Deskribapena

UPV/EHUko Zuzenbide Fakultateak (Bizkaiko atala) 2023/24 ikasturteko ikasleen graduazio-ekitaldia egingo du ostiralean, urriak 11, Bizkaia Aretoan. Guztira 96 pertsona (65 emakume eta 31 gizon) graduatu ziren 23/24 ikasturtean.

Reyes Goenaga Olaizola, Bizkaiko Probintzia Auzitegiko presidentea, 23/24 promozio honetako amabitxia izango da. Halaber, Gradu Amaierako Lan Onenaren saria eta Graduko espediente onenaren saria emango dira.

Ekitaldian parte hartuko dute baita ere:

• Eva Ferreira, UPV/EHUko errektorea

• Alberto Emparanza Sobejano, Zuzenbide Fakultateko dekanoa

• José Manuel Martín Osante, Zuzenbide Fakultateko Bizkaiko dekanorde koordinatzailea

• Sandra Castellanos Cámara, Zuzenbide Fakultateko Ikasleen eta Praktiken dekanordea