IRAKASGAIAREN GAITASUN ESPEZIFIKOAK

Titulazioaren Memorian esaten den moduan, Merkataritza Zuzendaritzarako Sarrera irakasgaiaren gaitasun espezifikoak ondokoak dira:

- Marketing hastapenak eta enpresazko estrategiarekin erlazioa ulertu.

- Marketing ingurunea eta kontsumitzailearen jokabidea baldintzatzen duten faktoreak identifikatu, ulertu eta ikertu.

- Segmentazio eta posizionamenduaren oinarrizko tresna eta metodoak erabiltzeko gai izan.



ZEHARKAKO GAITASUNAK

Aurreko atalean zerrendatutako gaitasun espezifikoen garapena, marketin esparruan aritzen den profesional batek, erabakiak hartu eta enpresakoak diren egoerak arrakasta handiarekin ebatzi ahal izateko ezinbestekoa da. Halaber, erabakiak hartu eta arazoak ebazteko gaitasun hau, irakasgai honen testuinguruan trebatzen saiatzen da. Hortaz, Merkataritza Zuzendaritzarako Sarrera irakasgaian lantzen den zeharkako gaitasuna honako hau izanen da:

C1: Erabakiak hartzea eta arazoen ebazpena.

Gaitasun honen bidez, ikaslea, existitzen diren aukeren norainoko eta ondorioen analisian oinarrituz, aukera posible ezberdinen artean jarduteko bide bat hautatu eta egoera bat ebazteko gai izan behar da.

Gaitasun honetan exijituko den menderatze maila, 1 edo oinarrizkoa litzateke, hau da, arazoari ebazpideak proposatzen dizkio ezarritako prozesuaren baitan.



IKASKUNTZAKO EMAITZAK

Graduaren Titulazioaren Memorian Merkataritza Zuzendaritzarako Sarrera irakasgairako aurreikusten diren ikaskuntzako emaitzak ondokoak dira:

R1. Marketinaren oinarrizko kontzeptu eta modeloak identifikatu eta ulertu.

R2. Bezeroen jokabidearen prozesu eta emaitzan eragiten duten faktoreen ulermena.

R3. Segmentazio eta posizionamenduan erabilitako oinarrizko tekniken hautaketa eta erabilera.

I ATALA: MARKETINAREN HASTAPENAK

1. GAIA. Sarrera eta oinarrizko kontzeptuak

2. GAIA Marketinaren kudeaketa enpresan



II ATALA: MARKETINAREN PLANGINTZA ESTRATEGIKOA

3. GAIA. Marketin jardueren plangintza enpresan



III ATALA: KONTSUMITZAILE JOKABIDEAREN IKASKETA

4. GAIA. Bukaerako kontsumitzailearen erosketa jokabidea

5. GAIA. Industri kontsumitzailearen erosketa jokabidea



IV ATALA: MERKATU XEDEEN HAUTAKETA ETA POSIZIONAMENDUA

6. GAIA. Merkatuaren segmentazioa

7. GAIA. Produktu eta marken posizionamendua eta irudia merkatuan

Irakasgai honetan erabiliko den metodologia, ikasleak garatu beharko dituen gaitasun espezifiko eta zeharkakoekin lotuta dago. Hala, kontzeptu teorikoak azaldu ahal izateko partaidetzako klase magistrala erabiliko da. Zehazki, kontzeptu teorikoak azaltzeko, beraien ulermenean laguntzen duten eta ikaslea motibatzen duten adibide errealak aurkeztu eta euren enpresazko aplikazio erreala aditzera emango da. Halaber, azaldutako arazoen inguruan, ikasleei, hausnarketa batera daramatzaten galderak planteatuko zaizkie.



Atal praktikoari dagokionez, ikaskuntza aktiboa eta lankidetzakoa bideratzen duten zenbait jarduera erabiliko dira, hala nola, materiarekin erlazionatutako zenbait artikuluen irakurketa eta eztabaida, kasu errealen inguruko solasaldiak eta gutxienez, kudeaketan aritutako profesionalen aldetik hitzaldi bat izan ere. Honez gain, ikasleek, erabakiak hartzen eta arazoen ebazpenean trebakuntza lor dezaten, Kasuaren Metodoa erabiliko da.

Kasuaren Metodoa, irakaskuntza-ikaskuntza alorreko metodologia aktiboa da eta honen bidez, ikasleak, enpresazko egoera erreal bati buruzko informazioa jasoko luke, lehenik eta behin indibidualki eta geroxeago taldeka, kasuaren inguruko egoera edo egoera desberdinak analizatuz eta, ondoren, existitu daitezkeen aukera anitzen artean erabakiak hartuz. Erabakiak hartu ahal izateko, kasuan agertzen den protagonista baten rolean sartu behar dira eta honako arazoa ebatzi: "Zer egingo nuke nik protagonista banintz?" Planteatutako arazoari soluzio bat proposatu ondoren, irakasleak, ikasleek jarraitutako prozedura eta egindako hausnarketak ebaluatuko ditu. 2019/2020 ikasturtean Gastheiz patatazko garagardoa: Vitoria-Gasteiz hiriari omenaldia, kasua landuko da, ikasleek Ainhoa Ocio eta Jone Conderen (Gastheiz Bihotzean enpresaren sortzaileak) rola hartuko dute eta Kasuak planteaturiko arazoari ebazpen bat planteatuko diote (ebazpena eta egindako proposamena justifikatzen duten arrazoiak lan kaier batean zehaztuko dira). Metodologia honetan erabilitako jarduerak ikasgelako orduetan zein ikasgelaz kanpoko orduetan garatuak izango dira.

OHIKO DEIALDIA



Lauhilekoa amaitzean, ikasleek, irakasgaiaren gaitasun espezifikoak eta planteatutako ikaskuntza emaitzen trebakuntza maila ebaluatzea ahalbidetzen duen froga-azterketa bat egingo dute. Froga honek, ikasleek, irakasgaiaren kontzeptuak ze mailatan ezagutu, ulertu eta menderatzen dituzten erakutsi ahal izango du. Frogak, irakasgaiaren ebaluazio osoaren

%70a adieraziko du eta test teoriko-praktikoaz (10tik 6 puntu balio duena) eta enpresa batek aurre egin behar duen egoera erreal batetik abiatuz, garatzekoak diren zenbait galdera irekiaz (10tik puntu 1 balio duena) osatuta egongo da.



Bestalde, aurreko ataletan islatu den bezala, ikasleak, lauhilekoan zehar eta etengabeko ebaluazio baten testuinguruan, kontzeptu eta prozeduren, ulermena, jakituria eta aplikazioa finkatzeko asmoz diseinaturiko zenbait jarduera praktiko aurrera eramango ditu. Jarduera guztien inguruko feedback-a eskainiko bada ere, Kasuaren Metodoaren testuinguruan biltzen direnak soilik ebaluatuak eta kalifikatuak izango dira. Ikasturtean zehar, irakasleak, ikasleei, feedback-a emango die, hortaz, ikasleek uneoro jakingo dute ze arlotan hobekuntzak barneratu behar dituzten exijituriko menperatze maila lortu ahal izateko. Jarduera guzti hauek bai gaitasun espezifikoak zein zeharkakoak ebaluatu ahal izateko diseinatuta daude. Indibidualki zein taldeka eginiko jarduerak irakasgaiko ebaluazioaren %30a balioko dute (10tik 3 puntu). Kasuaren Metodoaren testuinguruan eginiko jarduera ezberdinetan lortutako puntuaketa, irakasgaiaren azken notari gaineratuko zaio, soilik baldin eta azterketa-frogan 10tik 4,5ko puntuaketa lortuko balitz.



Ebaluazio jarraiari uko egin nahi dion ikasleak, lehen lauhileko hasierako bederatzi asteak amaitu baino lehen (Zentroko web orrialdean "Azterketak" estekan eskura dagoen dokumentuaren bitartez) irakasleari idatziz komunikatu beharko dio.



Ebaluazio jarraiari uko egiten dion ikasleak, irakasgaiaren %100agatik ebaluatua izatea ahalbidetzen dion azterketa-froga baten bidez ebaluatzeko eskubidea izango du. Azterketa-froga bi atalez osatuta legoke, aurreko paragrafoan aipatutakoa (irakasgaiaren ebaluazio osoaren %70a adierazten duena) eta goian aipatutako zeharkako gaitasuna menderatu izana erakusten duen idatzizko lan baten prestakuntza (irakasgaiaren ebaluazio osoaren %30a adierazten duena). Idatzizko lan hau, beranduz jota, azterketa egunean entregatu beharko da eta haren prestaketarako jarraibideak jasotzeko gomendagarria da irakaslearekin azterketa eguna baino hile bat lehenago harremanetan jartzea. Halaber, kasu hauetan, lanean lortutako puntuaketa azken puntuaketari gaineratzea, azterketa-frogan 10tik 4,5ko gutxieneko kalifikazioa lortu izanari baldintzatuta dago.

Ohiko deialdiari uko egiteko, azterketa egutegi ofizialean finkatutako azterketa-frogan ez aurkeztearekin nahikoa izango da. Deialdiari uko egitean, aktan Ez Gaindituta bezala islatuko da.

Ikasleek irakasgai honen edukiaren azalpenak jarraitu ahal izateko, eGelan lagatako irakasleek prestaturiko eskuliburu batez eta material osagarriez baliatu daitezke.
Erabiliko den Irakaskuntza Kasu nagusiari dagokionez (Gastheiz, patatazko garagardoa), ikasleari lauhilekoaren hasieran emango zaio.

Oinarrizko bibliografia

- ARMSTRONG, G., KOTLER, P., MERINO, M.J., PINTADO, T. y JUAN, J.M. (2011): Introducción al marketing, 3ª

edición, Pearson, Madrid.

- CASADO, A.B. eta SELLERS, R. (2010): Introducción al marketing. Teoría y práctica, ECU, Alicante.

- ESTEBAN, A., GARCÍA DE MADARIAGA, J., NARROS, M. J., OLARTE, C.,

REINARES, E. y SACO, M. (2008): Principios de marketing, 3ª edición, ESIC, Madrid.

- KOTLER, P., ETA ARMSTRONG, G. (2011): Marketinaren Oinarriak (12ª edición). Bilbao: DeustoDigital

- KOTLER, P., ARMSTRONG, G., SAUNDERS, J., WONG, V., MIQUEL, S., BIGNÉ, J. E. eta CÁMARA, D. (2011):

Introducción al marketing, 3ª edición europea, Prentice Hall, Madrid.

- SANTESMASES, M. (2012): Marketing: conceptos y estrategias, 6ª edición, Pirámide, Madrid.

Gehiago sakontzeko bibliografia

eGelan deskargatu daitekeen Ikaslearen Gidan zehazten da.

Aldizkariak

- Distribución y consumo
- El publicista
- Harvard-Deusto Marketing & Ventas
- IPMARK
- MK Marketing + Ventas
- Spanish Journal of Marketing (ESIC)