Iratxe Fernández UPV/EHUko ikasleak Itelazpi Saria irabazi du telebista digitaleko transmisio ekipamenduak homologatzeko ikerlan bati esker

Iratxe Fernándezek jaso du Itelazpi Saria,Telekomunikazio alorrean karrera amaierako proiektu onenarena. "Diseño e implementación de un proceso de homologación de equipamiento TDT para el Dividendo Digital" izenburuaz bederatzi hilabetean zehar garatutako proiektua UPV/EHUko Bilboko Ingeniaritza Goi Eskola Teknikoko David De la Vega irakasleak zuzendu du. Eusko Jaurlaritzako Informatika eta Telekomunikazio saileko zuzendaria Jaime Domínguez-Macayak, eta Itelazpiko zuzendari nagusia Juan José Bañosek 1.500 euroz hornitutako golardoa eman dio. Telekomunikazio zerbitzuetan espezializatua den enpresa publikoak babestuta dago saria.

Ikerlana, kudeaketa, eragingarritasun, merkataritza eta kalitatearen ikuspegitik telebista digitaleko transmisio ekipamendu berriak homologatzeko eta ebaluatzeko prozesu baten diseinuan mamitzen da. Proposatutako metodologiak, ingurumena eta energiaren aurrezpena ere bermatzen du.

Dividendo Digital izenaz ezagutzen den eremu irrati-elektrikoaren berrantolaketan eragina duten ezaugarrietan oinarritzen delako da garrantzitsua proiektu hau. Teknologia digitalaren erabilerak, telebista digitalak bidaltzen dituen seinaleen uhinak hedatzeko erabiltzen dituen bitartekoen eraginkortasunaren kudeaketa hobea ahalbidetzen du, izan ere kanal berdinean, programa asko igorri daitezkeelako. Ondasun urri baina baliotsuaren gehigarri hau, espektro irrati-elektrikoa, Dividendo Digital izenaz ezagutzen den gertakaria da. Horrek, libre gelditutako espazioak TB kanal berrien edo zerbitzu aurreratuetako bestelako kanalen erabilerara eskuragarri uzten ditu, telefono mugikorrari edo DVB-H teknologiari adibidez, tablet-ei, erabilera anitzeko telefonoei, ordenagailu mugikorrei, PDA´s eta abarrei, TB digitalaren seinaleak jasotzeko ahalmena emanez.

Azken finean, banda errentagarri bihurraraztea da, espektro irrati-elektrikoaren kudeaketa eraginkorrago bat eginez, non Industria Ministerioak 2011ko azaroan plangintza bat eta egutegi bat egin zuelarik, eginbehar hau burutu asmoz. Berrantolaketa honek, era berean, Lurreko Telebista Digitalaren igorle eta berrigorle ekipamendu berrien agerpena ekarriko du, eta erakunde publikoek homologatu egin beharko dituzte, Euskal Erkidegoaren kasuan, Itelazpik egin beharko duena.

Eusko Jaurlaritzak Autonomia Erkidego lurralde osoan dituen errepikagailu zentroak eta bestelako telekomunikazio zerbitzuak (EITBren seinalearen transmisioa, Ertzaintzaren barne komunikazioak, nekazal inguruneetako abiadura handiko konexioak, etab.) kudeatzeko, Itelazpi erakundearen baldintzekin bat etorriz, lan honekin eta modu honetara, eskuragarri dagoen konponbide tekniko onena aukeratu ahal izango da.