Deskribapena

Istorio eta irudien bidez ikasten dugu. Giza eskubideak ulertzeko, betetzeko eta zabaltzeko bidean, filmek zer eta nola irakasten digute? Zinemaldiaren 62. edizioaren bezperan, UPV/EHUko Filosofia eta Hezkuntza Zientzien Fakultateak eta San Telmo Museoak, Gipuzkoako Foru Aldundiaren laguntzaz, Zinema eta Giza Eskubideei buruzko jardunaldia  antolatu dute.

Jarduera irailaren 16an, asteartea, 9.30etatik aurrera, UPV/EHUko Filosofia eta Hezkuntza Zientzien Fakultatearen Areto Nagusian izango da.

PROGRAMA

• 9:30etan. Irekiera: Elisabete Arrieta (UPV/EHU)
• 10:00etan. Antonio Casado (UPV/EHU): 'Cine, bioética y derechos humanos: del aborto a la eutanasia'
• 10:45etan. Atsedenaldia
• 11:00etan. Mahai ingurua: Fermin Muguruza (musikaria eta zinemagilea) eta Josemi Beltrán (Donostia Kulturako zinema-unitatearen arduraduna)
• 11:45etan. UPV/EHUko Filosofia eta Hezkuntza Zientzien Fakultateak antolaturiko HEZKUNTZARI ETA GIZA ESKUBIDEEI buruzko ikus-entzunezkoen 3. lehiaketaren sari banaketa
• 12:30etan. Mahai ingurua: Maru Solores (zinemagilea) eta Juanjo Álvarez (UPV/EHU, Globernance-ren idazkaria)

Sarrera irekia da eserleku guztiak bete arte.

Jarduera 'Mintegia Hezitzaileentzat: Giza Eskubideetan oinarritutako Hezkuntza'-ren baitan antolatu da, Zinema-ideiak eta zinema ideiaduna hitzaldi aldiarekin elkarlanean. Hau Zinemaldiak, Euskadiko Filmategiak eta San Telmo Museoak (CSICen Filosofia Institutuaren, UPV/EHUko Filosofia eta Hezkuntza Zientzien Fakultatearen, Globernance Gobernantza Demokratikoaren Institutuaren eta Donostia 2016ren laguntzarekin) antolatu dute eta irailak 15 eta 17 bitartean Donostiako San Telmo Museoan ospatuko da.