IKASGAIAREN GAITASUN ESPEZIFIKOA



04. Energiaren bihurtze prozesuetan ematen diren ezagutzak eta berauek diseinatzeko eta aztertzeko beharrezkoak diren ahalmenak eskuratzea.



IRAKASGAIA IKASTEAREN EMAITZAK



- Ingeniaritzaren alorrean erabiltzen diren energiaren bihurtze prozesuetako sistema elektronikoetan erabiltzen diren aplikazioak eta funtzioak identifikatzea.

- Potentzia Elektronikoaren alorrean etapak diseinatu eta aztertzea.

- Potentziako erdieroaleak aukeratzeko oinarriak, ereduak eta irizpideak ezagutzea.

- Beharrezko irizpideak ezagutzen ditu kontrol eta babes zirkuituak diseinatzeko.

- Potentzia elektronikaren laborategian aurkitu daitekeen ekipamendua trebeziaz erabiltzea.

- Energiaren bihurtze prozesuetarako simulazio erremintak erabiltzen jakitea.

1. Gaia. Potentzia elektronikoaren sarrera eta erregimen iragankorra.

Osagai elektronikoen bidez energia bihurtzeko oinarrizko kontzeptuak. Bihurgailuen deskribapena eta sailkapena. Errendimendua, erdieroaleak kommutazioan, erregimen iragankorra berrikusi bihurgailuak analizatzeko.



2. Gaia. AC-DC bihurgailuak.

Funtzionamendua. AC-DC bihurgailu motak. Analisia eta diseinua.



3. Gaia. AC-AC bihurgailuak.

Funtzionamendua. AC-AC bihurgailu motak. Analisia eta diseinua.



4. Gaia. DC-DC bihurgailuak.

Funtzionamendua. DC-DC bihurgailu motak. Analisia eta diseinua.



5. Gaia. DC-AC bihurgailuak.

Funtzionamendua. DC-AC bihurgailu motak. Analisia eta diseinua.

- Eskola magistraletan irakaslearen aldetik azalpenak emango dira, oinarrizko kontzeptu teorikoak modu naturalean asimilatu daitezen.



- Gai bakoitzean garatu beharreko ariketen ebazpenerako metodologia aktiboa erabiliko da, modu horretan irakasgaiaren ezagutzan sakontzen laguntzeko asmoz.





-Laborategiko praktiketan irakasgaian ikusten diren bihurgailuen muntaien lan esperimentalak garatuko dira simulazioetan oinarrituta (SW), esperotako trebetasunak eta gaitasunak eskuratzeko. Laborategietako praktiketan PSIM softwarea erabiliz egingo dira potentziako bihurgailuen simulazioak.

EBALUAZIO JARRAITUA

Hurrengo hiru atal DERRIGORREZKOAK EDUKIKO DITU:



- Azterketa %65

- Laborategietako praktikak %20

- Mintegietako lanak %15



Lauhileko erdialdera azterketa bat egingo da materia kendu ahal izateko azkeneko azterketan.

Irakasgaia gainditzeko azterketaren nota minimoa 4 da.



AZKEN EBALUAZIOA

Graduko eta lehenengo eta bigarren zikloko ikasketen gestiorako araudiaren arabera, ikasleari, justifikatutako arrazoiengatik ezin bazaio egin ebaluazio mistoa (edo hala badagokio, etengabeko ebaluazioa), bukaerako proba bakarra egingo zaio, non irakasgaiko alderdi praktikoa ere ebaluatuko den. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan edo 18 astekoa urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita. Kasu honetan, ikaslea azkeneko azterketa bakarrarekin ebaluatua izango da, alderdi praktikoa ere izango duena. Proba horrek, irakasgaiko notaren %100 balioko du.



Araudi horretako 12. artikuluaren arabera, horrez gain, ikasleek aukera izango dute deialdiari uko egiteko:



1.- Deialdiari uko egiten dioten ikasleek «aurkezteke» kalifikazioa jasoko dute.



2.- Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin.



3.- Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.

Irakaslearen apunteak Moodlen utzitakoak

Oinarrizko bibliografia

Moodle-n utzitako irakaslearen apunteak.

Gehiago sakontzeko bibliografia

Daniel W. Hart " Electrónica de Potencia" Ed. Prentice Hall
Mohan/Undeland/Robbins "Power Electronics" Ed. John Wiley
Muhammad H. Rashid "Electronica de Potencia" Ed. Prentice Hall