Galdategiak oso ezezagunak dira gazteentzat, eta, hala ere, enplegu-nitxo garrantzitsua dira. Ba al zenekien zure autoaren balazta-urkilak, trenbidearen gurutzaketak, aerosorgailuen bujeak, kamioien motor-blokeak, itsasontzien lema-euskarriak, autoen aluminiozko hagunak, itsasontzien helizeak... galdategietan egiten direla?

Galdaketa piezak fabrikatzeko prozesua da, metalezkoak normalean, material bat (burdina, altzairua, aluminioa, brontzea...) urtu eta molde izeneko barrunbe batean sartzean datza, bertan solidotzen baita. Bezero-sektore nagusia automobilgintza da.

Galdaketa-sektoreko enpresak enpresa teknologikoki aurreratuak dira, eta etorkizunerako aukera handiak dituzte. Ba al zenekien Espainiako fundizio kontzentraziorik handiena Euskadin dagoela?

Galdategiak ekonomia zirkularraren eta ekoizpen-eredu jasangarri baten aldeko apustu argian murgilduta daude, txatarra eta lingotea pieza enblematiko eta balio erantsi handikoetan birziklatuz/balorizatuz/bihurtuz. Pieza horiek produktu sofistikatuenetan aurki ditzakegu, gure egunerokotasunean dauden produktuetan, hain zuzen ere. Ez gara jabetzen, baina fundizioetatik ateratzen diren piezak egunero erabiltzen edo ikusten ditugun ia gauza guztietan agertzen dira.

Eta nor gara FEAF? Enpresa-elkarte bat gara, eta enpresa galdatzaileen interesak ordezkatzen eta defendatzen ditugu. Gaur egun, galdaketa-arloko 99 enpresa ditugu estatu mailan, baita galdaketa-sektoreko 52 enpresa hornitzaile ere. Galdaketa eta Forjako Euskal Klusterra ere bagara.

FEAFen enplegu-poltsa bat dugu, gure sektorean sartu nahi duten enpresen eta pertsonen arteko lotura izan nahi duena. Zu bezalako hiru gazteren istorioa ezagutu nahi duzu? Egun batean galdaketaren aldeko apustua egitea erabaki zuten. Klikatu esteka honetan: https://www.youtube.com/watch?v = jVHq57ftitQ  

HURBIL ZAITEZ GURE STAND-ERA, DATORREN MARTXOAREN 26AN, ZU EZAGUTZEKO ETA LAN AUKERA INTERESGARRIAK ESKAIN DIEZAZKIZUKEEN SEKTORE BATERA HURBILTZEKO AUKERA EMATEKO.

Bisita gaitzazu!