TITULAZIOAREN GAITASUNAK:



1.- Ikus-entzunezko komunikazio eta informazioaren eduki eta prozesuen garapenean trebetasunak aplikatzea eta teknikak, teknologiak eta baliabideak erabiltzea.



2.- Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz.



MAILAKO GAITASUNAK:



1.- Informazio eta komunikazio alorreko proiektuen diseinu eta errealizazioarekin erlazionaturiko teknologia eta errekurtsoak ezagutu eta aplikatzea.



2.- Talde laneko parte-hartze aktibo, elkarlan eta korresponsabilizazioarekin erlazionaturiko trebetasunak garatzea.



IKASKUNTZA EMAITZAK:



1.- Lauhilekoaren amaieran ikasleak bideo-kameren ezaugarri optikoak, elektronikoak eta erabilerari loturikoak ezagutu eta horiek praktikan, era egokian, jarriko ditu.



2.- Lauhilekoren amaieran ikaslea gai izango da soinuaren grabazioari eta edizioari buruzko oinarrizko ezagupenak testuinguru desberdinetan egokitzeko.



3.- Lauhilekoan zehar ikasleak edizio ez-linealaren oinarrizko kontzeptuak barneratuko ditu.



4.- Lauhilekoaren amaierarako ikasleak taldeka eta kamera bakar batekin grabaturiko ikus-entzunezko proiektu baten diseinua burutu eta aurkeztuko du.





Ikasketa prozesuaren emaitzak ikasleriak lauhilekoan zehar landuriko baliabide teoriko eta praktikoak erabiltzeko gaitasunean zehaztuko dira; hau da, baliabide horiek ikus-entzunezko produktuen sorkuntza eta ekoizpen prozesuari egokitzeko gaitasunean.

TEORIA ARLOKO GAI-ZERRENDA.



LEHEN GAIA: BIDEO-SEINALEA.



BIGARREN GAIA: KAMERAK.



HIRUGARREN GAIA: EDIZIO EZ LINEALA.



LAUGARREN GAIA: ARGIA



BOSGARREN GAIA: SOINUA ETA MIKROFONOAK.





ARLO PRAKTIKOA.



Irakasgaiaren arlo praktikoan saio magistraletan azaldutako ezagutzak osatu eta prakikan jartzeko zenbait ariketa burutuko dira. Ariketa horiek egiteko, bigarren lauhilekoan, ikasleek eskuragarri izango dituzte Fakultateak dituen bitarteko teknikoak eta azpiegiturak.

IKUS-ENTZUNEZKO SORMEN TEKNIKAK irakasgaiak 150 orduko lana du ezarrita. Horietatik 80 ordu magistralak dira (32 ikasgelako eskola-orduetan eta 48 ordu ikaslearen ikasgelaz kanpoko jardueren bidezkoak) eta gainontzeko 70 orduak praktikoak dira (28 ikasgelan eta 42 ikasgelatik kanpokoak).



Saio praktikoak gauzatzeko talde bakoitza (31, 32, 01, 02,03 eta 16 ) bi, hiru edo lau azpitaldetan banatzen da.



Arlo praktikoko saioak 20-25 ikaslez osatutako taldetan egingo dira. Matrikulazio-zerrenden arabera talderen bat handiagoa balitz, irakasgaiaren ardura duen irakasle-taldeak beharrezkoak diren egokitzapenak egingo ditu praktikak egoki burutzeko.





Eskola magistralean irakasgaiaren oinarri teorikoak azaltzen dira material grafikoaren eta ikus-entzunezkoen laguntzarekin. Saio praktikoetan ikasleek saio magistraletan garatutako edukiekin guztiz loturik dauden hainbat ariketa egiten dituzte, ikasleriaren prestakuntza osatzera zuzenduta dauden ariketak hain zuzen.

Irakasgaia teorikoa eta praktikoa izanik, horren ebaluazioa lauhilekoan zehar burututako froga teorikoen zein ariketa praktikoen bitartez egingo da.



-Praktiketan garatutako ariketek azken emaitzaren %60 suposatuko dute (10 puntutik 6)

-Gainontzeko %40 (10 puntutik 4), gelan azaldutako edukien gaineko proba idatzi baten bitartez eskuratuko da. Proba Gizarte eta Komunikazio Zientzien Fakultateko Dekanotzak ezarritako data, leku eta orduan egingo da.



ARGIBIDE GARRANTZITSUAK:



1.- Irakasgaia gainditzeko derrigorrezkoa da atal bakoitza (idatzitako proba eta arlo praktikoa) gainditzea, bakoitza bere aldetik. Proba idatzia/edota praktikoa gainditzen ez duen ikasleari "Gutxi" kalifikazioa ezarriko zaio irakasgaian.Ohiko deialdian ikasleren batek ebaluaturiko arlo bat gainditzen badu (idatzitako proba edo portfolioa) baina bestea ez, emaitza positiboa izan duen arloaren nota gordeko zaio ikasturte bereko ezohiko deialdirako. Beraz, ezohiko deialdian bakarrik egin beharko du gainditu gabe daukan arloa.



2.- Ikasleen Ebaluaziorako Arautegiaren 8.3 artikuluari jarraiki ikasleak etengabeko ebaluazioari uko egin eta irakasgaia azken proba baten bidez gainditu nahi izango balu, etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta horretarako, bederatzi asteko epea izango du lauhilekoa hasita.

Aipatu azken probak honakoak jasoko ditu: proba idatzia eta irakasle-taldeak ezarritako ariketak jasotzen dituen portfolioa. Kasu honetan ere,idatzitako probak azken notaren %40 balioko du, portfolioak %60 eta arlo bakoitza bere aldetik gainditu beharko da.



3.- Ikasleen Ebaluaziorako Arautegiaren 12.2 artikuluari jarraiki deialdiari uko egin nahi dioten ikasleek irakaskuntza aldia bukatu baino hilabete lehenago egin beharko dute eskaria, hau da, apirilaren 23a baino lehenago. Eskari hori idatziz aurkeztu beharko zaio irakasgaiaren ardura duen irakasleari.



Azken ebaluazioaren kasuan, ebaluaketa egun ofizialean egin beharreko probara ez aurkezte hutsak ekarriko du automatikoki deialdiari uko egitea.

Erabili beharreko materialak dira:

- irakasgaiko saio magistral eta praktikoetan irakasleak emandako materialak.
- irakasleak moodle plataforman ( e-gela ) argitaratutako materialak.

Oinarrizko bibliografia

CASTILLO, José María (2009): Televisión, realización y lenguaje. Madrid, IORTV.

CASTILLO, José María (1997): Elementos del lenguaje audiovisual. Madrid, IORTV.

CASTILLO, José María (2004): Televisión y lenguaje audiovisual. Madrid, IORTV.

GUTIERREZ, Arantza (2001): Ekoizpena eta errealizazioa irratian. Bilbo,UEU.

MILLERSON, Gerald (2004,4.ed.): Técnicas de producción y realización en TV. Madrid, IORTV.

MILLERSON, Gerald (2006): Telebista produkzioa. Leioa, EHUko Argitalpen Zerbitzua.

PAREJA, Emilio (2004): Tecnología actual de televisión. Madrid, IORTV.

ZABALETA, Iñaki (2002): Ikus-entzunezko informazioaren teknologia: kable, satelite eta lurreko irrati eta telebistaren sistemak, zerbitzuak eta garapena. Bilbo, UEU.

ZETTL, Herbert (2000): Manual de Producción de Televisión. Madrid, Paraninfo Thomson Editores.

Gehiago sakontzeko bibliografia

ADELMAN, Kim (2001): Cómo se hace un cortometraje. Ed. Robinbook.
BARROSO, Jaime (1998) :Técnicas de realización de reportajes y documentales para televisión. Madrid, IORTV.
BERMINGHAN, Allan (2010): Iluminación de localizaciones para televisión. Madrid, IORTV.
BURROWS, Thomas P.; GROSS, Lynne J.(2003):Producción en Televisión. Madrid, Ed. Mc Graw-Hill.
CASTILLO, José María (2011): Teleperiodismo en la era digital. Madrid, IORTV.
DANCYGER, Ken (1999) : Técnicas de edición en cine y vídeo. Barcelona, Gedisa.
FELDMAN, Simón(1997): La composición de la imagen en movimiento. Barcelona, Gedisa.
FERNANDEZ DIEZ, Federico; MARTINEZ ABADIA, José(1999): Manual básico de lenguaje y narrativa audiovisual. Barcelona, Paidós. Barcelona.
MILLERSON, Gerald (1994): Iluminación para televisión y cine. Madrid, IORTV.
MUÑOZ, José Javier; GIL, César (1994, 2ª ed.): La radio : teoría y práctica. Madrid, IORTV.
MUSBURGER, Robert B. (1994): Producción en vídeo con una cámara. Madrid, IORTV.
NISBETT, Alec (2002): El uso de los micrófonos. Madrid, IORTV.
RUMSEY, Francis y MCCORMICK, Tim (2004): Introducción al sonido y la grabación. Madrid, IORTV.
SÁINZ, Miguel(1999): El productor audiovisual. Madrid, Síntesis.
SOLARINO, Carlo (1993): Cómo hacer televisión. Barcelona, Cátedra.
THOMPSON, Roy (2002): El lenguaje del plano. Madrid, IORTV.