Informatikako adar komuneko gaitasun espezifikoak (hauetako bat):

IA9 Ordenagailuen egitura, arkitektura eta funtsezko osagaiak ezagutzeko, ulertzeko

eta ebaluatzeko gai izatea.



Ikasgaiaren ikaskuntzaren emaitzak:

- Ordenagailuaren barne arkitektura eta unitate bakoitzaren funtzioa aginduen exekuzioan ulertu.

- Konputagailu estandar baten periferikoen funtzionamendua ulertu.

- Bus protokolo desberdinak aztertu eta konputagailuaren datu transferentziaren erendimenduarengan duten eragina antzeman.

- Makinaren barne lengoaia eta mihiztaduran lengoaian programak ulertu, azpierrutinen kudeaketarako barne-mekanismoak barne.

- Memoria sistemaren errendimendua aztertu konputagailu baten prestazioetan duen eragina ebaluatzeko.

- Inguruaren kontrolerako sarrera/irteerako aplikazioak programatu (Hardware gertakizunek zuzendutako programazioa).

Gai-zerrenda:

- Oinarrizko kontzeptuak.

- Prozesuen Unitate Nagusia CPU-PUZ: Arkitekturak, ALU unitate aritmetiko logikoa ALU-UAL, kontrol-unitatea CU-KU.

- Aginduak.

- Azpierrutinak

- Memoria azpisistema.

- Sarrera/irteera azpisistema.

- Busak. Azpisistemen arteko konexioa.



Laborategia:

- Gertakizunei bideratutako programazioa.

- Programazioa mihiztagailuan.

Eskola teorikoak, ikasgelako praktiketakoak eta laborategiko praktikak tartekatzen dira kurtsoan zehar.



Osasun egoerak edo bestelako motakoak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

PORTZENTAIAK:

Idatzizko azterketa: % 75

Laborategia: % 25



AZKEN NOTA HURRENGOAREN MENPE EGONGO DA:

- Idatzizko azterketa (deialdi ofiziala): Oro har, zati batzuk izango ditu, eta zati bakoitzean minimo bat atera beharko da gainerako nota partzialekin batezbestekoa egiteko.

- Testa: Ikasturtearen hasieran behar bezala adieraziz gero, hainbat test (edo ataza) ipin litezke, azken notaren ehuneko bat izango liratekeenak (%10a besterik zehazten ez bada), eta ehuneko hori azterketa idatziari kenduko litzaioke.

- Laborategia: Derrigorrezko presentziako praktikak: Orokorrean bi atal izango ditu, eta zati bakoitzean minimo bat atera beharko da gainerako nota partzialekin batezbestekoa egiteko. diren azterketa edota behar bezala adierazitako entregen bidez ebaluatu ahal izango dira.



MINIMOAK:

Atal guztietan eskatzen den minimoa 10etik 5 izango da; hala ere, batezbestekoa egiteko beste minimoak adieraz litezke, hauek ikasturte hasieran behar bezala adieraziko lirateke.



GAINDITZEKO:

- Irakasgaia gainditzeko, atal bakoitzeko minimoak gainditu beharko dira, eta guztira gutxienez 10etik 5a lortu.

- Ataletako bat suspendituta badago, azken nota suspentsoa izango da.

- Edozein atala (teoria eta laborategia) gainditu bada (10etik 5a gutxienez) ikasturte bereko ezohiko deialdira arte baino ez da gordeko.



PRAKTIKEI UKO EGITEA (ETA TESTARI EDO ATAZEI):

Laborategiko saioetako praktikak egiteari uko egiteko (eta testei edo atazei egotekotan), etengabeko ebaluazioari dagokion arautegian adierazitako epeak bete beharko dira.



UKO EGITEA:

Deialdi bati uko egiteko prozedura dagokion arautegikoa izango da.

Irakasgaiaren apunteak eta klasean adieraziko den bibliografia.

Oinarrizko bibliografia

- Estructura y arquitectura de computadores. Guía práctica para alumnos de primero y segundo curso de Grado en Ingeniería Informática de Gestión y Sistemas de Información Versión 2 (2018). G. Bosque, N. Azkona. (UPV/EHU)

https://web-argitalpena.adm.ehu.es/pasa_pdfFin.asp



- Fundamentos de diseño de sistemas lógicos y computadores. M. Morris, C.R. Kime (Prentice Hall).



- Organización y arquitectura de computadores. W. Stallings (Prentice Hall).



- Organización de Computadoras. Un Enfoque Estructurado. A. S. Tanenbaum (Prentice Hall).