1. Dispositibo erdieroaleek dituzten zirkuituen diseinu eta analisia egiteko ikuspegi egituratuta eta ordenatuta garatu.



2. Dispositibo erdieroalez osatuta dagoen zirkuitu baten diseinua balioztatu software tresnen bidez.



3. Dispositibo erdieroalez osatutako zirkuitu baten memoria teknikoa idatzi honen funtzionamendu eta ezaugarriak modu argi eta zehatz batean deskribatuz.

Gailu pasibo eta aktiboak. Osagai elektronikoak. Sistema Analogikoak (kalkulua eta diseinua).



Irakasgai-zerrenda.



-I. atala: Dispositiboak eta oinarrizko zirkuituak.

-II. atala: Anplifikagailuak zirkuitu integratuetan.

-III. atala: Zirkuitu integratu analogikoak.

Irakasgai hau ikasleen presentziazko eta presentziarik gabeko lanaren planifikazioan oinarritzen da.



Presentziazko jardueratan oinarrituriko metodologia erabiliko da. Presentziazko jardueretan ikasleek bai ikasgelan bai laborategian beharrezkoak diren konpetentziak garatuko dituzte. Hauek hiru motakoak izango dira:



• Teoriako eskolak: irakasleak kontzeptu teorikoak aurkezten ditu.



• Ariketako eskolak: irakasleak teoriarekin erlazionaturiko ariketak ebazten ditu eta, aldi berean, ikasleei beste ariketa batzuk proposatzen dizkio.



• Laborategiko praktikak: teoriarekin eta ariketekin erlazionaturiko praktikak garatu eta muntatzen dira laborategian.



Presentziarik gabeko jardueratan ikasleek lan indibidualak eta taldetan egiten dituzte, baina beti irakaslerik gabe, adibidez, praktiken txostenak eta hainbat lan eta azterketa sistematizatuak.

Azken ebaluazioa aplikatuko da, baina ikasturtean zehar nahitaezko laborategi praktikak eginez. Beraz, ikastaro bukaerako nota (%100) bitan banatzan da:



- Idatzizko azterketa (deialdi ofizialean egin beharreko froga da, bitan banatzen dena: teoria eta ariketak): ikastaro bukaerako notaren %80.



- Laborategia (praktikak eta azterketa praktikoaz osatzen da, azken hau ikastaroan zehar egingo den froga da): ikastaro bukaerako notaren %20. Laborategiko azterketa egiteko aukera izateko ezinbestekoa da praktika guztiak burutzea.



GARRANTZITSUA:



- Idatzizko azterketaren atal bakoitzean (teoria eta ariketak) %50 (10-etik 5) gutxienezko kalifikazioa lortzea ezinbestekoa da.



- Bai idatzizko azterketaren nota bai laborategiko notak %50-tik gorakoak izan beharko dira ikasgaia gainditzeko.



- Irakasgairen deialdira uko egiteko, edozein deialdian, azken frogara ez aurkeztearekin nahikoa izango da.



- Laborategiko atala gainditzekotan, lortutako kalifikazioa ezohiko deialdirako bakarrik gordeko da, eta sekula ez da gordeko hurrengo ikasturterako.



Ikasle batek edozein deialdiko azterketa ofizialari uko egiten dionean, deialdi horretako azken nota EZ AURKEZTUA izango da.

Ez dira beharrezkoak.

Oinarrizko bibliografia

• eGELA moodle motako plataforman eskainitako materiala (aurkezpenen diapositibak, ariketak, praktiken gidoiak, etab).



• A.S. Sedra, K.C. Smith. “Circuitos microelectrónicos”. 5ª Edición. 2005. McGraw-Hill.



• A.P. Malvino. “Principios de Electrónica”. 7ª Edición. McGraw-Hill.



• R.L. Boylestad, L. Nashelsky. “Electrónica: Teoría de circuitos y dispositivos electrónicos”. Prentice-Hall.

Gehiago sakontzeko bibliografia

• P.R. Gray, P.J. Hurst, S.H. Lewis, R.G. Meyer. “Analysis and design of analog integrated circuits”. 5th Edition. John Wiley and Sons.

Aldizkariak

Revista Española de Electrónica REE

Nueva Electrónica

Electrónica Fácil