Deskribapena

Bilboko Ingeniaritza Eskolak Nautikaren arloko Master Amaierako Lan (MAL) onenaren Saria banatzeko ekitaldia hartuko du irailaren 3an. Merkataritza Itsasketako Kapitainen Euskal Elkarteak (AVCCMM) babesten duen sari honek arlo horretako lan akademikorik onenak aitortzen ditu.

Aurtengo edizioan, saria Ivan Perez Diaz ikasleari emango zaio, «Análisis del Fenómeno del "sloshing" aplicado al LNG/c Adriano Knutsen» Master Amaierako Lanagatik. Lana Imanol Basterrechea Iribar irakasleak zuzendu du, Bilboko Ingeniaritza Eskolako Enpresen Antolakuntza Sailekoa.

Ekitaldian Bilboko Ingeniaritza Eskolako eta AVCCMMko ordezkariek parte hartuko dute, eta 12:00etan egingo da, Portugaleteko Nautika eraikinean.