GAITASUNAK

- Kontsumitzailearen eta enpresa lehiakorraren jokabidea karakterizatzea, kontsumitzaile zein enpresentzat optimizazio printzipioa oinarritzat duten ereduen bitartez.

- Baliagarritasunaren eta mozkinaren maximizaziotik abiatuz, eskari- eta eskaintza-funtzioak lortzea.

- Emaitza horiek formalizatzea eta termino ekonomikoetan interpretatzea.

- Estatika konparatiboko analisia egitea, aldagai ekonomiko esanguratsuetan izan daitezkeen aldaketak emaitza horien gain eragiten dituzten efektuak aztertzeko.



IKASTEAREN EMAITZAK



- Mikroekonomiaren ikuspuntutik kontsumitzailearen jokabidearekin lotutako kontzeptuak ulertzea.

- Adibide praktikoetan eskari- eta eskaintza-funtzioak kalkulatzea.

- Eredu ekonomikoak planteatzea eta interpretatzea.

- Aldagai ekonomiko esanguratsuek sortzen dituzten aldaketetan sakontzea.

1. gaia. Kontzeptua eta Metodoa Ekonomian. Ekonomiaren baliotasuna zientzia sozial eta enpiriko gisa. Eredu ekonomikoak. Oinarrizko arazo ekonomikoak.



2. gaia. Merkatua: eskaria, eskaintza eta oreka. Prezio-sistema eta baliabideen esleipena



3. gaia. Elastikotasunen analisia. Estatuaren esku-hartzearen ondorioak. Zergak, subentzioak eta prezioen kontrolak.



4. gaia. Kontsumitzailearen portaera. Lehentasunak eta baliagarritasuna. Aurrekontu-murrizketa. Baliagarritasunaren maximizazioa eta aukera optimoa. Eskaria, ordezkapen-efektua eta errenta-efektua. Kontsumitzailearen soberakina.



5. gaia. Enpresa, faktoreak eta produktuak. Faktore finko eta aldagarriak. Enpresaren jokamoldea epe laburrean: produkzioa eta kostuak.



6. gaia. Produkzio eta kostuei buruzko epe luzeko erabakiak. Eskalako errendimenduak. Kostuen minimizazioa. Efizientzia teknikoa eta efizientzia ekonomikoa. Eskalako ekonomiak eta desekonomiak.

Irakasgaian astero bi klase magistral izango dira, bakoitza ordu eta erdikoa, eta hauek osatzeko praktika ordu gehigarri bat, gehien bat ariketa praktikoak ebaztera bideratuko dena.



COVID eszenatokia: osasun egoerak horrela eskatzen badu, martxan jarriko da eGelan kasu horietarako igota dagoen Ikaslearen Gida.

EBALUAZIO JARRAITUA

Ikasturtean zehar egingo diren kontrolak eta probak: azken notaren %100.

A proba:Idatzizko Froga Presentziala; gainditu ezkero libre; 1, 2 eta 3 irakasgaiak: azken notaren %35

B proba:Idatzizko Froga Presentziala; gainditu ezkero libre; 4, 5 eta 6 irakasgaiak: azken notaren %35

C proba: praktiketan egindako lanen ebaluazioa: azken notaren %30



Irakasgaia gainditzeko eta beste kalifikazioekin batez bestekoa egiteko, A eta B probetan gutxienez 10etik 5 bat atera beharko da. Irakasgaia Ebaluazio Jarraituaren bitartez ez bada gainditzen, Azken Ohiko Deialdian gainditu ez diren probak berriro egin beharko dira eta portzentaje berdina balioko dute. Kronograma, proben datekin eta beste zehaztasunekin, e-Gelan argitaratuko da.



Praktikak ebaluatzeko eskubidea izateko gutxienez klase praktikoen %80ra joan behar da.





EBALUAZIO EZ-JARRAITUA

Azken Azterketa: azken kalifikazioaren %100.



UKO EGITEA



Ebaluazio Jarraituan eta Ebaluazio Ez-jarraituan deialdiari uko egiteko nahikoa izango da zehaztutako azterketa egunetan ez aurkeztea eta "EZ AURKEZTUA" jarriko zaio.



COVID eszenatokia: osasun egoerak horrela eskatzen badu, martxan jarriko da eGelan kasu horietarako igota dagoen Ikaslearen Gida. Era berean, Talde lanak banakako lanetan edo banakako galdera-sortetan bihur daitezke.

Egela plataforman eskuragarri izango diren apunte, irakurgai eta ariketak

Oinarrizko bibliografia

• MOCHON, F.: "Economía: Teoría y Política". McGraw-Hill, Madrid, 2010.

• FREIRE RUBIO, Mª T.: Prácticas y conceptos básicos de Microeconomía". ESIC. Madrid. 2014.

• IBAÑEZ, F.; MATILLA, M eta OSUNA, R.: "Introducción al análisis Microeconómico". McGraw-Hill. Madrid, 2013.

• KRUGMAN, P, Wells, R eta Graddy, K: "Fundamentos de economía", Ed. Reverté, Barcelona, 2013.

• SAMUELSON, P.A. eta NORDHAUS, W. (2006): "Economía" 18ª ed., McGraw-Hill, Madrid, 2006.

• SANTOLAYA, M.: "Ejercicios prácticos de economía". Tirant lo Blanch. Valencia. 2013.

• ZURBANO, Mikel: “Mikroekonomia “, Udako Euskal Unibertsitatea, 1993. www.ueu.eus/download/liburua/Mikroekonomia.pdf

Gehiago sakontzeko bibliografia

• MANKIW, M.G. eta TAYLOR, M.P..: "Economía", Ediciones Paraninfo, Madrid, 2017.
• PINDICK, R. S. eta RUBINFELD, D.: "Mikroekonomia". Deusto Ed. Zazpigarren argitalpena. Bilbo, 2010.

Aldizkariak

Boletín Estadístico. Banco de España
- Cuadernos de Información Económica.
- Ekonomiaz
- Diario El País. Negocios
- Diario Expansión
- Diario Cinco Días