko probak, Ikastetxeak ezarritako amaierako azterketa-datatan izango ahal dira gaindituak. Ikasgaiko jarduera eta ariketa guztiak nola bakarkako proba guztiak bere garaian egin ezean, ikasleek EZ DUTE errekuperazio-probarik egiterik izango.

- Bakarkako azken kalifikazioa eskuratutako kalifikazioaren eta hura eskuratzeko baliatu saio kopuruaren araberakoa izango da.

- Talde batetako kide GUZTIEK, ikasgaiaren garapenean zehar egindako gutxieneko jakintza-maila neurtzeko proba guztiak gaindituz gero, PUNTU erantsi BAT eskuratuko dute.



- Jarrera eta ikasgaiaren baitako partaidetza (azken balorazioaren 16 %):



- Ikaslearen jarrera eta partaidetza, proiektuaren garapenean eta baita ikasgaiaren baitan ere, irakasleak ez ezik, ikasleak berak baooratua izango da, auto-ebaluazio proba tarteko.

- Taldearen jarrera eta partaidetza ez ezik, ikasleen bakarkakoak ere izango dira aintzat hartuak, bai taldearen baitan nola ikasgai-taldearenean ere.



UKO EGITEA:



Baldin eta ikaslea eskolatara ez baletor eta ikasgaia behar bezala ez garatuko ez balu, ebaluazio-deialdiari egindako ukotzat izango da hartua, "Aurkeztu gabea" kalifikazioa egokituko zaiolarik.

Oinarrizko bibliografia

Paricio, Ignacio. “La construcción de la arquitectura: las técnicas”. I.T.E.C. Barcelona

Paricio, Ignacio. “La construcción de la arquitectura: los elementos”. I.T.E.C. Barcelona

Gonzalez, José Luis; Casals, Albert; Falcones, Alejandro. “Claves del Construir Arquitectónico” Gustavo Gili. Barcelona

Deplazes, Andrea. “Constructing Achitecture: Materials, processes, Structures. A handbook”. Birkhäuser. Zurich

Montero Fernandez de Bobadilla, Eduardo. “Cerramientos convencionales de fábrica cerámica vista: exigencias básicas”. CGATE

González Martín, Jesús. “Revestimientos continuos: tradicionales y modernos” Fundación Escuela de la Edificación

Avellaneda, Jaume; Paricio, Ignacio. “Los revestimientos de piedra” Ed. Bisagra

Paricio, Ignacio. “La fachada de ladrillo” Ed. Bisagra.

“Banco de detalles arquitectónicos”. F. Alcalde

“Manual de rocas ornamentales”. CSCIME

“Diseño y construcción de escaleras y barandillas”. Willibald Mannes. Ed. Gustavo Gili

“Escaleras”. Ediciones de autor técnico SL

Petrignani, A. “Tecnologías de la arquitectura”. Gustavo Gili. Barcelona

Hess, F. “Construcción y Forma” Gustavo Gili. Barcelona

Esselborn, C. “Tratado general de construcción”. Gustavo Gili. Barcelona

“Tecnología de la construcción”. Ediciones CEAC. Barcelona

Allen, Edward. “Cómo funciona un edificio. Principios elementales”. Gustavo Gili. Barcelona

Hernandez, E. “Revestimientos de fachada, manual práctico”. Progensa. Sevilla

Monjo, Abásolo...”Tratado de construcción. Sistemas” Ediciones Munilla-Leria. Madrid

Monjo, Abasolo...”Tratado de Construcción. Fachadas y cubiertas”. Ediciones Munilla-Leria. Madrid

Strike, James. “De la Construcción a los Proyectos. La influencia de las nuevas técnicas en el diseño arquitectónico”. Editorial Reverte. Barcelona

“Biblioteca de detalles constructivos”. CYPE  www.detallesconstructivos.cype.es



HIZTEGIAK



Paniagua, José Ramón. “Vocabulario básico de arquitectura”. Cuadernos de arte cátedra. Madrid

Madariaga, Luis de. “Diccionario de Arquitectura y Construcción”

Putnam, R.E. y Carlson, G.E. “Diccionario de arquitectura, construcción y obras públicas”. Paraninfo. Madrid

Varios. “Diccionario de la Construcción”. Ediciones CEAC. Barcelona



ARAUDIA



NTE. Normas Tecnológicas de la Edificación.

CTE. Código Técnico de la Edificación