Gaitasun generikoak:

1. Merkatuak eskatzen duen publizitate eta harreman publikoen alorrean, profil profesional desberdinen lanaren errealitatera hurbiltzeko asmoz, inguru eta ohitura profesionalen ezaguera eta esperientzia lortzea.

2. Publizitate eta harreman publikoetako eta oro har informazioko komunikazioaren eduki eta prozesuen garapenean trebetasunak aplikatzea eta teknikak, teknologiak eta baliabideak erabiltzea.

3. Informazioa eta dokumentazioa iturri desberdinetan bilatu, aukeratu, hierarkizatu eta analizatzea, bere edukia forma eta estrategia narratibo desberdinetara egokituz.

4. Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz.



Zeharkako gaitasunak:

1. Komunikazioaren eta bereziki publizitate eta harreman publikoen alor (inter)diziplinarreko testuinguruan teoria, kontzeptu eta metodologien ezaguera lortzea eta ulertzea

2. Modu kritikoan gertaerak, prozesu sozialak, testuak eta proiektu komunikatiboak aztertzea, interpretatzea, azaltzea eta balioestea.



Asignaturaren helburu espezifikoak:

1. Lan-taldetan ikasteko eta harremanak izateko gaitasuna.

2. Proiektu bat burutzeko behar den dokumentazioa emandako denboran eta baldintzatan bilatzeko eta garatzeko gaitasuna izatea.

3. Ororen proiektua den helburua baten arabera baliabide eskuragarriak eta dokumentazioa integratzeko eta erabilitzeko gaitasuna izatea.

4. Publizitate eta harreman publikoen sistemaren instituzio eta profesional nagusiak ezagutzea.

5. Helburupeko komunikazio prozesuak identifikatzeko gaitasuna izatea.

6. Proiektu bat komunikatzeko gaitasuna garatzea.

7. Publizitate sistemak dituen erronka berriak ulertzea, baita bere garepenean teknologia berriek duten eragina ere.

PROGRAMA TEORIKOA

1. Publizitate sistema. Sistemak, prozesuak eta kalitatea.

1.1 Publizitate sistemaren enpresak eta instituzioak.

1.2 Publizitate sistemaren profil profesionalak. Ezagutzak eta abilidade profesionalak.

1.3 Publizitate enpresaren kalitaterako sistemak eta prozesuak. EFQM eredua.



2. Komunikazio sistema eta prozesuak iragarlean.

2.1 Komunikazio-sistema iragarlean.

2.2 Komunikazioa merkaturatze-prozesuetan.

2.3 Publizitate-saila

2.4 Harreman publikoak enpresan.

2.5 Iragarleen inbertsioak komunikazioan.



3. Publizitate enpresaren sistema eta prozesuak.

3.1 Publizitate-agentziaren definizioa eta tipologia.

3.2 Agentziaren egitura.

3.3 Agentziaren profesionalak publizitate prozesuan.

3.4 Enpresa laguntzaileak.

3.5 Agentzia espezializatuak.

3.6 Enpresa hornitzaileak.

3.7 Kalitatea publizitate-agentzian.

3.8 Publizitate-agentzia eta teknologia berriak.



4. Teknologia berriak publizitatean eta harreman publikoetan.

4.1 Publizitate sistemaren erronka berriak.

4.2 Interneteko komunikazioaren azterketa.

4.2.1 Interneteko komunikazioaren ezaugarriak.

4.2.2 Interneteko komunikazioaren prozesua.

4.2.3 Interneteko komunikazioaren kudeaketa: ekosistema digitalaren ezarpena (webgunea) eta trafikoa lortzea.

4.3 Publizitatearen eta harreman publikoen aldaketa.



PROGRAMA PRAKTIKOA:

Eduki teorikoekin eta ikasleek eskuratu beharreko gaitasunekin lotutako zenbait lan praktiko egingo dira. Ikasgelako praktika-orduetan ikasleen presentzia derrigorrezkoa da. Justifikatu gabeko huts egiteak abian dagoen praktikan zero puntuazioa izatea ekarriko du. Lan praktiko hauetan asignaturaren ezagutzak eta gaitasunak aplikatu behar dira, beraz, lan praktikoek asignaturaren ezagutza erakutsi behar dute.

Erabiltzen diren formakuntza-prozesuak:

-Eskola magistrala ikasletzaren partehartze aktiboarekin

-Ikasgelako praktikak

-Kasu praktikoen bilaketa eta azterketa

-Ikaslearen aurkezpenak

-Lan-taldeko lana

-Autoformakuntza



Denon artean (ikasleak eta irakaslea) ezarritako helburuak lortzeko hezkuntza-metodologia berriak aplikatzen dira. Eskola magistralak lan praktikoak egiteko funtsezkoak dira. Irakasleak zuzendu eta ikuskatuko dituen ikasgelako praktika presentzialen bidez ikasleriak irakasgai honetako gaitasunak eta helburuak erdiesteko aukera izango du. Ikagelako praktiketan egotea derrigorrezkoa da. Formakuntza-prozesuari gehienezko probetxua ateratzeko ikasleriaren laguntza eta ikasteko esfortzua ezinbestekoak dira, bai eskola magistralen garapenean bai ikasgelako praktikak burutzeko unean.

Atal teorikoa: ezagutza teorikoa neurtzeko azterketaren emaitza nota finalaren %60a da. Atal teorikoa ebaluatzeko froga test modukoa izango da. Honen bidez banakako emaitzen ebaluazioa izango da.



Atal praktikoa: nota finalaren %40a talde-lan praktikoetako jarraipenean eta ebaluazioan oinarrituko da. Atal praktikoa ebaluazio jarraituaren bidez baloratuko da. Honen bidez taldekako emaitzen ebaluazioa izango da.



Ebaluazio jarraitua egiteko eragozpenak dituen ikasleak ebaluazio jarraituari uko egin ahal dio eta “azken froga berezia” irakasleari eskatu behar dio. Eskaera lauhilekoaren lehenengo bederatzi astetan egin behar da. "Azken froga berezia"-k bi atal izango ditu: alde teorikoa eta praktikoa. Biak gainditu behar dira. Atal teorikoa gainditzen ez duenak ez du atal praktikoa egingo eta azterketan izandako nota asignaturarena izango da. Era bereran atal praktikoa gainditzen ez bada atal praktiko honetan izandako nota asignaturaren nota izango da. Bi atalak gainditu ondoren nota finala ateratzeko ebaluazio mistoan ezarri diren atalen portzentajeak aplikatuko dira. Azken ebaluazio honetako atal praktikoaren iraupena zortzi ordukoa izan daiteke. Atal praktikoa ebaluatzeko ariketak ezartzen direnean frogaren iraupenaz informatuko da.



Ikaslegoak ebaluazio deialdiari uko egiteko eskaera irakasleari egin ahal dio. Edozein kasutan ebaluazio deialdiari uko egiteko nahikoa izango da azterketan ez egotearekin. Kasu hauetan asignaturaren ebaluazioan “ez aurkeztua” agertuko da.



Asignaturari dagozkion ebaluazio probak egiteko unean irakasleak emandako materialaz gain, debekaturik dago edozein material, tresna edo baliabide teknologikoak edo bestelakoak erabiltzea.



Ikasleek konpromisoa hartzen dute ebaluazio jardueretan portaera etikoa izateko.



Ebaluazio-sistema hau modu presentzialean nahiz ez-presentzialean aplikatuko da, egoerak hala eskatzen badu.

Ikasliburuak, ikasgelan interneta erabiltzeko aukera, Moodle-ko plataforma edota onlineko beste erramintak egokiak badira. Asignaturak blog propioa dauka: http://publizitario.blogspot.com.es/

Oinarrizko bibliografia

1. La fuerza de la publicidad. Marçal Moliné. Disponible on line.

2. Reestructuras del sistema publicitario. J.S. Victoria (ed.) Editorial Ariel 2005

3. Relaciones Públicas. H. Lloyd, P. Lloyd. Editorial Pirámide

4. El modelo de la nueva agencia. Varios autores. Libro gratuito on line: http://modelonuevaagencia.com.ar/descargas/El_modelo_de_la_Nueva_Agencia.pdf

Gehiago sakontzeko bibliografia

1. Postpublicidad. Daniel Solana. 2010. On line eskuragarria: https://postpublicidad.es/
2. Las claves de la publicidad. Mariola García Uceda. Esic Arg. 2008
3. El modelo de la nueva agencia. (2. bertsioa). Profesional batzuek idatzita. Dohainiko liburua interneten.

Aldizkariak

Estrategias
Anuncios
Control
Interactiva