Irakasgaiaren gaitasun espezifikoak:

- Merkaturapen eta marketing arazo bat ikertu eta egituratu.

- Produktuaren ezaugarri eta dimentsioak definitu eta bere bizitza zikloaren etapa desberdinetan zehar marketing estrategiak garatu.

- Enpresa edo antolakunde baten produktu/zerbitzu karteraren osaketa ikertu eta produktuen kaleratze, eraldaketa eta eliminaziorako ildoak ezagutu.

- Prezioen inguruan erabakiak hartzeko trebetasunak bereganatu.

- Komunikazio prozesuaren funtzionamendua, komunikabide mix-a eta enpresa baten komunikabidean ohikoak diren estrategiak ulertu.

- Banakuntza kanalen funtzionamendua ulertu eta banakuntza estrategiak definitu.

- Kontsumitzaile, enpresa eta gizartearenganako eraginagatik, marketing-ari eginiko funtsezko kritikak ezagutu.

- Sozialki arduratsuak diren praktikak erabiltzeagatik, enpresak onuratu daitezkeen moduak ikertu. Irakasgaiaren zeharkako gaitasunak:

1. Informazioaren bilaketa eta gestioa (2. menperatze maila exijituko da, hau da, ikasleak gaitasun honetan nolabaiteko autonomia lortzea):

- Informazio eta datuen bilaketa: Gai printzipala definitu eta bere atalak identifikatzen ditu. Halaber, irakasleak gidatuta, funtsezko iturrietatik informazio bilaketak egiten ditu.

- Lorturiko informazioa hautatu eta ebaluatzen du: Modu zabalean, ikertu beharreko gaiarekin erlazionatutako informazioa identifikatu eta irakasleak gidatuta, bere baliagarritasuna eta fidagarritasuna ebaluatzen du.

- Lorturiko informazioa sistematizatu eta antolatzen du: Irakasleak gidatuta, lorturiko informazioa, garrantzi mailaren arabera, modu sistematiko batean antolatzen du.



2. Idatzizko komunikaziorako gaitasuna (2. menderatze maila: Idazlan akademiko laburrak zuzentasunez idatzi egiten ditu).

Indikatzaileak:

- Konklusioetara iristeko, zenbait elementu erlazionatzen ditu (datuak, iritziak, etab.). Osoa da baina lantze pertsonal gehiegirik egon barik.

- Testuan zehar aurkeztutako zenbait zita zuzentasunez erabiltzen ditu. Bibliografia zuzentasunez zitatzen du.

- Gaiaren arlo desberdinak, orden logiko batean aurkezten ditu, testua, epigrafe eta paragrafoetan ordenatuz.

- Idazlana zuzena da. Maiztasunez materiaren berezko lengoaia erabiltzen du. Sinonimoen bitartez, esanahi bikoitza izan dezaketen terminoak argitzen ditu.

- Taulak eta grafikoak modu egoki batean erreferentziatuak eta zuzenki kokatuak erabiltzen ditu.

I ATALA: PRODUKTU POLITIKA

1. GAIA: PRODUKTU POLITIKARI SARRERA

2. GAIA: PRODUKTUAREN BIZITZA ZIKLOA

3. GAIA: PRODUKTUEN KARTERA

II ATALA: PREZIO POLITIKA

4. GAIA: ENPRESAREN PREZIO POLITIKA

III ATALA: BANAKETA POLITIKA

5. GAIA: ENPRESAREN BANAKETA ESTRATEGIA

6. GAIA: BANAKETA SISTEMA KOMERTZIALA

IV ATALA: KOMUNIKAZIO POLITIKA

7. GAIA: KOMUNIKAZIO KOMERTZIALA

V ATALA: MARKETINAREN GARAPEN BERRIAK

8. GAIA: ETIKA, ARDURA SOZIALA ETA IRAUNKORTASUNA

Irakasgai honetan erabiliko den metodologia, planteaturiko helburu eta gaitasunekin bat egingo du. Horretarako, jarraian aipatzen den irakaskuntza metodologia ezartzen da:

- Klase magistrala: proposaturiko konpetentziak lortu ahal izateko ikasleak ezagutu behar dituen kontzeptu eta teknikak azalduko dira.

- Gelako eta ordenagailuetako praktikak eta mintegiak: Irakasgai honetako gaitasun espezifiko eta zeharkakoak garatzera zuzendutakoak, hala nola, informazioaren bilaketa eta kudeaketa, eta idatzizko komunikaziorako gaitasuna.



Ikasturtean zehar landuko diren jarduerak, ebaluazio jarraiaren testuinguruan ebaluatuak izango dira.

Ebaluazio jarraian proposaturiko jarduerak, gehienez hiru pertsonez osaturiko taldetan aurrera eramango dira, talde horietako kideen lana era aktiboan behatuz. Irakasgaiko gai ezberdinak garatu ahala, ebaluatuak izango diren jarduerak, bai klase magistral, mintegi, zein gela edo ordenagailuetako praktiketan prestatuko dira eta haien aurkezpena edo irakasleari ematea exijitu ahal izango da.

EBALUAZIO SISTEMA:

Irakasgai honen ebaluazioa ondoko moduan banatuko da: notaren %80a kurtso amaierako froga teoriko-praktiko baten bitartez lortu ahal izango da eta notaren gainontzeko %20a, ebaluazio jarrai baten testuinguruan (bai ikasgelako eskola-orduetan bai ikasgelaz kanpoko orduetan) kurtsoan zehar proposaturiko jardueren eta lanaren bidez lortu ahalko da. Amaierako froga, test teoriko praktiko batez (gehienez notaren %50 edo 5 puntu balio duena) eta idatziz garatzekoa den beste froga batez (gehienez notaren %30a edo 3 puntu balio duena) osatua egongo da.



Irakasgaia gainditu ahal izateko, 5 puntutako gutxieneko puntuaketa lortu eta froga bakoitzean gutxieneko maila batzuk gainditzea beharrezkoa izango da, hala nola, 2,5 puntu test motako froga teoriko-praktikoan, 1,5 puntu idatziz garatzekoa den frogan eta puntu 1 lana eta jarduera osagarrietan.



Ebaluazio jarrairako proposaturiko jarduerak taldeka prestutako dira, irakasgaiaren ebaluazio osoaren %20a suposatuko dute eta ikasleek, aukeraturiko marka erreal bati buruzko zuzendaritza komertzialeko politika desberdinak (produktu, prezio, banakuntza eta komunikazioa) prestatu beharko dituzte. Ikasleek, hiru pertsonetako taldeetan, lan-proposamen bat aurkeztu beharko dute aurre-ezarritako epeetan, web orrialde, aldizkari edo esku-liburuetara joz edo zuzenean enpresa horren langile edo zuzendariak elkarrizketatuz enpresari buruzko informazioa bildu, ondoren, lana prestatu eta azkenik, klasean aurkeztu behar izango da.

Jarduera hauek, konpetentzia espezifikoak lantzera bideratuak izateaz gain, goian aipaturiko zeharkako bi gaitasunak landu eta ebaluatzeko erabili egingo dira. Lan guztiak orijinalak izan beharko dira eta plagioa bereziki zigortua izango da. Zenbait kasutan plagioak, irakasleari ikaslearen nota gutxitzera eraman diezaioke. Lanean erabilitako informazio iturriak testuan zehar erreferentziatuak izan beharko dira. Edozein lan erreferentziatu gabe eta komatxorik gabeko bi lerro baino gehiago barneratzen baldin badu, atzera botako da.

Ortografia akatsak lortutako puntuaketa gutxiko ahalko dute. Ebaluazio jarraiaren bitartez lortutako puntuazioek, ikasturteko bi deialdietarako balio izango dute.

Ebaluazio jarraiari uko egin nahi dion ikasleak, irakasgaiaren arduraduna den irakasleari, uko egin nahi izatea adierazten duen idatzizko dokumentu baten bitartez, irakasgaiaren dozentzia aldia amaitu baino hilabete bat lehenago arte entregatu ahal zaio. Eskakizun hau formalki egiteko, ikasleak Fakultateko web orrialdean dokumentu ofiziala eskura dauka.



Ebaluazio jarraiari uko egiten dionak, azken froga baten bitartez irakasgaiaren %100gatik ebaluatua izan ahalko da. %100 balio duen azken froga hau, hiru atalez osatuta legoke. Alde batetik, %80a balio duen lehen aipatutako froga- azterketa ((test teoriko-praktikoa (%50) eta idatziz garatu beharreko beste froga (%30)) eta bestaldetik, %20 balio duen eta ebaluazio jarraian egin beharreko lanaren ezaugarri berdinak izan behar dituen idatzizko lan baten prestakuntza eta defentsa.



Ohiko deialdiri uko egiteko Ebaluazioari buruzko Arautegiak dion bezala:

12.2.- Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazoaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

Erreprografian utzitako irakasgaiari buruzko materiala

Oinarrizko bibliografia

Armstrong, G., P. Kotler, M. J. Merino, T. Pintado, eta J. M. Juan (2011), Introducción al marketing (tercera edición). Madrid: Pearson Educación (Capítulos 7,8,9,10,11,12,13,16)

Kotler, P. eta G. Armstrong (2011), Principios de marketing (12ª edición). Madrid: Pearson Educación (Capítulos 8,9,10,11,12,13,14,15,16,17,20)

Gehiago sakontzeko bibliografia

Maciá, F. eta Gosende, J. (2010), Marketing Online. Estrategias para ganar clientes en Internet. Madrid: Anaya.
Munuera, J. L. eta A. I. Rodríguez Escudero (2007), Estrategias de marketing. Un enfoque basado en el proceso de dirección. Madrid.: ESIC.
Santesmases, M. (2012), Marketing: Conceptos y Estrategias (6ª edición). Madrid: Pirámide.

Aldizkariak

A determinar por el Profesor encargado de esta docencia.