Gaitasunak:

- Tresneria Elektronikoaren ezagutza aplikatua.

- Tresneria Elektronikoarekin erlazionatuak dauden sistema elektronikoak diseinatzerakoan gaitasuna.

Ikastearen emaitzak:

- Prozesu desberdinen kontrol eta monitorizazioan gehien erabiltzen diren sentsoreen ezagutza.

- Prozesuen kontrol eta monitorizazioan erabiltzen diren sarrera-irteera seinale egokitzaile etapen azterketa eta diseinua.

- Aplikazio bakoitzerako egokienak diren tresneriako gailuen ezaugarrien ebaluaketa arrazonatua (sentsorea/hardwarea) aukeraketan gaitasuna izateko.

- Data eskurapeneko sistemen ezagutza, beraien oinarriak ulertzeko eta beraien garapen teknologikoa jarraitzen gai izateko.

- Elektronika Industrialean erabiltzen diren ohizko tresneriaren erabilerarako gaitasuna eta irizpideak. Tresneria elektronikako laborategian saiakera teknika esperimentaletan gaitasuna.

1 Gaia: Instrumentazio Elektronikora sarrera

Instrumentazio Elektronikoaren lan esparruan zein den ikasiko da, sistema elektronikoen diseinu orokorraren inguruan bere kokapena ulertuz eta bere lan eremu anitza nabarmenduz. Aldi berean Instrumentazio Elektronikoaren gaur egungo garapen lerro desberdinak aurkeztuko dira.

2 Gaia: Transduktoreak

Gaur egun merkatuan existitzen diren transduktore mota desberdinen ezaugarriak zehaztasunarekin aztertu eta ikasiko dira, prozesu industrial desberdinetan agintzen duten aldagai nagusienen neurketetarako beharrezkoak .

3 Gaia: Seinale egokitzapena

Gai honen helburua transduktoreek jasotako seinalearen kalitate hobekuntza da. Horretarako instrumentazio elektronikoan erabilienak diren seinale egokitzaileak ala nola transduktore batzurentzat espezifikoak diren soluzio batzuk ere ikasiko dira.

4 Gaia: Seinaleen iragazketa analogikoa

Ikasleak iragazki analogikoen metodología ikasiko du beraien konfigurazio desberdinetan (PL, PH, PB eta Notch) ala nola aplikazio teknologiko erreal desberdinetarako iragazki hoien erabilgarritasuna.

5 Gaia: ADC eta DAC bihurketak. Data eskurapen sistemak.

Prozesu industrial desberdinen kontrol eta monitorizaziorako PC-an oinarritutako sistemak daude, hauek berriz bihurketa analogiko-digital eta digital-analogikotan oinarriturik daude. ADC-en aurretik beharrezkoak diren S&H eta iragazkiak ala nola DAC-en ondorengo iragazki berreraikitzaileak. Aldi berean data eskurapen sistemen sarrera egingo da beraien egitura eta ezaugarriak azpimarratuz.

Magistraleko eskolatan irakaslearen aldetik azalpenak irakatsiko dira, oinarrizko kontzeptu teorikoak modu naturalean asimilatu daitezen. Aldi berean metodología aktiboa erabiliko da gai bakoitzean garatu beharreko ariketak eginaz. Ariketa hoien garapena, banaka edo taldeka egingo dira, modu horretan irakasgaiaren ezagutzan sakontzen lagunduko duelarik. Laborategiko praktikatan irakasgaian ikusten diren neurketa teknika desberdinen lan experimentalak garatuko dira, trebetasuna eta gaitasuna eskuratzeko. Guzti honekin ikasleak irakasgaiaren ezagutza eta hobetzeko moduak barneratzea lortu nahi da.

Ikasle guztientzako ebaluazio metodoa mistoa izango da, eta hiru ítem izango ditu: 1) azken notaren (70%) azterketa teorikoari elkartua, 2) azken notaren (15%) laborategiko praktiketara etortzea eta aprobetxamendu gogotsua. Eskolak jarritako ordutegietan laborategiko praktiketara etortzea derrigorrezkoa da eta 3) azken notaren (15%) entregatzeko lana (ariketak, zailtasun handiagoko lanak, defentsa orala). Lanen entrega irakasleak seinalatutako datatan nahitaezkoa da.

Nahitaezkoa da aurrez aipatutako hiru itemak modu independentean gainditzea irakasgaia gainditu ahal izateko. Baldintza hau betetzen ez bada, irakasgaia ez da gaindituko eta azken emaitza hiru itemetan lortutako baxuenaren berdina izango da.

Hiru itemetan lortutako emaitzak ezohizko azterketararte gordeko dira. Nahitaezkoa da atal bakoitza bere aldetik gainditzea irakasgaia gainditu ahal izateko. Azken emaitza hiru itemetan lortutako emaitzen baturagatik lortuko da.

Item bakoitza bakarka gainditzen bada, irakasgaiaren azken emaitza hiru itemen baturatik lortuko da.

Laborategiko praktikak edo/eta entregatzeko lanen itemak gainditu ezkero, bertan lortutako emaitzak ezohizko azterketararte gordeko dira.

Laborategiko praktiketara EZ ETORTZEA edo/eta proposatutako lanak hemandako datatan EZ ENTREGATZEA irakasgaia EZ GAINDITZEA suposatuko du, ikasleak irakasgaiaren azterketan lortu dezakeen emaitzetik independenteki (Azken emaitza = 1 puntu).



Ikasle batek azken ebaluaketa froga egiteko eskubidea izan dezan, irakasgaiaren teoriako irakasleari lauhilabetekoaren lehen bederatzi asteetan inprimatutako idatzi sinatu bat aurkeztu beharko dio, azken froga hau egiteko asmoa adieraziz. Azken froga honek irakasgaiari dagozkion ezagutza eta konpetentziak guztiak ebaluatuko ditu eta ondorengo ataletan banatuko da: a) Deialdi ofizialeko datan, bakarkako lan bat entregatu beharko da (15%), lan horren buruzko xehetasunak aurrez aipatutako inprimatutako idatzi sinatua aurkezterakoan emango zaielarik, b) Laborategiko praktika bat gauzatzea, bertan irakasgaiko teknika esperimentalen aplikazioei buruzko ezagutzak balioztatuko delarik (15%) eta c) (70%) Idatzitako azken froga.



Irakasgairen deialdira uko egiteko, edozein deialdian, azken frogara ez aurkeztearekin nahikoa izango da, bere nota ez aurkeztua izango delarik.



Azken proban (idatzizko azterketa) idazketa tresnak erabiltzeaz gain, kalkulagailu zientifiko bat erabiltzea baimentzen da soilik. Inola ere ez eta inongo kontzepturen azpian telefono mugikorrerako kalkulagailu motako aplikaziorik ez da onartuko. Izan ere, telefono mugikorraren eta smartwatcharen erabilera erabat debekatuta dago.

- eGELA plataforman irakasgaiaren dokumentazioa eta praktikatan egingo diren saiakera guztien programa eskura egongo da.

Oinarrizko bibliografia

- Pérez M. A., Álvarez J. C., Campo J. C., Ferrero F. J., Grillo G. J., Instrumentación Electrónica, Ed. Thomson, 2004.

- Pallas Areny R., Sensores y acondicionadores de señal, Ed. Marcombo, 1998.

- J. Díaz, J. A. Jiménez y F. J. Meca, Introducción a la electrónica de medida, Univ. de Alcalá, 1998.

- M. H. Rashid, Circuitos microelectrónicos. Análisis y Diseño, Ed. Thomson, 2002.

Gehiago sakontzeko bibliografia

- Fraden J., Handbook of Modern Sensors: Physics, designs and applications, Ed. Springer, EEUU, 2003
- S. A. Pactitis, Active filters. Theory and design, CRC Press, 2008
- W. de Silva, Sensors & Actuators, CRC Press, 2007

Aldizkariak

- Mundo electrónico
- Revista Española de Electrónica
- IEEE Instrumentation & Measurement, Magazine (IEEE)