Deskribapena

Astelehenean, apirilaren 20an, 9:30etan, EHUko Carlos Santamaría Zentroaren areto nagusian, Donostian, Asisko Urmenetak ‘Sorgina, banaiz’ dokumentala aurkeztuko du. Dokumentalean, bertako eta nazioarteko ikertzaileen ahotsak bildu ditu, itxuraz hain ezagun baina aldi berean hain ezezagun zaigun ‘sorginen’ gaia jorratzeko. Euskal Herrian auzi horrek izan zituen berezitasunak garaiko testuinguruan kokatzen dira dokumentalean, aurretik egileak hasitako lana (‘Sugarren mende’ liburua) sakonduz eta osatuz.

Dokumentalaren proiekzioaren ondoren, solasaldi bat egingo da bertaratutakoekin eta Asisko Urmeneta zuzendariarekin.

Filmaren iraupena: 69 min

Sarrera irekia eserleku guztiak bete arte.