ZEHATZAK:

1.-Hezkuntza arloko testuinguru eta erakundeak analizatzea, hezkuntza-prozesuetan parte hartzen duten heinean, eta ezagutza teorikoaren esparruan interpretatzeko helburuarekin.

2.-Erakunde gizarte hezitzaileen egitura eta dinamikak interpretatzea eta prozesu hezitzaileetan eta gizakiaren garapenean duten eragina baloratzea.

3.-Hezkuntza Erakunde baten zereginak gauzatzeko tresnak erabiltzea eta sortzen diren arazoak ebaztea.

4.-Hezkuntza Erakundeen ebaluazioa hobekuntza tresna gisa ulertzea eta erabiltzea.

5.-Hezkuntza Erakundeen inguruan dauden informazio iturriak era kritikoan erabiltzea.



ZEHARKAKOAK:

6.-Bere planteamenduak erakundeen antolamenduari buruz ahoz komunikatzea.

7.-Ahozko zein idatzizko txostenak garatzea.

8.-Banakako eta taldeko lanetan jarrera positiboa azaltzea.

9.-Lan taldean era etikoan eta arduratsuan lan egitea, taldean sortzen diren arazoak ebazteko proposamenak azalduz.

1. Hezkuntzako erakundeak gure gizartean. Hezkuntza erakundearen definizioa eta ezaugarriak

2. Erakundearen Proiektuak. Erakundeen agiri instituzionalen analisia.

3. Antolaketarako egitura eta dinamikak. Giza baliabideak, materialak, ekonomikoak, funtzionalak. Egitura.

4. Harremanetarako sistema gizarte eta hezkuntzako erakundeetan. Erakundeen kanpoko eta barruko harremanekin loturiko gaitasunen garapena.

5. Zuzendaritza eta kudeaketa prozesuak. Zuzendaritza eta kudeaketa prozedurak. Erakundeen lidergoa.

6. Giroa, kultura eta gatazka erakundeetan. Erakundearen giroan, kulturan eta gatazkan eragiten duten faktoreen azterketa.

Irakasteko eta ikasteko estrategiek ikaslearen garapen osoa lantzea dute helburu. Horretarako ikasleak bere ikaskuntza prozesuak eraiki behar ditu, kritika, hausnarketa eta elkarrizketa gaitasunak banaka eta taldean garatuz. Irakasgaian landuko den metodologia anitza izango da ikasleak ikasgelan parte har dezan. Horretarako ikasleen konpromisoaz, lankidetzaz eta jarrera positiboaz baliatuko gara.

Irakasgaian landuko diren irakaskuntza eta ikaskuntza prozedurak kasu azterketa, talde lana eta irakaslearen azalpenak izango dira.

KLASERA ETORTZEN DEN IKASLEAREN EBALUAZIO SISTEMA:

Ebaluazio sistema mistoa

o Ebaluazio jarraitua

.-Praktikak (Ariketak, kasuak edo problemak) eta Bakarkako Lanak: azken notaren %35a

.-Talde lanak: azken notaren %25a.

.-Moduluko diziplinarteko jarduera: azken notaren %15a.

o Azken Froga

.-Garatu beharreko proba idatzia edota Mapa kontzeptuala edo buru mapa: azken notaren %25a.

o Ikasgaia gainditutzat emateko ezinbestekoa izango da ebaluazioan kontuan izaten diren atal guztiak gainditua izatea.



EBALUAZIO HEZIGARRIA

o Eginkizunen zuzenketak

o Planifikatutako tutoretzak

o Autoebaluazioa eta koebaluazioa



KLASERA ETORRIKO EZ DEN IKASLEA ETA EBALUAZIO JARRAITUARI UKO EGIN NAHI DIONA

o Prozedura

Etengabeko ebaluazioaren prozesuaren barne dagoen eta ebaluazio jarraituari uko egin nahi dion ikasleak, lauhilabetea hasi eta 9 asteko gehienezko epean irakasleari idatziz jakinarazi beharko dio.

o Ebaluazio sistema

.-Moduluko diziplinarteko jarduera: azken notaren %15a

.-Garatu beharreko proba idatzia: azken notaren %65a

.-Lan praktiko bat: azken notaren %20a

o Ikasgaia gainditutzat emateko ezinbestekoa izango da ebaluazioan kontuan izaten diren atal guztiak gainditua izatea.



OHIKO DEIALDIARI UKO EGIN NAHI DION IKASLEA

o Prozedura

Etengabeko ebaluazioaren prozesuaren barne dagoen eta ohiko deialdiari uko egin nahi dion ikasleak, lauhilabetea hasi eta 9 asteko gehienezko epean irakasleari idatziz jakinarazi beharko dio.



HIZKUNTZA GAITASUNA



o Irakasgai hau gainditzeko, ikasleak gaitasun komunikatibo egokia agertu behar du, bai ahoz zein idatziz, eta gidan agertzen den hizkuntza menperatu beharko du. Banaka zein taldeko jarduera guztietan egokitasun linguistikoa, adierazpena eta aurkezpenen egokitasuna kontuan hartuko da. Era berean ikaslea jariokortasunez eta egokitasunez adierazteko gai izan behar da, eta testu idatziak sakontasunez ulertzeko gaitasuna izan behar du. Aurreko baldintzak ez betetzeak, ez gainditzea suposa dezake.



PLAGIOA



o Ezin da beste batek egindako obraren kopia edo imitazioa aurkeztu, norberak

egina balitz bezala. Ikasleak zitazio arauak ezagutu eta erabili beharko ditu. Plagioa egin

dela susmatzen bada, txosten osoa baztertuko da eta ikasgaia ez da gaindituko.

Ikasle bakoitzari, irakasgaiaren ezagutzak lantzeko, oinarrizko materialak emango zaizkio ikasturte hasieran. Material hauek ikasturtero berrituko dira. (Irakasgaiaren dosierra)

Oinarrizko bibliografia

. Aramendi, Pello. (2000). Zuzendaritza Teknikak I. San Sebastián: Erein.

. Aramendi, Pello. (2005). Organizaciones socioeducativas y competencias profesionales. San Sebastián: Universidad del País Vasco.

. Ayerbe, Pello., Aramendi, Pello y Buján, Karmele. (2002). Retos educativos para la próxima década en la Unión Europea y sus implicaciones organizativas. San Sebastián. Universidad del País Vasco.

. Gairín, Joaquín y Antúnez, Serafín. (2008). Organizaciones educativas al servicio de la sociedad. Barcelona: Wolters Kluwer.

. Vernis, Alfred., Iglesias, María., Sanz, Beatriz., Solernos, María., Urgell, Jaime. Y Vidal, Pau. (2004). La gestión de las organizaciones no lucrativas. Bilbao: Ed. Deusto.

Gehiago sakontzeko bibliografia

. Estefanía, José Luis., López, Juan. (2003). Evaluación interna del centro y calidad educativa: estrategias e instrumentos. Madrid: CCS.
. Estefanía, José Luis., López, Juan. (2001). Evaluación externa del centro y calidad educativa. Madrid: CCS.
. Fantova, Fernando. (2001). La gestión de organizaciones no lucrativas. Madrid: CCS.
. Hargreaves, Andy Y Fink, Dean. (2008). El liderazgo sostenible. Siete principios para el liderazgo en centros educativos innovadores. Madrid: Morata.
. Vernis Alfred., Iglesias María., Sanz Beatriz. y Saz Ángel. (2004). Los retos en la gestión de las organizaciones no lucrativas. Barcelona: Granica.
. Wrigley, Terry. (2007). Escuelas para la esperanza. Madrid: Morata.

Aldizkariak

-Revista de Educación
-Organización y Gestión Educativa
-Tantak
-Journal of Educational Administration
-The International Journal of Educational Management