GAITASUNAK

- Kontsumitzailearen eta enpresa lehiakorraren jokabidea karakterizatzea, kontsumitzaile zein enpresentzat optimizazio printzipioa oinarritzat duten ereduen bitartez.

- Baliagarritasunaren eta mozkinaren maximizaziotik abiatuz, eskari- eta eskaintza-funtzioak lortzea.

- Emaitza horiek formalizatzea eta termino ekonomikoetan interpretatzea.

- Estatika konparatiboko analisia egitea, aldagai ekonomiko esanguratsuetan izan daitezkeen aldaketak emaitza horien gain eragiten dituzten efektuak aztertzeko.



IKASTEAREN EMAITZAK



- Mikroekonomiaren ikuspuntutik kontsumitzailearen jokabidearekin lotutako kontzeptuak ulertzea.

- Adibide praktikoetan eskari- eta eskaintza-funtzioak kalkulatzea.

- Eredu ekonomikoak planteatzea eta interpretatzea.

- Aldagai ekonomiko esanguratsuek sortzen dituzten aldaketetan sakontzea.

1. gaia. Kontzeptua eta Metodoa Ekonomian. Ekonomiaren baliotasuna zientzia sozial eta enpiriko gisa. Eredu ekonomikoak. Oinarrizko arazo ekonomikoak.



2. gaia. Merkatua: eskaria, eskaintza eta oreka. Prezio-sistema eta baliabideen esleipena



3. gaia. Elastikotasunen analisia. Estatuaren esku-hartzearen ondorioak. Zergak, subentzioak eta prezioen kontrolak.



4. gaia. Kontsumitzailearen portaera. Lehentasunak eta baliagarritasuna. Aurrekontu-murrizketa. Baliagarritasunaren maximizazioa eta aukera optimoa. Eskaria, ordezkapen-efektua eta errenta-efektua. Kontsumitzailearen soberakina.



5. gaia. Enpresa, faktoreak eta produktuak. Faktore finko eta aldagarriak. Enpresaren jokamoldea epe laburrean: produkzioa eta kostuak.



6. gaia. Produkzio eta kostuei buruzko epe luzeko erabakiak. Eskalako errendimenduak. Kostuen minimizazioa. Efizientzia teknikoa eta efizientzia ekonomikoa. Eskalako ekonomiak eta desekonomiak.

Irakasgaian astero bi klase magistral izango dira, bakoitza ordu eta erdikoa, eta hauek osatzeko praktika ordu gehigarri bat, gehien bat ariketa praktikoak ebaztera bideratuko dena.

EBALUAZIO JARRAIA



Ebaluazio jarraia egingo da, honako bi tresnetan oinarritua:



(a) Kontrolak: bi egingo ditugu, lauhilekoan zehar. Horietako bakoitzetik azken notaren %15 lortuko da, hortaz kontrol hauen bitartez azken notaren % 30 (% 15 x 2) lortuko da.



(b) Azken notaren % 70 lauhilekoa bukatu ondoren eta azterketa garai ofizialean egingo den idatzizko azterketaren bidez lortuko da. Azterketa honetan bai klase teorikoetako bai klase praktikoetako edukiak ebaluatuko dira // Azterketa honetan 10 punturen gain gutxienez 4,25 lortu beharko da taldekako kontrolen emaitzak kontuan hartuak izan daitezen.



Batezbestekoa egin ondoren, 10 puntutik gutxienez 5 behar dira irakasgaia gainditzeko.



Ebaluazio jarraia egiteko eskubidea izateko gutxienez klase praktikoen %80ra bertaratzeko beharra dago.



Ebaluazio jarraiari uko egin nahi dioten ikasleek aldez aurretik aditzera eman behar dute, gehienez irakasgaiaren eskola-aldia bukatu baino hilabete lehenago. Hala eginez gero ikasle horiek ebaluazio ez-jarraiaren metodoa aukeratuko dute.



-------------------------------



EBALUAZIO EZ-JARRAIA



Ebaluazio sistema honekin proba idatziaren balioa irakasgaiaren puntuazio finalaren %100koa izango da. Ondorioz, 10 puntutik gutxienez 5 behar da irakasgaia gainditzeko.



UKO EGITEA



Ebaluaziorako metodoa ez-jarraia denean, deialdiari uko egiteko nahikoa izango da azken probara ez aurkeztea. Ebaluazio metodoa ebaluazio jarraia denean, azken probak irakasgaiaren kalifikazio osoaren %50 baino gehiago balio duenez, ikaslea ez bada probara aurkezten deialdiari uko egin diola ulertuko da eta “Aurkezteke" jarriko zaio.

Egela plataforman eskuragarri izango diren apunte, irakurgai eta ariketak

Oinarrizko bibliografia

• MOCHON, F.: "Economía: Teoría y Política". McGraw-Hill, Madrid, 2010.

• FREIRE RUBIO, Mª T.: Prácticas y conceptos básicos de Microeconomía". ESIC. Madrid. 2014.

• IBAÑEZ, F.; MATILLA, M eta OSUNA, R.: "Introducción al análisis Microeconómico". McGraw-Hill. Madrid, 2013.

• KRUGMAN, P, Wells, R eta Graddy, K: "Fundamentos de economía", Ed. Reverté, Barcelona, 2013.

• SAMUELSON, P.A. eta NORDHAUS, W. (2006): "Economía" 18ª ed., McGraw-Hill, Madrid, 2006.

• SANTOLAYA, M.: "Ejercicios prácticos de economía". Tirant lo Blanch. Valencia. 2013.

• ZURBANO, Mikel: “Mikroekonomia “, Udako Euskal Unibertsitatea, 1993. www.ueu.eus/download/liburua/Mikroekonomia.pdf

Gehiago sakontzeko bibliografia

• MANKIW, M.G. eta TAYLOR, M.P..: "Economía", Ediciones Paraninfo, Madrid, 2017.
• PINDICK, R. S. eta RUBINFELD, D.: "Mikroekonomia". Deusto Ed. Zazpigarren argitalpena. Bilbo, 2010.

Aldizkariak

Boletín Estadístico. Banco de España
- Cuadernos de Información Económica.
- Ekonomiaz
- Diario El País. Negocios
- Diario Expansión
- Diario Cinco Días