Ikasgai honi esker ikasleak:

1. Kimika Organometalikoaren oinarrizko kontzeptuak menperatuko ditu.

2. Konposatu organometalikoen sailkapena, sintesi bideak, propietateak eta erreaktibotasuna ikasiko ditu.

3. Katalisi homogeneoaren oinarriak ezagutuko ditu.

4. Kimika Organometalikoaren bibliografia eta informazio iturriak maneiatuko ditu. Dokumentazioa eta informazioa modu eraginkorrean erabiltzen ikasiko du.

5. Kimika Organometalikoaren arloko gaiak aurkezten eta defendatzen ikasiko du.

6. Kimikaren eta kide diren beste gaien prozesu eta fenomenoak euskeraz zein ingeleraz modu ulergarrian azaltzeko gaitasuna eskuratuko du.

Sarrera. Definizioa, aurrekari historikoak, nomenklatura, 18 elektroien araua.

Karbonilo metalikoak. Sintesi, propietateak eta erreaktibotasuna.

Metal-karbono sigma lotura duten konplexuak. Organiloak, karbeno eta karbinoak. Sintesia, lotura eta egitura, erreaktibotasuna eta aplikazioak.

Metal-karbono pi lotura duten konplexuak. Alkenoak, alkinoak, aliloak, ziklopentadieniloak, arenoak. Konplexuak. Sintesia, lotura eta egitura. Erreaktibotasuna eta aplikazioak.

Erreakzio organometalikoak. Ligandoen trukaketa, eransketa oxidatzailea, eliminazio erreduzitzailea, insertzio-erreakzioak, erreakzio elektroizaleak eta nukleozaleak.

Katalisi organometalikoa sintesian eta ekoizpenean. Katalisi homogeneoa. Aplikazioak sintesi organikoan.

Ikasgai honetan klase magistralak eta ariketak tartekatuko dira. Honetaz gain, ikasle bakoitzak zenbait artikulu zientifiko irakurri, ulertu eta azaldu beharko ditu. Talde lanean, Kimika Organometalikoaren arloko gaiak aurkeztu eta defendatu beharko dira.



eGela plataforman irakasgai honen edukiak eta formakuntza eginkizunak eskuragarri egongo dira. Gainera, jakinarazpenak, deiak, eta nahi izanez gero tutoretzak ere, eGela plataformaren bitartez egin ahal izango dira.

Garatu beharreko idatzizko azterketak notaren % 40 balio du.

Ikasgaian zehar burututako ariketek, lanek eta aurkezpenek notaren % 60 balio dute.

Bi ataletarako gutxieneko nota 4.0 da.



Ohiko deialdian ebaluazio jarraiaren sistema erabili nahi ez duen ikasleak irakasleari modu zehatzean adierazi beharko dio ikasturteko 9. astea baino lehen. Kasu horretan, ebaluazioa azken azterketan oinarrituko da (%100).

Ebaluazio jarraiari uko ez egiteak eta % 40-ko balioa duen azterketara ez aurkezteak irakasgaiaren ez-gainditzea suposatuko luke.

Oinarrizko bibliografia

1.Astruc D., Química Organometálica, Editorial Reverté, Barcelona, 2003

2.Bochmann, M., Organometallics 1. Complexes with Transition Metal-Carbon s-Bonds, Oxford University Press, Oxford, 1994

3.Bochmann, M., Organometallics 2. Complexes with Transition Metal-Carbon p-Bonds, Oxford University Press, Oxford, 1994

4. Hartwig, J.; Organotransition metal chemistry, University Science Books, California, 2010.

Gehiago sakontzeko bibliografia

1.Crabtree, R.H. , The Organometallic Chemistry of the Transition Metals, John Wiley & Sons, New York, 1988
2.Elschenbroich C., Organometallics, 3ª ed, Wiley-VCH, Weinheim, 2006.
3.Hill, A. F., Organotransition Metal Chemistry, The Royal Society of Chemistry, Cambridge, 2002
4.Spessard, G. O. y Miessler, G. L., Organometallic Chemistry, Prentice Hall, Upper Saddle River, 1997
5.Whyman, R., Applied Organometallic Chemistry and Catalysis, Oxford University Press, Oxford, 2001

Aldizkariak

Organometallics
Inorganic Chemistry
Journal of the American Chemical Society
Angewandte Chemie
Journal of Organometallic Chemistry
Chemistry. A European Journal