Unibertsitatea, gizartea bera bezala, askatasunen gunea da eta izan behar da pentsamendurako zein sinesmenetarako. Horrela, bada, unibertsitateko kideok erabat gaitzesten ditugu oinarrizko eskubide horien kontrako ekintza bortitz guztiak, eta, aldi berean, pertsonen arteko ulermena aldarrikatzen dugu, diren erlijiokoak direlarik, horixe baita herrien elkarbizitza demokratikorako funtsezko printzipioa.

Elkartasun gisa, eta justizia eta elkarbizitza defendatzeko, UPV/EHUk dei egiten die ikasleei, AZPko langileei eta irakasle-ikertzaileei atentatu horien ankerkeria gaitzestera.