Euskal Herriko Unibertsitatearen Vitoria-Gasteizko Ingeniaritza Eskolako ekitaldi aretoan 'Enpresa-Automobilgintzaren Ingeniaritza: Prestakuntza Duala' topaketa egin zen. Bertan, oroigarri bat eman zitzaien ikastegiko Automobilgintzako Ingeniaritzako gradu dualeko ikasleak prestatzeko prozesuan lagundu duten –gradu duala ezarriz geroztik– enpresa guztiei.

Lau urte igaro dira titulazio hori abian jarri zenetik, eta tituludunen lehen promozioa atera denez, denbora horretan enpresek eta erakundeek emandako lankidetza aitortu nahi izan du Vitoria-Gasteizko Ingeniaritza Eskolak, baita egindakoa, nola egin den eta ezar daitezkeen hobekuntzak baloratu eta horien gainean hausnartu ere.

Gómez de Balugera López de Alda Vitoria-Gasteizko Ingeniaritza Eskolako Zuriñe zuzendariak, Erlantz Allur Aramburu UPV/EHUko Praktiken, Prestakuntza Dualaren eta Enplegagarritasunaren arloko zuzendariak eta 35 enpresa eta erakunde laguntzaileetako ordezkariek parte hartu zuten ekitaldian.