Deskribapena

Arabako Foru Aldundiak eta Euskal Herriko Unibertsitateak (EHU) deituta, Henrike Knörr sarien xedea izango da euskararen erabilera (Arabako Lurralde Historikoan, lurralde osoan nahiz eskualde edo eremu batean) ikergai duten ikerketa-lanak sustatzea. Horretarako, master-amaierako lanen proiektuak lehenetsiko dira, baina bestelako ikerketa-lan monografikoen proiektuak ere onartuko dira, eta are gradu-amaierako lanen proiektuak ere, geroko tesiak bultzatzeko helburuarekin, horien ikergai nagusia euskararen erabilera bada, edozein jakintza-alorretatik ikertua.

Azaroaren 14a da proiektuak aurkezteko azken eguna.

Deialdiaren oinarriak ALHAOn daude argitaratuta.