Irakasleak

AINTZANE ASUMENDI MALLEA

Ezagutza arloa

Zelulen Biologia

Saila

Zelulen Biologia eta Histologia

Ikastegia

Medikuntza eta Erizaintza Fakultatea

Posta elektronikoa

aintzane.asumendi@ehu.eus

UPV/EHUn, Zientzietan (Biologia) lizentziatua eta doktorea, non 1993tik irakasle den. Medikuntza eta Erizaintza Fakultateko Irakasle Titularra da non, euskaraz, Histologia Medikoari dagozkion ikasgaiak irakasten dituen Medikuntza graduan. 2007tik Histologia Mediko Orokorreko koordinatzailea da, eta Medikuntza eta Erizaintza Fakultateko bi master ofizialetan irakasle (Ikerketa Biomedikoa eta Ingeniaritza Biomedikoa). Unibasq-eko Adituen Batzordeko kide izan da (2011-15) eta Master eta Doktorego Eskolako Batzorde Iraunkorreko kidea (2012-2017). 2010tik, Unibertsitateko Irakasleen Batzordeko kidea da, Ikerketa Biomedikoa Doktorego Programako Batzorde Akademikoaren kide eta Ikerketa Biomedikoa Master Ofizialeko arduraduna 2012tik aurrera.

Jarduera zientifikoari dagokionez, betidanik biologia tumoralari buruzko ikerketan aritu da. Eusko Jaurlaritzak onartutako talde kontsolidatu baten kidea da, ikerlari basiko eta klinikoz osaturikoa. Bereziki bi lerrotan lanean diardu: 1) Giza melanoman diagnostikorako eta pronostikorako markatzaileen identifikazioa 2) Farmako antineoplasikoak eta tumore-erresistentzia.

5 doktorego tesi zuzendu ditu (1 aparteko doktorego saria, 1 aipamen europarra, 1 nazioarteko aipamena). Nazioarteko patente baten koautorea da eta 40tik gora dira argitaratu dituen artikulu zientifikoak eta liburu-kapituluak. CNEAI-k onartutako 4 seiurteko ditu eta 5 bosturteko.