Gaitasun orokorrak:

1. Merkatuak eskatzen duen publizitate eta harreman publikoen alorrean, profil profesional desberdinen lanaren errealitatera hurbiltzeko asmoz, inguru eta ohitura profesionalen ezaguera eta esperientzia lortzea.

2. Publizitate eta harreman publikoetako eta, orokorrean, informazioko komunikazioaren eduki eta prozesuen garapenean trebetasunak aplikatzea eta teknikak, teknologiak eta baliabideak erabiltzea.

3. Informazioa eta dokumentazioa iturri desberdinetan bilatu, aukeratu, hierarkizatu eta analizatzea, bere edukia forma eta estrategia narratibo desberdinetara egokituz.

4. Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz. Proiektuen kudeaketa praktikatzea.

5. Helburu-identifikaziora eta akzio plangintzara bideraturiko estrategiak proiektatu eta diseinatzea, publizitate eta harreman publikoko proiektuen garapenaren testuinguruan.



Zeharkako gaitasunak:

1. Komunikazio arazoen erabakirako ikuspegi sortzaile berriak laburbiltzea, garatzea eta ematea.

2. Komunikazioaren eta bereziki publizitate eta harreman publikoen diziplinarteko testuinguruan teoria, kontzeptu eta metodologien ezaguera lortzea eta ulertzea.

3. Modu kritikoan gertaerak, prozesu sozialak, testuak eta proiektu komunikatiboak aztertzea, interpretatzea, azaltzea eta

balioestea.



Irakasgaiaren helburu zehatzak:

1. Komunikazioa planifikatzeko prozesua ulertzea eta ezagutzea.

2. Iragarlearen zerbitzura dauden komunikazio teknikak eta beren aplikazioa ezagutzea.

3. Lan-taldearen bidezko komunikazio plan baten garapena eta proposamena praktikatzea.

4. Merkataritza helburupeko komunikazioaren plangintza ikastea.

5. Komunikazio teknikak bereiztea eta beren aplikazioa komunikazio estrategikoan.

6. Merkatu jakin batean komunikazioa planifikatzeko datuen bilketa eta balorazioa praktikatzea.

7. Komunikazio plan baten helburuak eta estrategiak ezartzea.

8. Kalitate profesionalarekin merkataritzako komunikazio planaren proposamena egitea.

9. Komunikazio-plana azaldu eta defendatzea, ikasleak hitzezko eta arrazoitzeko duen gaitasuna hobetzeko lan-testuinguru jakin batean.

10. Pentsamendu analitikoa eta estrategikoa hobetzea.

11. Lan-talderen bidezko planifikazio proiektuak garatzeko ahalmena handitzea.

12. Helburupeko lan-taldearen kudeaketa eta talde-lana praktikatzea. Proiektuen kudeaketarako gaitasunak hobetzea.

PROGRAMA TEORIKOA:

1. ikasgaia: Merkataritzako komunikazio plana eta proiektuen kudeaketa.

1.1. Plangintza-prozesua eta gaitasunak.

1.2. Merkataritzako komunikazio-plan baten egitura. Merkataritzako komunikazio-plan eraginkorra egituratu eta garatzeko eredua.

1.3. Komunikazio-plan bat eraginkortasunez garatzeko eta proiektuak kudeatzeko metodologiak eta ezagutza operatiboak.



2. ikasgaia: Kudeaketaren arloak komunikazioaren plangintza prozesuan.

2.1. Xede-publikoa zehaztu eta erosketa-prozesua definitu: buyer journey.

2.2. Komunikazio komertzialaren helburuak definitu eta hierarkizatzea.

2.3. Komunikazio komertzialaren estrategia aukeratzea.

2.4. Kanpainaren sormen-ardatza aurkeztea.

2.5. Komunikazio-tekniken mix-a definitzea salmenta-prozesua bezeroak erakartzeko eta leialtzeko inbutuaren arabera.

2.6. Hedabide propioen, gureganatuen eta ordainduen plangintza diseinatu eta azaltzea.

2.7. Komunikazioaren plangintzako beste alderdi operatibo batzuk.

2.8. Komunikazioaren plangintzako emaitzen kontrola definitzea: metrikak eta KPI-ak.





3. ikasgaia: Komunikazio teknikak.

3.1. Marketineko komunikazio integratuak eta omnikanalitatea.

3.2. Hedabide masiboetako publizitatea

3.3. Harreman publikoak

3.4. Zuzeneko marketina eta inbound marketina: mailing-a, posta elektronikoa, marketina, telemarketina, mobile marketina.

3.5. Komunikazio digitalerako estrategia eta teknikak: SEO, SEM, publizitate digitala, marketin birala, sare sozialak eta edukien marketina.

3.6. Salmenta sustapenak.

3.7. Babesletza.

3.8. Merchandising-a eta saltotiko komunikazioa.

3.9. Azokak eta ekitaldiak

3.10. Saltzaileen komunikazioa.



PROGRAMA PRAKTIKOA:

Atal praktikoa irakasgaian ezartzen den metodoaren araberako komunikazio-plan baten garapenean datza. Posiblea den neurrian komunikazio-plana egiteko proposamena enpresa edo erakunde erreal batek egingo du, lan praktikoa errealitate profesionaletik ahalik eta hurbilena izateko. Role Playing metodologiarekin lan egiten da komunikazio-agentzia profesional gisa eta kanpaina lortzeko lehiaketa-metodoaren antzekoan. Komunikazio-plana eduki teoriko-metodologikoak ulertzen eta aplikatzen direla frogatzeko prestakuntza-tresna da. Lan-talde bakoitzak errendimendu handiko talde-lanaren bidez praktika egiteko oinarrizko ezagutza eta irizpideak jasotzen ditu. Talde bakoitzak bere gain hartzen du behar bezala aplikatu eta garatzeko erantzukizuna, eta talde-lan hori da ebaluatzeko prestakuntza eta ikasketa erronkaren oinarria, hau da, emandako irizpideak ulertu eta aplikatzeko erronka.



Komunikazio-plana atal teorikoa ikusten ari den bitartean garatuko da eta atal teorikoaren aplikazioa ulertzeko bidea da, beraz, ikasleek atal praktikoan garatzen den komunikazio-plana eduki teorikoa ulertzeko erreferentzia bezala hartu behar dute. Talde-lanaren metodologiak SCRUM eta KANBAN motako metodologia bizkorren joera berriei erantzuten die. Metodologia honek talde-lana eta komunikazio proiektuaren ekoizpena efizienteak izateko ikasleriari lagunduko dio. Ikasgelako praktika-orduetan ikasleen presentzia derrigorrezkoa da.

Formakuntza prozesuaren metodoa bi aspektuetan oinarritzen da: lehenik, irakasgaiaren edukia ulertzeko eta ikasteko ikasleak egin behar duen esfortzuan; bigarrenik, lan praktikoan eta talde-lanaren bidez ikasitakoa aplikatzeko ikasleak egiten duen esfortzu egokian. Talde-lana metodologia eguneratuarekin egiten da, ingurune profesionalean erabiltzen diren proiektuak kudeatzeko (SCRUM-KANBAN). Zati praktikoa errealitate profesionaletik hurbil dagoen proiektu bat garatuz lantzen da, proiektuen bidezko ikaskuntza eta role playing metodologia erabiliz.



Honetarako ikasleak irakasgaiak ezartzen duen formakuntza-prozesuan buru-belarri lan egin behar du, komunikazio estrategikoa eta operazionalaren proiektuetan esperientzia baliagarria izateko. Prestakuntza aprobetxamendurik handiena zati teorikoan azaldutako ezagutzaren jarraipenetik eta ulermenetik dator, garatu beharreko proiektua kudeatzeko metodo egoki baten bidez zati praktikoan aplikatzeko. Prestakuntzaren erronkak eskatzen du ikasleak erantzukizuna bere gain hartzea aurkeztutako proiektuan teorian azaltzen diren irizpide teoriko-metodologikoak zuzen aplikatzeko. Irakasleak tutoretza du merkataritza-komunikaziorako plana garatzeko eta gauzatzeko irizpide teoriko-metodologikoak ulertzeko, baina ez ditu ikasleen lan-taldeak aurkitu eta aplikatu behar dituen irtenbideak eta erabakiak ematen.





Aplikatzen diren prestakuntza prozesuak:

-Eskola magistrala, ikasleen parte-hartze aktiboarekin

-Kasuak bilatu eta aztertzea

-Ikasleak ahoz azaltzea lanak, irakurketak eta abar.

-Taldeko jarduerak ikasgelan

-Autoprestakuntza



Guztien artean (ikasleak eta irakaslea) irakaskuntza-metodologia berriak aplikatzen dira proposatutako helburuak lortzeko. Eskola magistralak funtsezkoak dira praktikarako. Prestakuntza prozesua hobeki aprobetxatzeko, beharrezkoa da ikasleen lankidetza eta prestakuntza ahalegina, bai eskola teorikoetan bai praktiketan.

Eduki teorikoaren azterketa azken notaren %60a izango da (banakako ebaluazioa). Azken notaren %40a komunikazio plana egitean oinarrituko da (ebaluazio jarraitua taldean). Nolanahi ere, ikasgaia gainditzeko beharrezkoa da gutxienez 4 bat lortzea zati teorikoan. Lau puntuko kalifikazioa lortzen ez bada, proba teorikoan lortutako nota irakasgaiaren azken nota izango da. Ez da mantentzen zati teorikoaren nota ezohiko deialdirako.



Lan praktikoa ebaluatu eta kalifikatzeko, proiektua garatzean lauhilekoan zehar emandako jarraipena eta ebidentziak hartuko dira kontuan. Alderdi horiek erakutsi behar dute lan-metodologiaren azterketa eta jarraipen egokia egin behar dela, elkarreragina eta proaktibitatea izan behar direla ikaskuntza-prozesu egokian, eta irakasgaiak proiektuan kalitatea garatzeko eta lortzeko ezartzen dituen oinarrizko irizpideak ezagutu behar direla. Praktikaren ebaluazio eta kalifikazioaren beste zati bat emandako proiektuaren kalitatea eta ikasgaiaren teoria eta metodologiarekiko egokitasuna dira. Zati praktikoa gutxienez 5 puntu gaindituz gero, nota ezohiko deialdirako mantenduko da.



Irakasgaiaren zati praktikoaren ebaluazio jarraitua egiteko arazoak dituzten ikasleek uko egin behar diote ebaluazio jarraituari eta irakasgaiaren irakasleari "azken proba berezia" eskatu behar diote. Eskaera lauhileko lehen bederatzi asteetan egin behar da.



“Azken proba bereziak” bi zati izango ditu, proba praktikora pasatzeko gainditu behar den proba teorikoarekin. Proba teorikoa gainditu ondoren, proba praktiko bat egingo da, irakasgaian zati praktikoaren eta ebaluazio jarraituaren bidez lortu behar diren gaitasun batzuk erakusteko. Proba praktiko hori ere gainditu egin behar da. Bestela, aktan jasoko da zati praktiko honetan lortutako nota. Proba praktikoa zortzi ordukoa izan daiteke eta deialdi bakoitzerako diseinuaren arabera erabakiko da. Irakasgaiaren azken kalifikazioa lortzeko, bi probak gainditu ondoren, zati bakoitzerako ebaluazio jarraituan erabilitako ehunekoak aplikatuko dira: %60 zati teorikoa eta %40 zati praktikoa.



Ikasleriak ebaluazio deialdiari uko egiteko eskaera irakasleari egin ahal dio. Edozein kasutan ebaluazio deialdiari uko egiteko nahikoa izango da azterketan ez egotearekin. Kasu hauetan ebaluazioan "ez aurkeztua" agertuko da.



Irakasgaiari dagozkion ebaluazio probak egiteko unean irakasleak emandako materialaz gain, debekaturik dago edozein material, tresna edo baliabide teknologikoak edo bestelakoak erabiltzea. Ikasleek konpromisoa hartzen dute ebaluazio jardueretan portaera etikoa izateko.

Unibertsitateak, fakultateak eta sailak dituen formakuntzarako baliabideak. eGelako baliabideak. Asignaturak elkarlana eta ekarpenak egiteko blog propio dauka: http://joseba-km.blogspot.com.es/
Irakasgaian sakontzeko garrantzitsuak diren dokumentu, adibide eta informazio-iturri asko daude eGelan eta ikasgaiaren blogean.

Oinarrizko bibliografia

1. La fuerza de la publicidad. Marçal Moliné. MacGraw Hill. (2000). Eskuragarri online.

2. Estrategias de marketing digital. Fernando Macia. Anaya Multimedia. (2018)

3. Promoción comercial: un enfoque integrado. Enrique Bigné. Esic argitaletxea. (2003)

4. Marketing de atracción 2.0. Oscar del Santo eta Daniel Alvarez (2012) Eskuragarri online.

Gehiago sakontzeko bibliografia

1. Postpublicidad. Daniel Solana. 2010. On line eskuragarria: https://postpublicidad.es/
2. Las claves de la publicidad. Mariola García Uceda. Esic arg. 2008
3. Marketing electrónico para PYMES. Como vender, promocionar y posicionarse en Internet. Ana Cruz Herradón. Ra-Ma arg. (2009)
4. CRO. Diseño y desarrollo de negocios digitales. Ricardo Tayar. Social Business arg. (2018)
5. La comunicación fuera de los medios (below the line). Enrique Pérez del Campo. Esic argitaletxea. 2002
6. Gestión de la comunicación comercial. Pedro Reinares y Sergio Calvo. McGraw Hill argitaletxea. 1999
7. Reestructuras del sistema publicitario. J.S. Victoria (ed.) Ariel argitaletxea. 2005
8. Promoción comercial: un enfoque integrado. Enrique Bigné. Editorial Esic. (2003)
9. Komunikazio digitalerako ikus edukiak blogean eta eGelan.
10. Graduan ikasitako irakasgaien eduki guztiak eta komunikazioaren aplikazioarekin zerikusia dutenak.

Aldizkariak

Control
Estrategias
Interactiva
Anuncios