GAITASUNAK

Informazioa eta datuak transmititzeko sistemak diseinatzea, kostu eta kalitate beharrizanak kontuan izanik, elementu egokienak hautatuz.





IRAKASKUNTZA EMAITZAK



1- Telekomunikazioetako oinarrizko ezaguerak lortzea.

2- Modulazio teknikak ulertzea.

3- Telekomunikazioetan erabiltzen diren transmisio bideak ezagutzea.

4- Irrati eta telebistaren funtzionamendua ezagutzea.

5- Ordenagailu sareen konfigurazioa ulertzea.

6- "Internet of Things" deritzan sistemak diseintzea.

1- Telekomunikazioetara sarrera

2- Modulazioak

3- Transmisio bideak

4- Irrati eta telebista analogiko eta digitala

5- Sare telematikoak

6- Harigabeko komunikazioak: Bluetooth, Wi-Fia, ZigBee, datu sare mugikorrak.

Irakasgaiaren lehen zatian eskola magistraletan irakasleak azalpenak eman, eta ariketak proposatuko ditu.



Irakasgaiaren bigarren zatian,11-15 aste tartean proiektuetan oinarritutako metodologia erabiliko da. Ikasleek taldean jardungo dute ingeniaritzako proiektu bat egiteko, eta behar den dokumentazio teknikoa sortuko dute, azken memorian eta ahozko defentsan aurkeztuko dutena. Era berean prototipo fisiko bat ere inplementatuko dute.

Irakasgaiaren ebaluazioa jarraia izango da eta atal hauek izango ditu:



• Ikasgelan nahiz ikasgelatik kanpo egindako lanak entregatzea: irakasgaiaren notaren % 40

• Laborategiko praktikei buruzko taldeko txosten bat: notaren % 20

• Banakako proba idatzi bat, ikasturtearen 2/3 igaro ondoren egingo dena. Galdera motzak eta ebazteko problemak izango ditu: 40%



Azken kalifikazioa kalifikazio horien batezbestekoa eginez lortuko da, baina ezinbestekoa izango da gutxienez lau bat ateratzea banakako proba idatzian eta laborategiko gaitasun praktikoak gainditzea.



Ikasturtearen erdialdean egingo den banakako probaren ostean, aukerako jarduera osagarriak proposatuko dira akatsak zuzentzeko eta ikaskuntzan aurkitutako oztopoak gainditzeko. Gero ikasleari aukera emango zaio banakako beste proba bat egiteko, eta bigarren horren kalifikazioak aurretik lortutakoa ordezkatuko du.



Ikasleek eskubidea izango dute azken ebaluazio bidez ebaluatuak izateko. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du. Ikasleok azken ebaluazio baten bidez egiaztatu ahal izango dute ikaskuntza emaitzak lortu izana. Aurretik beharrezkoa izango da laborategiko gaitasun praktikoak gaindituta izatea.



Azken ebaluazio horrek zati hauek izango ditu:



1) Banakako lan bat entregatzea, ikaslearen gidan deskribatuta egongo dena: % 40

2) Laborategiko praktika, non teknika esperimentalen aplikazioa ebaluatuko den ; edo

ikasturtean zehar praktikak egin izana eta talde txostena entregatu izana (lehendik lortutako nota gordeko da, eta irakasgaiaren kalifikazio osotik dagokion portzentajea). % 20

3) Azken proba idatzia: Garatzeko galderak izango ditu, eta ebazteko problemak : 40%



Ikasleek, azterketa epe ofiziala hasi baino gutxienez 30 egun lehenago irakasleari idatzi bat zuzenduz uko egin ahal izango diote ohiko deialdiari .



Ebaluazio probetan kalkulagailua erabili ahal izango da baina ez, beste tresna edo gailu telefoniko, elektroniko, informatiko edo bestelakorik.

Klaseko apunteak.

Oinarrizko bibliografia

- The essential guide to telecommunications / Annabel Z. Dodd.

- Wireless sensor networks : architectures and protocols / Edgar H. Callaway, Jr.

- Building wireless sensor networks / Robert Faludi