Aurkezpena

PROCAT-VARES taldeak energia eta ingurumena oinarri moduan duten ikerketa proiektuen proposamenean, aurrerapenean eta berrikuntzan lan egiten du. Taldearen helburu nagusia gizarterako gaur egun garrantzitsuak diren eta garapen iraunkorrera bideratuta dauden Erreakzio Kimikoaren Ingeniaritzaren ikerketa-lerroak garatzea da nazioarteko mailarik altuenean. Jarduera honen garapenari esker, ikertzaileak eta teknologoak trebatzen dira. Gainera, nazioarteko komunitate zientifiko-teknologikoari jakintza zientifikoa transmititzen zaio interes akademikoa, teknologikoa, soziala eta industriala duten argitalpenen bidez eta industri sektorearekin duen lankidetzaren bidez.