IKASGAIAREN KONPETENTZIA ESPEZIFIKOAK



1. Espainiako ekonomiaren oraingo egoera eta bilakaera deskribatzeko ezinbestekoak diren funtsezko adierazle estatistikoak ulertu eta zehaztasunez interpretatzea.



2. Egiturazko eraldaketa nagusiak identifikatzea, Espainiako ekonomiaren etorkizuneko erronkak azaldu ahal izateko.



3. Espainiar ekonomian gertatzen diren esku-hartze publikoen antolakuntza eta moneta- eta zerga-politika makroekonomikoen funtzionamendu-mekanismoak eta helburuak analizatzea.



4. Estatu Espainiarraren zerga-sistemaren egitura analizatzea (lurraldeak, Itun eta Konbenioaren erregimenak, lotura puntuak, tributu-administrazioak eta erakunde legegileak), egoera bakoitzari aplikagarria zaion legedia modu egokian aukeratzeko.



5. Tributu Lege Orokorraren eta Tributu Foru Arau Orokorren tributu-hiztegia norbereganatzea eta zehaztasunez erabiltzea, euren testuinguruan erabiltzeko eta zergarik garrantzitsuenei aplikatu ahal izateko.



6. Tributu-sistema osatzen duten zergarik garrantzitsuenak analizatzea eta haien funtzioaren inguruan eta errenta birbanatzeko eta dirubilketarako haien gaitasunaren inguruan hausnartzea.



7. Tributuak sailkatzea eta eguneroko egoerak analizatzea, kasu bakoitzari dagokiona egokiro aukeratzeko eta, zergen egiturara hurbiltzeko asmoz, oinarrizko likidazioak egitea.



TITULAZIOAREN KONPETENTZIA ESPEZIFIKOAK



15. Fiskalitate eta kontabilitatearen arloetan era eraginkorrean kudeatzea eta aholkatzea.



Menperatze-maila eta irakaskuntzaren emaitzen inguruko informazioa:

https://www.ehu.eus/documents/6902252/14777368/15.-14_10_29+GUIA+CEG+n%C2%BA+15_1%C2%BA%2C2%C2%BA%2C3%C2%BA%2C+4%C2%BA.pdf/7182beb2-52b6-9372-96c7-b7b68c74768e



17. Lan merkatuaren inguruko datuak eta adierazle sozio-ekonomikoak interpretatzea eta lan arloan ikerkuntza proiektuak garatzeko teknika egokiak aplikatzea.



Menperatze-maila eta irakaskuntzaren emaitzen inguruko informazioa:

https://www.ehu.eus/documents/6902252/14777368/17.-14_10_29+GUIA+CEG+n%C2%BA+17_1%C2%BA%2C2%C2%BA%2C3%C2%BA%2C+4%C2%BA.pdf/bc32a6f2-8d4e-3804-f25f-ccd0f4abe1ff



GRADUKO ZEHARKAKO KONPETENTZIAK



Problemak eraginkortasunez ebaztea, balizko alternatibak identifikatu eta baloratzeko eskuratu diren gaitasunak eta trebeziak erabiliz (M2)



Menperatze-maila eta irakaskuntzaren emaitzen inguruko informazioa:

https://www.ehu.eus/documents/6902252/14777121/Anexo+IV+2014+CTG+Resol+problem.pdf/8c6c7ffc-fabc-787d-22ad-c075fc1b4923



IKASKUNTZAREN EMAITZAK



Ikasleak ondoko hauetarako gauza izango dira:



- paradigma ekonomiko nagusiaren arazoak identifikatzeko

- datuak eduki teorikoei begira analizatzeko eta ikuspuntu kritikoa emateko

- ekonomiaren ikuspegi ekologikoa, berdintasunezkoa eta feminista garatzeko

- Indarrean dagoen tributu-araudia analizatzeko, helburu hauekin: identifikatzea problemak ebazteko beharrezkoak diren urratsak; arauak zuzentasunez aplikatzea; eta, azkenik, zerga pertsonalak likidatzea.

I ZATIA: EKONOMIA-SISTEMAREN ANALISIA

ARLO TEORIKOAK

- BPG eta bere bilakaera (nominala, erreala, eros-ahalmenaren paritateak, kanbio-tasa korronteak, etab.)

- hazkunde ekonomikoa eta bere neurketa. Hazkundea eta ongizatea: bien identifikazioa

- hazkunde etengabearen ereduak sortutako arazoak

- iraunkortasuna, ekonomiaren ikuspegi alternatiboak eta aurrerapen soziala neurtzeko beste adierazle batzuk

- ezberdintasunak eta mugikortasun soziala: ezberdintasunen neurketa (adierazleak); ezberdintasunen existentziak sortutako arazoak; zer den mugikortasun soziala eta nola neurtzen den

- ekonomia feminista: patriarkatua eta lanaren banaketa sexuala; patriarkatua indartzen duten mekanismoak; ekonomia feminista baterako politikak

- administrazio publikoen kontuak: diru-sarrerak eta gastuak nazio kontabilitatean



ARLO PRAKTIKOAK

- datuak analizatzea, eduki teorikoei begira

- ondorioak lortzea, adierazleetan oinarrituta

- diskurtso kritikoa eta gizartearekin konprometitua garatzea



II ZATIA: TRIBUTU-SISTEMA

ARLO TEORIKOAK

- Tributaziorako sarrera orokorra: oinarrizko kontzeptuak, Tributu Foru Arau Orokorra eta Ekonomia Ituna

- Arlo praktikoan landuko diren tributuen arauak

ARLO PRAKTIKOAK

Tributu-sistemaren zerga pertsonalik garrantzitsuenak likidatzea:

- Oinordetza eta Dohaintzen gaineko Zerga

- Ondarearen gaineko Zerga

- Pertsona Fisikoen Errentaren gaineko Zerga

2021/2022 ikasturtean, osasun-egoera dela eta, ikasgaia oso osorik on-line emango dugu. Beraz, metodologia modalitate horretara egokitu beharko da.



IKASGAIAREN LEHENENGO ZATIAN (EKONOMIA SISTEMAREN ANALISIA)



- eskola magistralak erabiliko ditugu (eGelaren bidez), ikasgaiaren eduki-baliabideak aurkezteko (mobilizatuko diren gaiak, hau da, ikertzeko erabiliko direnak)

- eGelaren bidez, klase praktikoak eta tutorialak emango ditugu

- landu beharreko gaien inguruko datuak erabiltzen ikasiko dugu (stats.oecd.org, Eurostat eta Eustat bezalako base ofizialetatik lortuak edo ad hoc prestatuak), herrialdeen arteko konparazioak egiteko edota bilakaerak analizatzeko; gainera, grafiko eta taulak egiten ikasiko dugu.

- ikasleek idatzizko txostenak egiten ikasiko dute, informazioa laburbiltzeko, datuak azaltzeko eta ondorioetara heltzeko (beharrezkoa denean)



IKASGAIAREN BIGARREN ZATIAN (TRIBUTU SISTEMAREN ANALISIA)



- Ikasleei beharrezko tributu araudia bide elektronikoz entregatuko zaie

- Ikasleek edukiak analizatzeko eta beharrezko eduki zehatzak identifikatzeko gai izan beharko dira

- Aurretik analizatutako araudiari dagozkion kasu praktikoak ikasleei helaraziko zaizkie

- kasu praktikoak eGelaren bidez ebatziko ditugu, beharrezko azalpen guztiak emanez, eta ikasleen feed back-a jasotzen saiatuko gara.

Ikasgaia osorik on-line emango badugu ere, ebaluazioa presentziala izango da (osasun egoerak ahalbidetzen badu). Ikasleek ebaluazio jarraitua aukeratu ahal izango dute edo hari uko egin ahal izango diote. Ikasle batek ebaluazio jarraituan parte hartu nahi duela ulertuko da baldin eta metodo horretako probetara aurkezten bada; bestalde, probetara aurkezten ez bada, ebaluazio metodo horri uko egin diola ulertuko dugu.



EBALUAZIO JARRAITUA



Ekonomia Sistemaren analisiaren zatiak azken notaren %50eko pisua edukiko du (5 puntu). Ebaluazioa idatzizko azterketa baten bidez egingo da, ikasgaiaren zati hori bukatu bezain laster. Proba horrek honako hauek barneratu ahal izango ditu:

- galdera laburrak, kontzeptualak edota test galderak (guztiak izan litezke teorikoak edo teoriko-praktikoak). Gutxi gorabehera zati honen puntuen erdia izango da

- datuak analizatzeko kasu praktikoak, klaseetan landutakoak bezalakoak. Gutxi gorabehera zati honen puntuen beste erdia

Tributu Sistemaren zatia (notaren gainontzeko %50) idatzizko azterketa baten bidez ebaluatuko dugu, honako hauek barneratu ahal izango dituena:

- galdera laburrak, kontzeptualak edota test galderak (guztiak izan litezke teorikoak edo teoriko-praktikoak). Gutxi gorabehera zati honen puntuen erdia

- tributazioaren kasu praktikoen ebazpenak. Gutxi gorabehera zati honen puntuen beste erdia

Ebaluazioaren zati hau ikasgaiaren ohiko azterketaren datan egingo dugu. Azterketa horretan ikasleek tributu-araudiaren atal batzuk erabili ahal izango dituzte (koefizienteak, eskalak, taulak edo inprimakiak), bide elektronikoz aldez aurretik haien esku ipiniko ditugunak, nolakoak diren jakin dezaten.

Ikasgaiak, beraz, 5 puntuko bi zati edukiko ditu. Gainditzeko, zati biak aprobatu beharko dira; hau da, zati bakoitzean gutxienez 2.50 puntu. Hala ere, ikasgaia gainditu ahalko da baldin eta zati bien artean 5 puntu lortzen badira, baina baldintza batekin: notarik txikiena gutxienez 2 puntukoa izan beharko da.

Ebaluazio jarraituan parte hartzen duen edozein ikasle azterketan "aurkeztutzat" hartuko dugu, eta bere kalifikazioa izango da probetan lortutako puntu guztien batura. Ebaluazio jarraituan parte hartu ezean, ikasleak azterketa globalera joan ahal izango dira.



EBALUAZIO GLOBALA



Ebaluazio jarraituan parte hartu nahi ez duten edo ezin duten ikasleentzat 10 puntuko azterketa bat egingo da, materia osoa ebaluatzeko, ohiko deialdi ofizialaren egunean. Azterketa horrek ere bi zati (Ekonomia Sistema eta Tributu Sistema) edukiko ditu eta biak gainditu beharko dira (ebaluazio jarraituaren baldintza berberekin).



Pandemiak sortutako egoerak hala eskatuko balu, ebaluazioa era ez-presentzialera moldatuko genuke. Hori gertatzekotan, informazio guztia eGelan argitaratuko da.

Sailak prestatutako materialak, web-bidez entregatuko direnak
Web-bidez entregatuko diren erreferentzia bibliografikoak
Web-bidez entregatuko den tributu-araudia

Oinarrizko bibliografia

Lequiller, Francois., & Blades, Derek. (2009). Comprendiendo las cuentas nacionales. París: OECD publishing



Pazos, M. (2015). Desiguales por ley: Las políticas públicas contra la igualdad de género. Madrid:Los Libros de la Catarata



Piketty, T. (2015). El capital en el siglo XXI. Madrid: Fondo De Cultura Económica



Raworth, K. (2018). Economía rosquilla: 7 maneras de pensar como un economista del siglo XXI. Barcelona:Paidós

Gehiago sakontzeko bibliografia

Sakontzeko bibliografia esteka honetan dago:

https://sites.google.com/view/materialosagarriak/bibliografia?authuser=0

Aldizkariak

Papeles de Economía Española
Ekonomiaz