Hizkuntzalaritza Doktorego Programa

Esklusiboa

Aurkezpena

Hizkuntzalaritzako doktorego programaren helburua da doktoreak prestatzea hizkuntzalaritzaren edozein eremutan. Esparru egokia da hizkuntza naturalak aztertzeko, horiek ulertuta giza gogoan erroak dituzten patroi unibertsalen mendeko egitura konplexu gisa, eta planeta osoko gizarte eta giza komunitateen produktu historiko gisa.

Programa bi ikertaldetan antolatu da: bat Hizkuntzalaritza Teorikokoa, azterketa eta analisi formalean eta hizkuntzaren egituren bilakaera diakronikoan jardungo duena, eta beste bat Hizkuntzalaritza Esperimentalekoa, arreta jarriko duena elebitasunean, hizkuntzaren alderdi neurokognitiboetan eta horiek haurrek zein helduek eskuratzean.

Kualifikazio-maila

Titulu honek Goi Mailako Hezkuntzako Kualifikazioen Espainiako Esparruko (MECES) 4. maila du aitorturik; maila hori Kualifikazioen Europako Esparruko (EQF) 8. mailaren parekoa da, urtarrilaren 23ko 22/2015 Errege Dekretuak jasotzen duenez (BOE 2015/02/07).