Gaitasunak: ibilgailuetako eta probetako sistema elektronikoetan erabiltzen den instrumentazio elektronikoaren ezagutza.



Ikas-prozesuaren emaitzak:



- Automobilgintzaren ingeniaritza esparruan, garapen profesionalerako, ibilgailuen instrumentazioaren oinarriak erabiltzea.



- Ibilgailuen instrumentazioan inplikatutako teknologia desberdinen analisiak planteatutako arazoak ebaztea, azterketa kualitatibo eta kuantitatiboa, hipotesien planteamendua eta irtenbideen proposamenaren bitartez.



- Idatzizko eta ahozko txostenak garatzea: jakintza teorikoak, ebazpen metodoak, erantzunak eta automobilen instrumentazioarekin erlazionatutako alderdiak modu egokian adieraztea.



- Automobilgintzako ingeniaritzaren barneko diziplinen alorrean, talde lanean garatutako lanetan ideiak planteatzea, eztabaidatzea eta erabakiak hartzea.



- Ibilgailuak osatzen dituzten azpisistemen esparruan diseinu eta proiektuak garatzea, beharrezko neurketa, kalkulu, balioztatze eta ikerketak burutuz. Irtenbide teknikoen inplementazioan beti ere gizartean duten eragina aintzat hartuz eta garapen iraunkorraren hastapenak erabiliz.



- Legeria, espezifikazioak, araudiak eta automobilgintzako ingeniaritzaren esparruan derrigorrez bete beharreko arauak aplikatzea.

Irakasgaian zehar emango den programaren eduki guztiak kontuan hartuz, gaitegia hiru bloketan zatitu daiteke:



1) Sentsoreak eta magnitude fisikoen atzematea:

- Sentsore eta magnitude fisikoak magnitude elektrikora bihurtzen dituzten detektagailuak. Wheatstone zubia.



2) Seinaleen teoria, prozesamendua eta transmisioa automobilgintzaren esparruan:

- Modu komun eta diferentzialeko seinaleak. Sentsoreen seinaleen anplifikazio eta egokitzapena. Iragazketa. Analogiko-digital bihurketa

- Seinaleen transmisioa: multiplexaketa, CAN eta LIN komunikazio sareak.



3) Diagnosia, kalibrazioa eta doikuntzak egiteko automobilgintzarako sistemak.

Irakaskuntza jarduera buruketekin osatutako teoria klasez, laborategiko praktikaz eta banakako eta taldekako tutoretzaz osaturik egongo da.



Teoria klase formatudun irakaskuntza orduen helburu nagusia irakasgaiaren gai bakoitzean planteatutako kontzeptu teorikoak azaltzea izango da. Ikaslearen parte hartzea sustatzeari ezinbesteko garrantzia emango zaio, ez soilik entzule bezala baizik eta modu aktiboan, eztabaida argigarriei lekua eman diezaioketen galdera interesgarriak planteatuz edo beraien zalantzak formulatuz; ikuspuntu hau naiz irakaslearen naiz ikasleen partetik jarraituz.



Paraleloki, helarazitako kontzeptuen alderdi praktikoa erakusteko helburuarekin, teoria, problemen ebazpen eta entregarekin osatuko da. Problemak garatzeko, banakako lanaz aparte, ikaskuntza kooperatiboko teknika desberdinak erabiliko dira. Problemen zuzenketa arbelean, Black Board Collaborate bidez, edo eGela erabiliz burutuko da, beti ere ikaslea modu aktiboan parte hartzera animatuz, planteatutako galderen erantzuna ongi argudiatutako eztabaida prozesuaren bitartez bilatuz.



Laborategiko praktiken helburua garrantzi gehieneko kontzeptuak aplikatzea, hauek indartu eta finkatzeko eta ekipamendu eta osagai elektroniko desberdinetara ohitzea izango da. Horregatik, denbora praktikaren garapenerako ahalik eta gehien aprobetxatzeko irakaslearen azalpenak ezinbestekora murriztuko dira.



Laborategiko praktiketan, posible den guztietan, ikasleek binaka lan egingo dute. Oinarrizkoa izango da praktika klaseak osorik aprobetxatzea. Laborategiko praktika bakoitza amaitzerakoan ikasleek burututakoari buruzko txostena unibertsitateko plataforma birtualera igo beharko dute ondoren irakasleak ebaluatu dezan.



Ebaluazio probetan erabili ahal izango diren baliabide eta bitartekoak, bai teknologikoak bai bestelakoak; normalean, eta besterik adierazi ezean, UPV/EHUko ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere (UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloa).

AZTERKETA (% 30):

Galdera teoriko-praktikoak eta problemak eskatuko diren proba. Lauhilekoan zehar irakasgaiko zati konkretu batzuk barne hartzen dituen azterketa partzialen bat burutu daiteke. Ohiko deialdian azterketa partzialean ebaluatutako zati horiei dagozkien ariketak desberdinduko dira, nota igotzea edo azterketa partzialean liberatutako zatia ez egitea aukeratu daitekeelarik.



LABORATEGIKO PRAKTIKAK (% 50):

Kurtsoan zehar lan programatu moduan laborategiko saioetan eskatutako materialen entrega.



AHOZKO AURKEZPENA (% 10):

Lauhilekoan zehar ikasleek atal honetan baloratuko diren lanak/monografikoak aurkeztuko dituzte.



EBALUAZIO JARRAIA (% 10): Irakasgaia lantzen goazen arabera, beste gauza batzuen artean, problemak planteatuko dira. Ikasleak landu beharko ditu eta entregagai moduan baloratuko dira atal honetan.



Beharrezkoa da 10etik gutxienez 5 nota lortzea azterketak eta laborategiko praktiken atalean.



Ohiko deialdian azterketara ez aurkezteak kalifikazioan “Ez aurkeztua” lortzea suposatzen du.

- Unibertsitateko gelako plataforma birtualean eskuragai dauden klaseko apunte eta transparentziak
- LabVIEW programazio ingurunea laborategiko ordenagailuetan instalatutako bertsioan eta LabVIEW bidez kontrolatu daitekeen ordenagailuan instalatutako datuak jasotzeko txartela.

Oinarrizko bibliografia

- Pérez M.A. et al.: “Instrumentación Electrónica”. Thomson-Paraninfo, 2004.

- Pérez M. A., “Instrumentación Electrónica”. Paraninfo, 2014.

- Pallás Areny R., “Sensores y Acondicionadores de Señal”, Marcombo, 4ª ed, 2003.

- Bosch R., Bosch Automotive Electrics and Automotive Electronics, 5th Edition, Springer 2014.

Gehiago sakontzeko bibliografia

- Pérez M. A., “Instrumentación Electrónica. 230 Problemas Resueltos”, Garceta, 2012.
- Pallás Areny R., Casas O, Bragós R, “Sensores y Acondicionadores de Señal. Problemas Resueltos”, Marcombo, 3ª ed, 2008.
- Zaman N, Automotive Electronics Design Fundamentals, Springer, 2015.
- Ribbens W. B, “Undesrtanding Automotive Electronics”. Newnes 1998.
- Denton, T., “Automobile Electrical and Electronic Systems” 3th Edition, Elsevier, 2004.
- Malik, N.R., "Circuitos Electrónicos", Prentice Hall, 2000.
- Notas de aplicación y tutoriales de fabricantes: National Instruments (www.ni.com), National Semiconductor (www.national.com), Analog Devices (www.analog.com), Linear Technology (www.linear.com), Texas Instruments (www.ti.com), Maxim Semiconductor (www.maxim-ic.com)

Aldizkariak

- Instrumentation Newsletter. National Instruments
- IEEE Transactions on Instrumentation and Measurement
- Automática e Instrumentación . Cetisa / Boixareu Editores. Barcelona
- Mundo Electrónico