Imanol Pradales Lehendakaria, Ibone Bengoetxea lehen lehendakariorde eta Kultura eta Hizkuntza Politikako sailburuarekin eta Juan Ignacio Pérez Iglesias Zientzia, Unibertsitate eta Berrikuntzako sailburuarekin batera, HiTZ Zentroan izan dira. Hizkuntza Teknologiako Euskal Zentroa erreferentziazko zentroa da Hizkuntza Teknologietan. Lehendakaria eta sailburuak Juana Goizueta Gipuzkoako Campuseko errektoreordeak, Alex Mendiburu Informatika Fakultateko dekanoak eta Eneko Agirre Hitz Zentroko zuzendariak hartu zituzten.