1.Komunikazioari buruzko ezagutza teorikoa gure testuinguru sozialeko iritzi publiko zein masa kulturaren fenomenoak analizatzeko baliatu, hala bizi dugun errealitatea ulertu eta esplikatzeko nola teoriaren balioa aintzatesteko.



2.Masa komunikazioaren ikerkuntzarako metodologia eta teknika batzuk oinarrizko moduan aplikatu, haren gizarteko inplikazioak hobeto ulertzeko.



3.Masa komunikazioaren modu ezberdinak bereiztu era erlazionatu, tradiziokoetatik hasita sare gizartean sortutakoetaraino.



4.Merkatuak masa kultura eta komunikazioaren eragileetako baten gisa duen garrantzia aintzatetsi.



5.Informazioaren gizartean sortutako komunikazio moduen inplikazio sozial, kultural eta politikoak analizatu, era kritikoan.

ATAL TEORIKOA



1 Komunikazioari buruzko pentsamendu teorikoa.



Komunikazioak gizartea eta kulturan duen eraginaren hausnarketa orokorra, bereziki masa hedabideak sortu direnetik. Hiru eredu analitikoen errebisioa.



2 Informazioaren gizartea.



Komunikazioa eta demokraziaren arteko harremana. Frankfurt eta Chicago eskolen ekarpenaren errebisioa.



3 Komunikazioa eta kultura.



Efektuen teoriatik erabileraren teoriara. Ikasketa kulturalak eta ikasketa etnografikoen ekarpenak.



4 Iritzi publikoa.



Iritzi publikoaren inguruko teoria desberdinen errebisioa (isiltasunaren kiribila, kultiboaren teoria, gatekeeping, agenda setting...)



ATAL PRAKTIKOA



Hedabide eta berri espezifikoen jarraipena.

Analisi filmikoa.

Irakurketak.

Audientzia ikerketak.

Ikastaro honek 6 kreditu ditu; horrek 150 orduko lan zama esan nahi du: 60 ordu ikasgelan irakaslearekin, eta 90 ikasgelatik kanpoko jardueretan.



Ondoko taulan lan ordu horien banaketaren estimazio bat adierazten da, aurreko urteetako esperientzian oinarrituta. Guztiaren batuketa 150etik behera egotea ikastaroan zehar izango diren jai egunen eta erabiliko dugun Kideen Arteko Tutoretzen eraginari zor zaio.



Gelako jarduerak (46 ordu)

-Informazio sistematizatua jaso: irakaslearen azalpenak

-Talde lana: talde txikian lan egin, testuak landuz, ariketak ebatziz e.a.

-Osoko bilkura: talde osoan solastu



Gelaz kanpoko jarduerak (89 ordu)

-Testuak eta bestelako materialak irakurri eta aztertu: artikuluak, ariketetarako materialk, e.a.

-Egunkaria edo zereginak: jasotako informazioa atondu, ebatzi beharreko ariketak burutu, aurrezagutza eta berreraikuntza ariketak idatzi, e.a.

-Bestelako jarduerak

Azken kalifikazioa lortzeko ebaluazio jarraia erabiliko da. Horretarako egin beharreko ariketa eta aurkezpenak burutu beharko ditu ikasleak. Amaieran, gainditu beharreko proba idatzia ere egin beharko da. Ariketen balioa % 70a da (horien %10a ariketen ahozko defentsari dagokiolarik) eta proba idatziarena % 30 izango da.



Ikasleak ebaluazio jarraia alboratzen badu (beti ere UPV/EHUko araudiak aurreikusten dituen kasuetan), orduan azken froga egin ahal izango du. Froga honek bi zati izango ditu. Lehena garatu beharreko galderez osatuta egongo da, eta azken kalifikazioaren % 60 balioko du. Gainerakoa % 40, ikastaroan zehar egin beharreko lan eta aurkezpenek osatuko dute. Lan eta aurkezpen horiek azken frogaren unean aurkeztu beharko dira.



Ikasleak bigarren ebaluazio mota hau aukeratzen badu, azken frogaren data baino hilabete lehenago adierazi beharko dio, idatziz, irakasleari.



•Ebaluazio-sistema hau modu presentzialean nahiz ez-presentzialean aplikatuko da, egoerak hala eskatzen badu.

eGelan egongo da eskuragarri nahitaez erabili beharreko materiala.

Oinarrizko bibliografia

Amezaga, J. ed. (1998) Komunikazioa eta gizartea. Gasteiz, Arabera.





Mattelart A. & Mattelart M. (1999) Komunikazioaren teorien historia. Gasteiz, Arabera

Gehiago sakontzeko bibliografia

Adorno T.W. (1966) Televisión y Cultura de Masas. Córdoba (Argentina), Eudecor.

Levy, P. (2007) Cibercultura. Barcelona, Anthropos

McQuail, D. (2000) Introducción a la teoría de la comunicación de masas. Barcelona, Paidós Comunicación.

Sartori, G. (2003) La sociedad multiétnica. Madrid, Taurus

Sennett, R. (2006) La cultura del nuevo capitalismo. Barcelona, Anagrama

West, R. & L.Turner (2005) Teoría de la comunicación. Análisis y aplicación. Madrid, Mcgraw Hill

Wolf M. (1987) La investigación de la Comunicación de Masas. Crítica y perspectivas. Barcelona, Paidós Comunicación.

Wolf M. (1994) Los efectos sociales de los media. Barcelona, Paidós Comunicación.

Aldizkariak

http://www.ehu.es/zer
http://www.felafacs.org/rederevistas/
http://www.portalcomunicacion.com/esp/d_doc_rev.asp
http://web.usal.es/-abadillo/recursosdeinvestigacion.htm