Gaitasun orokorrak:

1. Merkatuak eskatzen duen publizitate eta harreman publikoen alorrean, profil profesional desberdinen lanaren errealitatera hurbiltzeko asmoz, inguru eta ohitura profesionalen ezaguera eta esperientzia lortzea.

2. Publizitate eta harreman publikoetako eta, orohar, informazioko komunikazioaren eduki eta prozesuen garapenean trebetasunak aplikatzea eta teknikak, teknologiak eta baliabideak erabiltzea.

3. Informazioa eta dokumentazioa iturri desberdinetan bilatu, aukeratu, hierarkizatu eta analizatzea, bere edukia forma eta estrategia narratibo desberdinetara egokituz.

4. Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz. Proiektuen kudeaketa praktikatzea.

5. Helburu-identifikaziora eta akzio plangintzara bideraturiko estrategiak proiektatu eta diseinatzea, publizitate eta harreman publikoko proiektuen garapenaren testuinguruan.



Zeharkako gaitasunak:

1. Komunikazio arazoen erabakirako ikuspegi sortzaile berriak laburbiltzea, garatzea eta ematea.

2. Komunikazioaren eta bereziki publizitate eta harreman publikoen alor (inter)diziplinarreko testuinguruan teoria,

kontzeptu eta metodologien ezaguera lortzea eta ulertzea.

3. Modu kritikoan gertaerak, prozesu sozialak, testuak eta proiektu komunikatiboak aztertzea, interpretatzea, azaltzea eta

balioestea.



Asignaturaren helburu zehatzak:

1. Komunikazioa planifikatzeko prozesua ulertzea eta ezagutzea.

2. Iragarlearen zerbitzura dauden komunikazio teknikak eta beren aplikazioa ezagutzea.

3. Lan-taldearen bidezko komunikazio plan baten garapena eta proposamena praktikatzea.

4. Merkatal helburupeko komunikazioaren plangintza ikastea.

5. Komunikazio teknikak bereiztea eta beren aplikazioa komunikazio estrategikoan.

6. Merkatu jakin batean komunikazioa planifikatzeko datuen bilketa eta balorazioa praktikatzea.

7. Komunikazio plan baten helburuak eta estrategiak ezartzea.

8. Kalitate profesionalarekin merkataritzako komunikazio planaren proposamena egitea.

9. Komunikazio-plana azaldu eta defendatzea, ikasleak hitzezko eta arrazoitzeko duen gaitasuna hobetzeko lan-testuinguru jakin batean.

10. Pentsamendu analitikoa eta estrategikoa hobetzea.

11. Lan-talderen bidezko planifikazio proiektuak garatzeko ahalmena handitzea.

12. Helburupeko lan-taldearen kudeaketa eta talde-lana praktikatzea. Proiektuen kudeaketarako gaitasunak hobetzea.

PROGRAMA TEORIKOA:

1. ikasgaia: komunikazio-plana

1.1 Planifikatzeko prozesua

1.2 Komunikazio plan baten egitura



2. ikasgaia: Komunikazioa planifikatzeko prozesuaren kudeaketa arloak

2.1 Xede-taldea zehaztea

2.2 Komunikazio helburuak erabakitzea

2.3 Komunikazio estrategiak hautatzea

2.4 Komunikazio tekniken nahastea ezartzea

2.5 Kanpainaren sormen-ardatza aurkeztea

2.6 Iragarbideen plangintza azaltzea

2.7 Komunikazio planifikatzearen beste arlo operatibo batzuk

2.8 Komunikazioaren plangintzan emaitzen kontrola definitzea.



3. ikasgaia: komunikazio teknikak

3.1 Komunikazio integratuko estrategia

3.2 Hedabide masiboetako publizitatea

3.3 Harreman publikoak

3.4 Zuzeneko marketina

3.5 Erlazioen marketina

3.6 Interneteko komunikazioa

3.7 Salmenten sustapena

3.8 Babesletza

3.9 Merchandisina eta saltokiko komunikazioa

3.10 Azokak eta ebentuak

3.11 Saltzaileen komunikazioa



PROGRAMA PRAKTIKOA:

Atal praktikoa asignaturan ezartzen den metodoaren araberako komunikazio-plan baten garapenean datza. Posiblea den neurrian komunikazio-plana egiteko proposamena enpresa edo erakunde erreal batek egingo du, lan praktikoa errealitate profesionaletik ahalik eta hurbilena izateko. Role Playing metodologiarekin lan egiten da komunikazio-agentzia profesional gisa eta kanpaina lortzeko lehiaketa-metodoaren antzekoan. Komunikazio-plana eduki teoriko-metodologikoak ulertzen eta aplikatzen direla frogatzeko prestakuntza-tresna da. Lan-talde bakoitzak errendimendu handiko talde-lanaren bidez praktika egiteko oinarrizko ezagutza eta irizpideak jasotzen ditu. Talde bakoitzak bere gain hartzen du behar bezala aplikatu eta garatzeko erantzukizuna, eta talde-lan hori da ebaluatzeko prestakuntza eta ikasketa erronkaren oinarria, hau da, emandako irizpideak ulertu eta aplikatzeko erronka.



Komunikazio-plana atal teorikoa ikusten ari den bitartean garatuko da eta atal teorikoaren aplikazioa ulertzeko bidea da, beraz, ikasleek atal praktikoan garatzen den komunikazio-plana eduki teorikoa ulertzeko erreferentzia bezala hartu behar dute. Talde-lanaren metodologiak SCRUM motako metodologia bizkorren joera berriei erantzuten die. Metodologia honek talde-lana eta komunikazio proiektuaren ekoizpena efizienteak izateko ikasleriari lagunduko dio. Ikasgelako praktika-orduetan ikasleen presentzia derrigorrezkoa da.

Formakuntza prozesuaren metodoa bi aspektuetan oinarritzen da: lehenik, asignaturaren edukia ulertzeko eta ikasteko ikasleak egin behar duen esfortzuan; bigarrenik, lan praktikoan eta talde-lanaren bidez ikasitakoa aplikatzeko ikasleak egiten duen esfortzu egokian. Talde-lana metodologia eguneratuarekin egiten da, ingurune profesionalean erabiltzen diren proiektuak kudeatzeko (SCRUM). Zati praktikoa errealitate profesionaletik hurbil dagoen proiektu bat garatuz lantzen da, proiektuen bidezko ikaskuntza eta role playing metodologia erabiliz.



Honetarako ikasleak asignaturak ezartzen duen formakuntza-prozesuan buru-belarri lan egin behar du, komunikazio estrategikoa eta operazionalaren proiektuetan esperientzia baliagarria izateko. Prestakuntza aprobetxamendurik handiena zati teorikoan azaldutako ezagutzaren jarraipenetik eta ulermenetik dator, garatu beharreko proiektua kudeatzeko metodo egoki baten bidez zati praktikoan aplikatzeko. Prestakuntzaren erronkak eskatzen du ikasleak erantzukizuna bere gain hartzea aurkeztutako proiektuan teorian azaltzen diren irizpide teoriko-metodologikoak zuzen aplikatzeko. Irakasleak tutoretza du merkataritza-komunikaziorako plana garatzeko eta gauzatzeko irizpide teoriko-metodologikoak ulertzeko, baina ez ditu ikasleen lan-taldeak aurkitu eta aplikatu behar dituen irtenbideak eta erabakiak ematen.





Aplikatzen diren prestakuntza prozesuak:

- Eskola magistrala, ikasleen parte-hartze aktiboarekin

-Kasuak bilatu eta aztertzea

-Ikasleak ahoz azaltzea lanak, irakurketak eta abar.

-Taldeko jarduerak ikasgelan

-Autoprestakuntza



Guztien artean (ikasleak eta irakaslea) irakaskuntza-metodologia berriak aplikatzen dira proposatutako helburuak lortzeko. Eskola magistralak funtsezkoak dira praktikarako. Prestakuntza prozesua hobeki aprobetxatzeko, beharrezkoa da ikasleen lankidetza eta prestakuntza ahalegina, bai eskola teorikoetan bai praktiketan.

Ebaluazio jarraitua duten ikasleen kasuan, irakasgaiaren azken nota lan praktikoan lortutakoa izango da. Beraz, lan praktikoaren nota irakasgaiaren azken notaren % 100 da. Lan praktikoa ebaluatu eta kalifikatzeko, proiektua garatzean lauhilabetean zehar emandako jarraipena eta ebidentziak hartuko dira kontuan. Alderdi horiek erakutsi behar dute lan-metodologia egoki aplikatzen dela, elkarreragina eta proaktibitatea egokiak direla ikaskuntza-prozesuan, eta irakasgaiak proiektua eraginkortasunez kudeatzeko ezartzen dituen oinarrizko irizpideak aplikatzen direla. Praktikaren ebaluazio eta kalifikazioaren beste zati bat emandako proiektuaren kalitatea eta ikasgaiaren teoria eta metodologiarekiko egokitasuna dira.



Ebaluazio jarraitua egiteko eragozpenak dituen ikasleak ebaluazio jarraituari uko egin eta "azken froga berezia" irakasleari eskatu behar dio. Eskaera lauhilekoaren lehenengo bederatzi astetan egin behar da. Azken froga bereziak bi atal izango ditu eta biak gainditu behar dira. Atal teorikoa gainditu behar da atal praktikoaren froga egiteko. Atal teorikoa ahozko proba baten bidez ebaluatuko da. Atal teorikoa gainditen ez bada atal honetan izandako nota asignaturarena izango da. Proba teorikoa gainditu ondoren, proba praktiko bat egingo da irakasgaian zati praktikoaren eta etengabeko ebaluazioaren bidez lortu behar diren gaitasun batzuk erakusteko. Proba praktikoa ere gainditu behar da. Atal praktikoa gainditzen ez bada azken honetan izandako nota aktan agertuko da. Proba praktikoak zortzi ordu iraun lezake eta deialdi bakoitzerako proba praktikoaren diseinua erabakiko da. Bi atalak gainditu ondoren asignatuaren nota finala ateratzeko bi noten arteko batezbestekoa aplikatuko da.



Ikaslegoak ebaluazio deialdiari uko egiteko eskaera irakasleari egin ahal dio. Edozein kasutan ebaluazio deialdiari uko egiteko nahikoa izango da azterketan ez egotearekin. Kasu hauetan ebaluazioan "ez aurkeztua" agertuko da.



Asignaturari dagozkion ebaluazio probak egiteko unean irakasleak emandako materialaz gain, debekaturik dago edozein material, tresna edo baliabide teknologikoak edo bestelakoak erabiltzea. Ikasleek konpromisoa hartzen dute ebaluazio jardueretan portaera etikoa izateko.



Ebaluazio-sistema hau modu presentzialean nahiz ez-presentzialean aplikatuko da, egoerak hala eskatzen badu.

Unibertsitateak, fakultateak eta sailak dituen formakuntzarako baliabideak. eGelako baliabideak. Asignaturak elkarlana eta ekarpenak egiteko blog propio dauka: http://joseba-km.blogspot.com.es/
Irakasgaian sakontzeko garrantzitsuak diren dokumentu, adibide eta informazio-iturri asko daude eGelan eta ikasgaiaren blogean.

Oinarrizko bibliografia

1. La fuerza de la publicidad. Marçal Moliné. On line dago.

2. Reestructuras del sistema publicitario. J.S. Victoria (ed.) Ariel argitaletxea. 2005

3. Promoción comercial: un enfoque integrado. Enrique Bigné. Esic argitaletxea. 2003

4. La comunicación fuera de los medios (below the line). Enrique Pérez del Campo. Esic argitaletxea. 2002

5. Gestión de la comunicación comercial. Pedro Reinares y Sergio Calvo. McGraw Hill argitaletxea. 1999

6. Marketing de atracción 2.0. Oscar del Santo eta Daniel Alvarez (2010) Eskuragarri online.

Gehiago sakontzeko bibliografia

1. Postpublicidad. Daniel Solana. 2010. On line eskuragarria: https://postpublicidad.es/
2. Las claves de la publicidad. Mariola García Uceda. Esic arg. 2008
3. Marketing electrónico para PYMES. Como vender, promocionar y posicionarse en Internet. Ana Cruz Herradón. Ra-Ma arg. (2009)
4. CRO. Diseño y desarrollo de negocios digitales. Ricardo Tayar. Social Business arg. (2018)
5. Komunikazio digitalerako ikus edukiak blogean eta eGelan.
6. Graduan ikasitako irakasgaien eduki guztiak eta komunikazioaren aplikazioarekin zerikusia dutenak.

Aldizkariak

Control
Estrategias
Interactiva
Anuncios