Deskribapena

Uztailaren 21etik 25era, Euskadik Fisikako Ikasleen Topaketa Nazionala (ENEF) 2025 hartuko du, Bilbo, Leioa eta Donosti ezagutza, ikerketa eta dibulgazio zientifikoko gune nagusi bihurtuz. 

Topaketak 170 fisika-ikasle baino gehiago bilduko ditu programa oparo batean: nazioarteko adituen hitzaldiak, dibulgazio-jarduerak, ikerketa-zentroetara bisitak eta tokiko kulturarekin lotutako esperientziak uztartuko dira. Jarduerak Bilbon, Donostian eta Leioako campusean egingo dira. 

Astelehena, uztailak 21 – Bilbo | 10:30-20:00 

Topaketa Bilbon hasiko da goizean parte-hartzaileen harrera eta akreditazioarekin. Arratsaldean, Mitxelena Auditorioan inaugurazio-ekitaldi ofiziala izango da (15:30), agintarien eta antolatzaileen parte-hartzearekin. Ondoren, lehen hitzaldi nagusia eskainiko du Clara Cuesta fisikari esperimentalak, partikulen eta teknologia kuantikoen espezialistak. Eguna amaitzeko, hirian zehar ginkanaren formatuko jarduera ludikoa egingo da, parte-hartzaileen arteko lehen harremanak errazteko helburuarekin. 

Asteartea, uztailak 22 – Leioa eta Bilbo | 09:30-20:00 

Bigarren jardunaldia, nagusiki, Euskal Herriko Unibertsitateko (EHU) Leioako campusean garatuko da. Ongietorri instituzionalaren ondoren, José María Martín Senovilla irakasleak hitzaldia emango du; aditua da erlatibitate orokorrean eta espazio-denboraren geometrian. Jarraian, ikasleek egindako posterren aurkezpenak eta fakultateko ikerketa-taldeen lanaren aurkezpenak izango dira. Arratsaldean, Lorena Fernándezek adimen artifizialari buruzko hitzaldia eskainiko du, eta ondoren herri kirolen erakustaldia eta parte-hartzea egingo da. 

 Asteazkena, uztailak 23 – Donostia | 10:45-22:00 

Hirugarren eguna Donostiako zentro zientifikoetara bisitetan oinarrituko da. Goizean, Euskal Autonomia Erkidegoko ikerketa-zentro nagusi batzuk aurkeztuko dira: DIPC, CIC nanoGUNE, CFM, Basque Quantum eta EHUko Kimika Fakultatea. Ondoren, talde txikitan bisitatuko dira laborategiak. Arratsaldea hiria ezagutzeko eta Kutxa Espazio zientzia museoa bisitatzeko izango da. Eguna sagardotegi tradizional batean egingo den afari batekin amaituko da. 

Osteguna, uztailak 24 – Bilbo | 09:30-07:00 

Laugarren jardunaldia berriro Bilbon izango da eta programazio zientifiko trinkoa izango du. Goizean, Ikerbasqueko ikertzaile eta Multiverse Computing enpresako sortzaileetako bat den Román Orúsek konputazio kuantikoari buruzko hitzaldia emango du. Ondoren, tailer praktikoak eta zientzia eta teknologia arloko enpresen azoka egingo dira. Arratsaldean, GAIA klusterrak berrikuntzari eta digitalizazioari buruzko hitzaldia emango du, eta jardunaldia publikoari irekitako dibulgazio-saioekin amaituko da. 

Ostirala, uztailak 25 – Bilbo | 10:00-17:00 

Azken egunean, ikasleen ahozko aurkezpenen lehiaketa egingo da eta itxiera-hitzaldia Pablo Jarillo-Herrero fisikari ospetsuak eskainiko du; MITeko ikertzailea da eta mundu mailako erreferentea grafenoaren eta supereroankortasunaren arloan. Itxiera-ekitaldiaren ondoren, Fisikako Ikasleen Batzorde Nazionala bilduko da, unibertsitate ezberdinetako ordezkarien parte-hartzearekin. 

Ekitaldia Fisika Elkarte Errealak antolatzen du, Euskal Herriko Unibertsitatearekin (EHU), DIPC, CIC nanoGUNE, CFM bezalako ikerketa-zentroekin eta GAIA Klusterra bezalako teknologia-erakundeekin elkarlanean. 

Informazio gehiago ENEF 2025-ren webgunean