Irakasgai honetan garatu nahi diren Gaitasun zehatzak (G) hauexek dira:

G1.- Ekonomia zientziaren testuinguruan makroekonomiaren papera ezagutu.

G2.- Oinarrizko adierazle ekonomikoak zehaztu eta ulertu.

G3.- Eskaintza eta eskari agregatuaren oinarrizko teoria menperatu.

G4.- Politika ekonomikoen eragina eta ondorioak ulertu.

G5.- Datu makroekonomikoen informazio iturri nagusiak erabili.

G6.- Ikasitako ereduak errealitatean behatutako gertakariekin lotu.



Ikasketa planan definituriko Zeharkako Gaitasun (ZG) gehienak landuko dira irakasgai honetan, neurri batean edo bestean. Hala ere, bereziki jorratuko direnak, jarduera eta ebaluazio espezifikoarekin, honakoak dira:

ZG1.- Analisi eta sintesi gaitasuna (1 maila)

ZG2.- Gizarte eta etika erantzukizuna (1 maila)

1.Gaia. Makroekonomia: ikuspegi orokorra

-Ekonomiaren azterketaren helburua

-Merkatu ekonomiak

-Makroekonomiaren eremua:merkatu ekonomiatik ekonomia mistoetara

-Makroekonomiaren helburuak eta tresnak



2.Gaia. Jarduera ekonomikoaren neurketa

-Errentaren fluxu zirkularra

-Hazkunde ekonomikoa: BPG

-Langabezia-tasa

-Prezioen indizeak

-Epe luzeko hazkundea

-Hazkundea eta garapena



3.Gaia.Eskaintza eta eskari agregatua

- Eskari agregatua

- Eskaintza agregatua

- Oreka Makroekonomikoa

- Makroekonomia politikak



4.Gaia. Errenta eta gastua. Biderkatzailearen eredu keynesiarra

- Kontsumoa eta aurrezkia

- Inbertsioa

- Errenta-gastua oreka

- Biderkatzailea



5.Gaia.Zerga politika

- Estatuaren funtzioak

- Zerga politikaren tresnak

- Zerga politika eta biderkatzailea

- Egonkortze politika

-Defizit publikoa eta zor publikoa



6.Gaia. Moneta politika

- Dirua gaur egungo ekonomietan

- Diru-eskaria

- Diru-eskaintza

- Moneta-politika

Metodologiak klase teorikoak klase praktikoekin konbinatzen ditu.



+ Klase Magistrala:

Klase magistraletan gai bakoitzean landuko diren kontzeptu teorikoen azalpena egingo da eta ariketak ebatziko dira. Horretarako, nagusiki eGelan jarritako apunteak eta aurkezpenak erabiliko dira.



Jorratuko diren edukiak hobeto ulertzeko, irakaskuntza dinamikoago izateko eta partehartzea sustatzeko komeni da ikasleak aldez aurretik materialak irakurri izana. Ikasleen ardura izango da gelan ebatzi ez diren buruketak amaitzea, haien ikasketa-prozesua behar bezala osatzeko.



Azalpen teorikoek eta ariketen ebazpenak ikasleak G1-G4 eta ZG2 lortzea dute helburu.



+ Klase Praktikoak:

Klase praktikoetan ikasleek gaiarekin erlazionaturiko ariketak egingo dituzte.



Klase praktiko batzuetan ikasleek, makroekonomiarekin erlazionatutako prentsa-artikulu bat irakurri, ulertu eta laburtu beharko dute. Irakasleak talde bakoitzari euskarazko, gaztelerazko zein ingelesezko artikulua banatuko dio. Ikasleek arretaz irakurriko dute artikulua modu egokian ulertzeko. Irakurtzen duten bitartean beharrezko apunteak hartuko dituzte zirriborro gisa, edota eskema prestatuko dute ideia nagusiekin eta klasea amaitzerakoan talde bakoitzak artikuluaren 150-200 hitzeko euskarazko laburpena entregatuko dio irakasleari.





Lauhilekoan zehar ikasleek, taldeka, makroekonomiarekin erlazionatutako hainbat albiste aukeratu,

laburtu eta aztertu beharko dituzte. Prentsa-txostena osatzeko, ikasleek gehienbat gelaz kanpo egin beharko dute talde-lana. Garrantzitsua da taldekide guztiek partehartzea, talde-lana egitea, eta elkarren artean sortutako zalantzak argitzea.



Artikuluen analisiek eta prentsa-txostenaren lanketak ikasleak G5 eta G6 lortzea dute helburu. Baita ere ZG1 eta ZG2 jorratzea eta ebaluatzea.

A) EBALUAZIO JARRAIA

- Idatzizko proba: 7 (minimoa 3,2)

- Prentsa txostena: 1,5

- Artikuluak eta jarduera espezifikoak: 1,5



GUZTIRA: 10,00 (minimoa 5,00)



B)EBALUAZIO FINALA



Ebaluazio final egitea erabakitzen duen ikasleak 10 puntuko proba idatzia egingo du, bertan ebaluazio jarraian landutako gaitasunak ebaluatuko dira.



Ebaluazio jarraia hasi duten ikasleek eta ebaluazio finala egitera pasatu nahi dutenak, klaseak hasten direnetik 9 asteko epea izango dute ebaluazio jarraiari uko egiteko eta horrela 10 puntuko idatzizko proba egin ahal izateko.



Ikasleren batek ebaluazio jarraiako jarduera bat ere ez egiten ez badu, ebaluazio finala aukeratzen duela ulertuko da.





UKO EGITEA

Bai ebaluazio finalean, bai ebaluazio jarraian, azken idatzizko probara ez aurkeztea deialdiari uko egitea da eta “Aurkezteke" jarriko zaio.

Ikasleek klasean landutako gardenkien fitxategiak eskuragarri edukiko dute eGelan. Nahiz eta ekonomia edo makroekonomiaren sarrerarako edozein liburu baliagarria izan daitekeen, bereziki gomendatzen dira ikasketen osagarri bezala bibliografian aipatutakoak.

Oinarrizko bibliografia

- GUENAGA, G. eta VICENTE, S. (2009). Makroekonomiarako Sarrera. Euskara Errektoreordetzaren Sare Argitalpena.

- KRUGMAN, P. y WELLS, R. (2016): Macroeconomía. Ed. Reverté, Madrid

- KRUGMAN, P. y WELLS, R. (2007): Introducción a la Economía. Macroeconomía. Ed. Reverté, Madrid

- SAMUELSON, P.A. y NORDHAUS, W.D. (2005): Economía. McGraw-Hill, Madrid.

Gehiago sakontzeko bibliografia

CUADRADO ROURA, J.R. (coord) (1995): Introducción a la Política Económica. McGraw-Hill, Madrid.
DÍAZ-GIMÉNEZ, J. (1999): Macroeconomía: primeros conceptos. Antoni Bosch, Barcelona.
GALLEGO, J.R. y NACHER, J. (coord) (2001): Elementos básicos de economía. Un enfoque institucional. Tirant lo blanch, Valencia.
HAINBAT EGILE (2013): El Libro de la Economía. Ed. Akal, Madril.
MANKIW, N.G. (2009): Principios de economía. McGraw-Hill
MOCHON (2009): Introducción a la macroeconomía. McGraw-Hill, Madrid
TORRES, J. (2005): Economía política. Pirámide, Madrid.

Aldizkariak

Ekonomiaz, Koiunturaz, Berria eta Argia (ekonomia eranskinak). El País (ekonomia eranskina), Expansión, Cinco Días eta Boletín Económico del Banco de España.