Zeharkako gaitasunak:

1.- Ingurune politikoaren fenomenoak ikusteko ezaguera lortu eta kontzeptu, teoria eta ikuspegi metodologikoen esanahi eta egokitasuna ulertu.

2.- Zeregin profesionalean jarrera kritikoa garatuz eta zorroztasun intelektual eta morala erabiliz, arazo politiko eta gizartearen beharrei buruzko informazioa era sintetikoan analizatzea.



Berariazko gaitasuna:

1.- Globalizazioaren kontzeptua ulertu eta dauden egitura ekonomikoak eta prozesu globalean horiek duten artikulazioa interpretatu, eragile ekonomiko zein nazioarteko erakunde ekonomiko ugariren rola konprenituz.



Emaitzak:

1.- Globalizazio prozesuaren ezaugarriak eta horren eragina deskribatu termino ekonomikotan.

2.- Munduko ekonomiari lotutako informazio kuantitatibo zein kualitatiboa aztertu.

3.- Fluxu ekonomiko nagusiak eta egitura produktiboen eraldaketak identifikatu eta aztertu.

4.- Munduko ekonomiari lotutako hainbat aspekturen inguruko analisi eta komentarioak erredaktatu eta aurkeztu.

5.- Globalizazio prozesuan teknologiaren eta komunikabideen rola aztertu.

1. Gaia. MUNDUKO EKONOMIAREN EGOERA OROKORRA.

Irakasgairako sarrera. Herrialdeen sailkapenerako irizpideak. Garapen sozioekonomikoko eta iraunkortasun adierazleak mundu mailan. Irakasgaiaren ikuspegi orokorra.



2. Gaia. MUNDUKO SISTEMA EKONOMIKOAREN BILAKAERA ETA ERAKETA.

Bilakaera orokorra. Ekonomia aurreratuak: gerraosteko hedaldia eta krisialdia. Ekonomia periferikoak: ezaugarriak, industrializazio ereduak eta kanpo zorraren krisialdia. Plangintza zentralizatutako ekonomiak eta krisia. Egungo egoera: metaketa erregimen berria.



3. Gaia. NAZIOARTEKO EKONOMI ERAKUNDEAK.

Bretton Woods-eko nazioarteko ordena ekonomikoaren eraketa. Nazioarteko Moneta Funtsa. Munduko Bankua. Munduko Merkataritza Erakundea.



4. Gaia. GLOBALIZAZIO EKONOMIKOA.

Globalizazio ekonomikoaren kontzeptua. Nazioarteko merkataritza fluxuen ezaugarriak eta bilakaera. Inbertsioak, Enpresa Transnazionalak eta balio kate globalak. Teknologia, komunikazioa eta ekonomia digitala.



5. Gaia. FINANTZA-GLOBALIZAZIOA, KRISIA ETA AUSTERITATEA.

Finantza-globalizazioa eta krisialdi errepikakorrak. Atzeraldi Handia herrialde aurreratuetan. Zor krisia eta austeritate politikak euro eremuan. Covid-19ak eragindako krisia.



6. Gaia. MUNDUKO EKONOMIAREN BESTE ERRONKAK.

Pobrezia, disparekotasuna eta krisi ekologikoa. 2030 Agenda: giza garapena eta garapen iraunkorra. Bestelako erronkak.

Erabiliko den metodologia bikoitza da. Alde batetik, eskola magistralak, zeinetan irakasleak irakasgaiaren programako edukiak azaltzen dituen, eta bestetik, eginkizun praktikoak (adierazleak aztertu, eztabaidak, aurkezpenak, etab.) jorratuko dira.



Irakasgaiko edukiak irakasleak klase magistraletan emandako azalpenen bitartez garatu egingo dira. Ikasgelan azaldutako eta eztabaidatutako den-dena izango da aztergai azken azterketan, eskola-orduetan partaidetza zein debatea bultzatuko direlarik, bai klase magistralen ondotik zein ikasleek klasean aurkeztutako lanen harira.



Klasean emandako azalpenen materialak ikasleek eskuragarri izango dituzte e-gela plataforman (https://egela.ehu.es/). Baita praktiketarako edo klaseko aurkezpenetarako beharrezkoak izango diren beste edozein material ere bertan eskegiko dira. Irakasleak behar den momentuan emango du horren berri.

Ebaluazio sistema mistoa da, aurrerago zehaztu egiten diren kasuetan izan ezik. Ikasleen parte-hartzea, banaka egindako iruzkin edo komentario laburrak, taldeko lanak eta klasean egindako aurkezpenak baloratuko dira, banakako azterketa idatzi batekin batera. Hain zuzen ere, irakasgaiaren azken kalifikazioa honako era honetan lortuko da:

1. Ebaluazio jarraitua: % 60, honako era honetan banatuta: praktikak egitea, % 30; taldeko lan akademikoa eta horren aurkezpena klasean, % 30.

2. Banakako azken froga: azterketa idatzia, % 40.



Ebaluazio mistoaren kasuan, azterketa idatzira aurkeztu ahal izateko derrigorrezkoa da lan akademikoa eta horren aurkezpena klasean gainditzea. Azken nota bai ebaluazio jarraituaren bai azken frogaren batuketa izango da, azterketan gutxienez 4 puntu 10etik lortuz gero; azterketan minimo hori lortu ezean, irakasgaiko kalifikazioa azterketan lortutakoa izango da. Azken froga hori egiteko boligrafo bat soilik izango da beharrezkoa.



Justifikatutako arrazoiak direla-eta ebaluazio jarraituan parte hartu ezin duten ikasleen kasuan (ikastegiak hala onartzen badu), eta irakasleari zuzendutako idazki baten bidez 9. astea baino lehen ebaluazio jarraituari uko egiten dioten ikasleen kasuan, azken froga bat egingo dtue notaren % 100agatik; azken froga hori oinarrizko bibliografian eta ikasgelan jorratutako edukietan oinarrituko da.



Ebaluazio jarraituan parte hartu dutenek eta deialdiari uko egin nahi diotenek ere idatziz adierazi beharko diote irakasleari uko egitea gehienez irakaskuntza garaia bukatu baino hilabete lehenago.



Ebaluazio-sistema hau modu presentzialean nahiz ez-presentzialean aplikatuko da, egoerak hala eskatzen badu. Irakaskuntza ez-presentzialaren kasuan, ebaluazio-frogak e-Gela (atazak, test galdetegiak, etab.) eta/edo Blackboard Collaborate (ahozko aurkezpena, etab.) bidez egingo dira.

Oinarrizko bibliografia

Álvarez, I.; Luengo, F.; Uxó, J. (2013): Fracturas y crisis en Europa. Eudeba, Buenos Aires eta Clave Intelectual, Madril.



García de la Cruz, J.M.; Durán, G.; Sánchez, A. (koord.) (2011): La economía mundial en transformación. Paraninfo, Madril.



Gómez Serrán, P.J (ed.) (2011): Economía política de la crisis. UCM Editorial Complutense, Madril.



Palazuelos, E. (zuz.) (2015): Economía Política Mundial. Akal, Madril.



Zurbano, M. (koord.) (2010): Ekonomia globala. Gizarte globalerako oinarri berriak. Udako Euskal Unibertsitatea, Bilbo.

Gehiago sakontzeko bibliografia

Castells, M. (2009): Comunicación y poder. Alianza, Madril.

Etxano, I. (2015): Ekonomia eta iraunkortasuna: oinarriak eta aplikazioak. Udako Euskal Unibertsitatea, Bilbo.

Gómez, P.J. (koord.): La economía mundial. Enfoques críticos. Fuhem Ecosocial, Los Libros de la Catarata, Madril.

Martínez González-Tablas, A. (2007): Economía política mundial, 1 eta 2 aleak. Ariel, Bartzelona.

Piketty, T. (2014): El capital en el siglo XXI. Espainiako Fondo de Cultura Económica, Madril.

Rodrik, D. (2012): La paradoja de la globalización. Democracia y el futuro de la economía mundial. Antoni Bosch, Bartzelona.

Stiglitz, J. E. (2010): Caída libre: El libre mercado y el hundimiento de la economía mundial. Taurus, Madril.

Aldizkariak

Cuadernos de Trabajo de Hegoa. Hegoa, UPV/EHU.
Hegoak Zabalduz. Hegoa, UPV/EHU.
Lan Harremanak: Revista de Relaciones Laborales. UPV/EHU-ko Argitalpen Zerbitzua.
Revista de Economía Crítica. Sociedad cultural de Economía Crítica.
Revista de Economía Mundial. Servicio de Publicaciones de la Universidad de Huelva.