- Automobilgintzaren ingeniaritza esparruan, garapen profesionalerako, ibilgailuen instrumentazioaren oinarriak erabiltzea.



- Ibilgailuen instrumentazioan inplikatutako teknologia desberdinen analisiak planteatutako arazoak ebaztea, azterketa kualitatibo eta kuantitatiboa, hipotesien planteamendua eta irtenbideen proposamenaren bitartez.



- Idatzizko eta ahozko txostenak garatzea: jakintza teorikoak, ebazpen metodoak, erantzunak eta automobilen instrumentazioarekin erlazionatutako alderdiak modu egokian adieraztea.



- Automobilgintzako ingeniaritzaren barneko diziplinen alorrean, talde lanean garatutako lanetan ideiak planteatzea, eztabaidatzea eta erabakiak hartzea.



- Ibilgailuak osatzen dituzten azpisistemen esparruan diseinu eta proiektuak garatzea, beharrezko neurketa, kalkulu, balioztatze eta ikerketak burutuz. Irtenbide teknikoen inplementazioan beti ere gizartean duten eragina aintzat hartuz eta garapen iraunkorraren hastapenak erabiliz.



- Legeria, espezifikazioak, araudiak eta automobilgintzako ingeniaritzaren esparruan derrigorrez bete beharreko arauak aplikatzea.

Irakasgaian zehar emango den programaren eduki guztiak kontuan hartuz, gaitegia hiru bloketan zatitu da:



Sentsoreak eta magnitude fisikoen atzematea:

1. Sentsore eta magnitude fisikoak magnitude elektrikora bihurtzen dituzten detektagailuak.

2. Oinarrizko egokitze zirkuituak.

3. Wheatstone zubia.



Seinaleen teoria, prozesamendua eta transmisioa automobilgintzaren esparruan:

4. Seinalea, zarata eta SNR.

5. Modu komun eta diferentzialeko seinaleak.

6. Sentsoreen seinaleen anplifikazio eta egokitzapena. Anplifikazio diferentziala. Anplifikazio zirkuitu integratuak. Isolamendu zirkuituak.

7. Iragazki analogikoak eta iragazki aktiboak.

8. Analogiko-digital bihurketa: laginketa eta kuantizazioa. Laginketa eta erretentzio zirkuituak. Analogiko-digital bihurketa teknikak.

9. Seinaleen transmisioa: multiplexaketa, CAN eta LIN komunikazio sareak, elektronika kontrol unitateen arteko interkonexioa.



Diagnosia, kalibrazioa eta doikuntzak egiteko automobilgintzarako sistemak:

10. Ibilgailuaren elektronika kontrol eta datuen atzemate unitateak (ECUs).

11. Ibilgailu barruko diagnosi sistemak (On Board Diagnostics).

12. Kalibraketa eta doikuntza sistemak.

13. Informazio eta entretenimendu sistemak.

14. Denbora erreal eta kritikoko kontrol unitateak eta x-by-wire eta kontrol kritikora zuzendutako busen sarrera (Flexray, TTP...).

Metodologia konpetentziak bereganatzeko oinarrizko eragilea da. Metodologia berriak ongi aplikatzeak irakaslearen jardueran arrakasta izatea sustatuko du. Estrategia desberdinen konbinaketan dago gakoa, ikasleen interes eta beharrekin koherenteak izan behar dutelarik.



Gaur egungo gizarteak eskatzen duen moduan, irakaskuntza, ikaskuntza eta ebaluazio prozesua heziketa integrala errazten duten gizarte-lan konpetentzien garapenean zentratu behar da.



Ez da metodologia hoberena existitzen, irakasteko modua egoera desberdinetara egokitu beharra dago, ikasle talde desberdinetara. Irakasteko modua ikaslearen ikasteko modura moldatu. Unibertsitateko hezkuntzaren ardatz nagusia ikaslea izan behar da, irakaslea ikasketa prozesu horren bitartekari edo gidari izanik.



Irakaskuntza aktibo eta parte-hartzaileago bat inplementatu nahi da. Modelo interaktiboek (metodologia aktiboek), azalpenezkoekin alderatuz, eragin hobea dute ikasleen ikasketarengan. Gaur egungo unibertsitateko formakuntzaren oinarrizko helburu bat ikasleek independenteki ikasten ikastea da eta mundu aldakor honetan bideratzen lagunduko dien jarrera kritiko bat autonomoki hartzeko gai izatea.



Proposamen metodologikoa: ikaskuntza esanguratsu bat lortzeko metodologia berritzaile osagarrien konbinaketa (metodologia aktiboak).

- Ikasketa kooperatiboa

- Arazoetan Oinarritutako ikaskuntza eta Proiektuen Oinarritutako ikaskuntza

- Klase magistral parte-hartzailea

- Paper-zorroa



Ebaluazio probetan erabili ahal izango diren baliabide eta bitartekoak, bai teknologikoak bai bestelakoak; normalean, eta besterik adierazi ezean, UPV/EHUko ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere (UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloa).

AZTERKETA: [% 30]

Idatziz egingo dugun proba non galdera teoriko-praktikoak eta problemak eskatuko diren.

Mota: idatzizkoa eta banakakoa.



LABORATEGIKO PRAKTIKAK (% 20):

Ikasturtean zehar eskatutako materialen entrega lan programatu moduan eta laborategiko orduetan zehar.

Mota: idatzizkoa eta binaka.



PROIEKTUEN ZUZENKETA (% 30):

Laborategiko praktiken osagarri gisa, klase teorikoetan landutako kontzeptuekin, proiektu praktiko baten garapena proposatuko da. Memoria baten entrega eta demo baten aurkezpena egin beharko dira. Proiektu honen garapena binaka burutuko da.



AHOZKO AURKEZPENA (% 10):

Irakasgaiaren praktika saioetan garatutako proiektua klasea aurkeztuko da.

Mota: ahozkoa eta taldeka.



EVALUAZIO JARRAIA (% 10): Irakasgaia lantzen goazen arabera, beste gauza batzuen artean, aldian-aldian, problemak planteatuko dira. Ikasleak zentrotik kanpo landu beharko ditu eta entregagai moduan baloratuko dira atal honetan.

Mota: banakakoa.



Justifikatutako arrazoiengatik ebaluazio jarraiko eredu orokorra jarraitu ezin dezaketen ikasleek, eskubidea izango dute irakasgaiaren % 100 ari buruz ebaluatuak izatea eskatzeko, beti ere gutxienez lauhilekoko 10. astea baino lehen zentroko zuzendaritzaren aurrean dokumentuen bidez zergatia justifikatu dutenean. Kasu honetan, ohiko deialdian, ezohiko deialdiko irizpide berdinak aplikatuko dira (notaren % 50a suposatuko duen irakasgai osoaren azterketa integrala, eta azterketa hau gaindituz gero, LabVIEW programazioa eta instrumentazio birtualari buruzko azterketa eta instrumentazio proiektuaren aurkezpen, demo eta defentsan zatitutako, notaren % 50a suposatuko duen laborategian garatuko den zati praktiko bat).



Ohiko deialdian azterketara ez aurkezteak kalifikazioan “Ez aurkeztua” lortzea suposatzen du.

- LabVIEW programazio ingurunea laborategiko ordenagailuetan instalatutako bertsioan.
- Laborategiko laneko postuko instrumentazioa: elikagai iturriak, funtzio sorgailuak, multimetroak, osziloskopioak eta LabVIEW bidez kontrolatu daitekeen ordenagailuan instalatutako datuak jasotzeko txartela.
- Iragazki aktiboak diseinatzeko programa (Texas Instruments-en FilterPro).
- Klasean gomendatzen diren fabrikatzaileen datu orriak eta aplikazio notak

Oinarrizko bibliografia

- Klaseko apunte eta transparentziak. Klaseko ariketak.

- Pérez M.A. et al.: “Instrumentación Electrónica”. Thomson-Paraninfo, 2004.

- Pérez M. A., “Instrumentación Electrónica”. Paraninfo, 2014.

- Pérez M. A., “Instrumentación Electrónica. 230 Problemas Resueltos”, Garceta, 2012.

- Pallás Areny R., “Sensores y Acondicionadores de Señal”, Marcombo, 4ª ed, 2003.

- Pallás Areny R., Casas O, Bragós R, “Sensores y Acondicionadores de Señal. Problemas Resueltos”, Marcombo, 3ª ed, 2008.

- Bosch R., Bosch Automotive Electrics and Automotive Electronics, 5th Edition, Springer 2014.

- Notas de aplicación y tutoriales de fabricantes: National Instruments (www.ni.com), National Semiconductor (www.national.com), Analog Devices (www.analog.com), Linear Technology (www.linear.com), Texas Instruments (www.ti.com), Maxim Semiconductor (www.maxim-ic.com)

Gehiago sakontzeko bibliografia

- Zaman N, Automotive Electronics Design Fundamentals, Springer, 2015.
- Ribbens W. B, “Undesrtanding Automotive Electronics”. Newnes 1998.
- Denton, T., “Automobile Electrical and Electronic Systems” 3th Edition, Elsevier, 2004.
- Malik, N.R., "Circuitos Electrónicos", Prentice Hall, 2000.

Aldizkariak

- Instrumentation Newsletter. National Instruments
- IEEE Transactions on Instrumentation and Measurement
- Automática e Instrumentación . Cetisa / Boixareu Editores. Barcelona
- Mundo Electrónico