KONPETENTZIA ESPEZIFIKOAK



GE1. Sistema Digital bat diseinatzeko gaitasuna, bai merkatuan erabilgarri dauden zirkuitu integratuak erabilita, bai bloke-funtzionalen diseinutik ikusita.

GE2. Diseinu zehatz bati egokitzeko zirkuitu integraturik egokiena aukeratzeko gaitasuna.

GE3. Ezaugarri-orrietatik abiatuta, edozein zirkuitu integraturen analisia egiteko gaitasuna.

GE4. Edozein zirkuitu konbinazional eta sekuentzialen erroreak detektatu eta aztertzeko gaitasuna.





ZEHARKAKO KONPETENTZIAK



C10. Ingurune eleanitzetan eta disziplina anitzeko inguruneetan lan egiteko gaitasuna.

C11. Metodologia zientifikoaren berezko estrategiak aplikatzeko gaitasuna lortzea: egoera eta problematika kualitatiboki eta kuantitatiboki aztertu. Hipotesiak eta irtenbideak planteatu, ingeniaritza industrialeko berezko ereduak erabilita (industria elektronika espezialitatearen barnean).



Moduluko zeharkako konpetentziak honako gaitasun hauek lortzera bideratuta daude:



ZG1. Arestiko guztia euskaraz txukun eta argiro komunikatzeko gaitasuna lortzea. Horretarako, hiztegia eta izendapen teknikoak zaintzea.

ZG2. Disziplina: ezarritako epeak errespetatzea.

ZG3. Taldelanean jarduten ohitzea, berdintasuneko harreman pertsonaletan oinarrituta.

ZG4. Ikasgaian sakontzen jarraitzeko grina suspertzea.

Hona hemen, gai bloke nagusiak (GB):

0. Irakasgaiaren aurkezpena

1. Elektronika Digitala Sarrera: Boolen Algebra, Ate logikoak, Funtzioak

2. Zenbaki sistemak eta alfanumerikoak: paritatea, eragiketa bitarrak, e.a.

3. Zirkuitu konbinazional aritmetikoak: batutzaileak

4. Zirkuitu konbinazional logikoak: konparadore, multiplexore, kodetzaile, e.a.

5. Zirkuitu sekuentzialen (ZS) diseinua: Flip-Flopak, ZS, Diseinu konplexuak

6. Erregistroak eta kontadoreak

7. TTL vs CMOS

8. VHDL (sarrera)

Irakasteko formato desberdinek honako helburu hauek dituzte: Guztiak presentzialak.

M: Programan zerrendatutako gaien esposizioa, gardenkiez lagunduta.

GA: M eskolen osagaia, ariketak eta aztergai teknikoak landuz, indibidualki zein talde txikietan.

GL: Laborategiko saioak. Irakasgaiaren atal praktikoena.



Ordu ez-presentzialak burutzeko, astean behin zabalduko da e-gelan errepaso galderak erantzuteko saioa.

Besterik ezean, ebaluazio-sistema "mistoa" aplikatuko zaizu. Hona hemen egingo diren probak, euren puntuazio maximoak, nota finalari gehitzekoak, baita gainditu beharreko minimoak ere, gehiketa horiek egin ahal izateko:



A) Bakarkako lana sustatzen duen % 10eko portzentajea e-gelan astero irekiko diren saioak erantzutearekin lortuko da. Saio hauek 10-15 inguruko test galderak dira, aste horretan ikusitako teoriaren inguruko errepasotxoa. Guztira, 12-13 saio irekiko dira, bakoitzak 0.083 edo 0.077 balioko dutenak. Erantzutearekin nahikoa da, saioak ostiral arratsaldean zabalduko dira eta astelehen goizean itxi. Galderatxoak erantzutea lan serioa da, gutxienez 9 saio erantzun beharko dira, guztizko puntuak batu daitezen. Hau da, erantzundako test-kopurua < 9 bada, atal honek ez du nota finalean punturik batuko.



B) Laborategia: %25. Portzentaje horretatik, % 15 lehenengo atalaren inguruko bakarkako azterketa da, laborategiko azkenengo saioan burutuko dena. Laborategiko saioetan garatutako praktika baten zati bat edo praktika osoa egin beharko da, saioaren egokitasunaren arabera. Gainontzeko % 10a saioetako momentuko lana lehenetsiko da. Saioak ulertuta eta prestatuta ekartzea alde batetik, eta burutzerakoan lortutako emaitzak ere kontuan hartuko dira.



C) Azken idatzizko proba. % 50. Horren barruan, GUTXIENEKO PROBA, % 10. Gutxieneko PROBAN, irakasgaia ulertzeko beharrezkoak diren oinarrizko kontzeptuak ebaluatzen dira. Gutxieneko proba hori proba baztertzailea da, irakasgaia gainditzeko ezinbesteko baldintza. Proba hori gainditzen ez bada, gainerako % 40a ez da kontuan hartzen, eta, beraz, ez da ikasgaia gainditzen. Gainerako % 40ak teoria eta ariketen ezagutzak ebaluatzen ditu. Ariketen atalean notaren % 25 lortu behar da gutxienez; bestela, ez da ikasgaia gainditzen.



D) Lan monografikoa. % 15. Taldean egindako lana: gelan proposatutako problema bati konponbidea emango dion zirkuitua garatzea eta aurkeztea.



GUTXIENEKOAK

Aipatutako nota guztiak urtarrileko deialdian batuko dira, baldin eta gutxieneko guztiak gainditu badira (azterketako gutxienekoen proba, gutxienez % 25 azterketako ariketen atalean, gutxienez % 30 laborategian eta gutxienez % 30 lan monografikoan).



EZ AURKEZTUAK:

Idatzizko azterketara aurkezten ez denak "EZ AURKEZTUA" kalifikazioa jasoko du. Gutxienekoak gainditzen ez dituenak (azterketako minimoen proba, edo laborategiko edo ikasgelako praktiketako gutxienekoak) "SUSPENTSO" kalifikazioa izango du, nota laborategiko eta lan-monografikoko noten batura izanik (gehienez 4).



GAINDITZEKO:

Ikasgaia gainditzeko, aipatutako baldintzak betez gain, nota guztien batura handiago edo berdin 5 izan beharko da.



AZKEN PROBA:

Bestelako ikasleei zuzendutako azken proba (ebaluazio mistoa aplikatuko ez zaien ikaslei zuzendutakoa).

Ikasle batek, ebaluazio jarraia egiteko eragozpen bat izan ezkero, Eskolari adierazi beharko dio, klaseko lehenengo bi astetan (beti ere Eskolako Idazkaritza bidez Akademia Antolaketa Batzordeak aztertuko duen eskaria eginez eta 43. artikuluaren arabera) eta notaren %100 lortu ahal izango du AZKEN-AZTERKETA teoriko-praktiko bat eta laborategiko azterketa baten bidez.



Etika akademikoko protokoloa jarraituz, iruzurra, kopia edo plagioa detektatuz gero, ikasleak "EZ GAI" kalifikazioa lortuko du (0.0).

M eskola magistraletan: ikasgaiko apunteak. Apunte horiek ikasle bakoitzak eskola magistraletan oharrak hartzeko ikas-materiala dira.
GA: Gelako ariketetarrako gida praktikoa.
GL laborategi saioetan: praktiketarako gida.
Ezaugarri-orriak, artikuluak.

Moodle plataformaren bidez emango da materiala (https://egela.ehu.eus)

Oinarrizko bibliografia

Oinarrizko bibliografia:



EUSKARAZ:

Elektronika Digitala. Jose Luis Martin Gonzalez et al. EHUko Argitalpen Zerbitzua.

Elektronika Digitaleko Problema Ebatziak. Jose Luis Martin Gonzalez et al. EHUko Argitalpen zerbitzua.



ERDARAZ:

T. L. Floyd, Fundamentos de Sistemas Digitales, Prentice Hall 2000.

V.P. Nelson, H.T. Nagle, B. D. Carroll, J. D. Irwin, Análisis y diseño de circuitos lógicos Digitales, Prentice Hall. 1996.

A. Hermosa, Técnicas Electrónicas Digitales, Marcombo. 1997.

S. Brown, Z. Vranesic, Fundamentals of Digital Logic with VHDL Desing, McGraw Hill. 2000.

Gehiago sakontzeko bibliografia

ERDARAZ:
J.P. Hayes, Introducción al Diseño Lógico Digital, Addison-Wesley Iberoamericana. 1996.
F.J. Hill, G. r. Peterson, Teoría de conmutación y diseño lógico, Limusa Noriega. 1990..
M. Mazo, I. Fernández y otros, Circuitos electrónicos Digitales, Universidad de Alcalá. 1995.
C. Tavernier, Circutios Lógicos Programables, Paraninfo 1994.

Aldizkariak

Elhuyar Zientzia eta Teknologia. Aurkibidea eta harpidetza: http://www.zientzia.net/elhuyar.asp