ESKUMENAK/ HELBURUAK



Ikasgai honen helburu nagusia enpresaren kudeaketa ikuspegi orokor batetik aztertzea da. Horretarako azpihelburu batzuk planteatzen dira:

- Enpresa kontzeptua ulertzeko oinarrizko elementuak eta ingurunearekiko harremanak ezagutu.

- Enpresa kontzeptua azpisistemen ikuspegitik aztertu eta berau osatzen duten azpisistema ezberdinak bereizi eta banan- banan aztertu (zuzendaritza, giza baliabideak, komertzializazioa, finantzak eta produkzioa).

- Azpisistema ezberdinen arteko harremanak ezarri.



IKASGAIARI DAGOZKION GAITASUN ESPEZIFIKOAK



Enpresaren Ekonomiarako Sarrera irakasgaiak honako gaitasun espezifiko hauek garatu nahi ditu ikaslearengan:



1.- Enpresa sistema ireki bat bezala ulertu. Enpresa bateko azpisistema guztiak euren artean loturik daude, baita enpresa haren inguruarekin ere. Enpresa batek aurrera eramandako edozein ekintza, enpresak dituen azpisistema anitzetan eragina izan dezake. Halaber, ingurunean gertatzen dena, enpresaren jarduera eragin dezake.

2.- Enpresazko azpisistema ezberdinen funtzioak eta ardurak identifikatu. Enpresa batek zer egiten duen, nola garatzen duen bere aktibitatea, nola betetzen dituen bere helburuak…; Irakasgaiak enpresa kudeaketa eredu bat errazten du, eta ikasleek, berau erabilita, enpresa erreal baten egoera aztertu eta hura kudeatzeko gaitasuna garatu beharko dute.

3.- Enpresa baten barnean erabakiak hartzeko gaitasuna. Ikasleek, enpresaren funtzionamendua eta kudeaketa tresna batzuk ezagutu eta gero, erabaki aproposak hartzeko gaitasuna landuko dute. Irakasgaiaren helburu nagusia, enpresa ekonomiaren hastapenez lagunduta, enpresaren zuzendaritzari erabaki egokiak hartzen laguntzea da. Gaitasun hau enpresaren azpisistema guztietan garatuko da: zuzendaritza, giza baliabideak, marketina edo azpisistema komertziala, finantzak eta ekoizpena.



TITULAZIOAREN ZEHARKAKO GAITASUNAK



Irakasgain honetan "G7. - Analisia eta sintesirako gaitasuna" eta "G8. - Erabakiak hartu eta problemak ebaztea" landuko dira, ebaluazio jarraituan planteatuko diren jardueren bidez ebaluatuak izango direnak (ikus ezazu ebaluaketa sistema).



IKASKUNTZA EMAITZAK



- Enpresaren azpisistema desberdinen funtzioak eta ardurak identifikatu..

- Erakundeko antolakuntza diseinuak eta euren ondorioak ulertu.

- Pertsonen kudeaketarekin harremana daukaten erabakien ikasketa teoriko eta praktikoa.

1. Ikasgaia: ENPRESA EKONOMIA HASTAPENAK

1.1. Enpresa: ekonomia- eta gizarte –errealitatea

1.2. Enpresa motak

1.3. Enpresaren funtzioak

1.4. Enpresaren elementuak



2. Ikasgaia: ENPRESAREN HELBURUAK



2.1. Ikuspegi orokorra

2.2. Enpresaren xedea

2.3. Enpresaren helburu orokorrak

2.4. Enpresako helburuen planteamenduaren faktore baldintzatzaileak

2.5. Helburuen elementuak

2.6. Helburu sistema baten sailkapena eta ezarpena

2.7. Enpresan dauden interes taldeak eta erantzunkizun sozial korporatiboa



3. Ikasgaia: ZUZENDARITZA PROZESUA



3.1. Zuzendaritza funtzioa

3.2. Ezaguera eta informazio teknologiak enpresaren zuzendaritzan



4. Ikasgaia: GIZA-BALIABIDEEN ZUZENDARITZA



4.1. Giza-baliabideak enpresan

4.2. Giza-baliabideen Zuzendaritzaren zeregin nagusiak



5. Ikasgaia: FINANTZA ZUZENDARITZA



5.1. Sarrera

5.2. Finantza-sistema

5.3. Finantza-funtzioa

5.4. Inbertsio-erabakiak

5.5. Finantza-erabakiak



6. Ikasgaia: MERKATARITZA ZUZENDARITZA



6.1. Merkataritza Zuzendaritza eta Marketina

6.2. Merkatuaren ezagupena eta merkataritza-ikerkuntza

6.3. Kontsumitzailearen jokabidea eta merkatuaren segmentazioa

6.4. Posizionatze estrategiaren ezarpena

6.5. Marketin-mixa



7. Ikasgaia: ERAGIKETEN ZUZENDARITZA



7.1.- Eragiketen edo ekoizpen funtzioa. Kontzeptua eta helburuak

7.2. Ekoizpen sisteman izaera estrategikodun erabakiak

7.3.- Ekoizpen sisteman izaera taktikodun erabakiak

Irakasgaian garatu beharreko metodologiak proposatutako helburuei eta gaitasunei lotuta egon behar du. Horretarako, honako irakaskuntza metodologia hau ezartzen da:

• Gela magistrala: proposaturiko helburuak lor ditzan ikasleak ezagutu behar dituen oinarrizko kontzeptuak eta teknikak eta tresnak aurkeztuko dira.

• Kasuaren metodologia: metodologia horri esker, ikasleek enpresa batean erabakiak hartzeko prozesuari buruz ikas dezakete. Ikasleek enpresako pertsona baten rola hartzen dute eta planteatzen zaien benetako arazo bati irtenbidea ematen saiatzen dira.

• Ariketen ebazpena. Ikasleak ariketa praktiko batzuk izango ditu bere eskura: batzuk irakasleak klasean ebatziko ditu; beste batzuk garatu eta eztabaidatu egingo dituzte ikasleek taldeka klase orduetan, eta azkenean ikasleek eurek aurkeztuko dute ebazpena; azkenik, ariketa eta kasu zehatz batzuk ikasleek bakarka eskola orduetatik kanpo landuko dituzte.

• Egoera gatazkatsuen analisia eta eztabaida. Ikasturtean zehar hainbat enpresa-arazo eztabaidatuko eta landuko dira. Ikuspegia praktikoa izango da, horrela ikasturtean zehar garatutako kontzeptuak aplikatzeko gaitasuna erakutsiko da. Zeregin hori irakasleak tutorizatuko du eta enpresako simulatzaile baten erabilerarekin lagunduko da.



IRAKASKUNTZA BIMODALA IZANGO DA. OSASUN-ARRAZOIAK DIRELA-ETA IKASGELAN EZIN BADA PRESENTZIALTASUNIK IZAN, ONLINE IRAKASKUNTZARA PASATUKO DA.

A. EBALUAZIO JARRAIA (MISTOA)

IRIZPIDE NAGUSIAK

• Azken froga (azterketa mistoa): 6 puntu

• Kasu praktikoen ebazpena: 4 puntu



I. Azken froga edo azterketa (6 puntura arte)

Azken azterketaren bitartez ikasleek lortutako ezagutza teoriko zein praktikoak baloratuko dira. Azterketa mixtoa izango da, zati bat testa izango da (4 punturartekoa), eta bestea garapenekoa edo/eta ariketa praktikoa (2 punturartekoa). Testa kanporatzailea izango da, eta irakasgaia gainditzeko ezinbestean beronen balioaren %45a lortzea eskatzen da (1,8 puntu 4tik).

II. Taldeko jarduerak (kasuaren ebazpena eta simulazioa) (4 puntura arte)

Gelako praktiken bidez (jarduera presentzialeko eta ez-presentzialeko orduetan), ikasleek, taldeka, eskola magistraletan landutako materialekin loturiko arazoak landuko ditu. Analisia eta sintesirako gaitasunak eta Erabakiak hartu eta problemak ebazteko zeharkako gaitasunak landuko dira. Ikasturtean zehar eGela plataformaren bitartez azalduko dira ebaluaketa jarraian burutu beharreko praktiken azalpena.



Argibideak eta baldintzak:

• Azken azterketa gainditu ahal izateko, test motako atalean gutxienez %45eko kalifikazioa lortu beharko da (1,8 puntu 4 puntutik) eta garatzeko atalean gutxienez %45eko kalifikazioa lortu beharko da (0,9 puntu 2 puntutik)

• Azken frogaren kalifikaziori II ataleko kalifikazioa gehitu ahal izateko, azken frogaren balioaren %45a lortu beharko da (2,7 puntu 6 puntutik).



Edozein kasutan, irakasgaia gainditzeko 5 puntuko gutxieneko kalifikazioa lortu beharko da. Azterketa ez egiteak, EZ AURKEZTU kalifikazioa edukitzea suposatuko du.

Burututako lan edo praktikaren batean zatiren bat edo osotasunean kopiatua izan dela ikusiz gero, automatikoki deialdi horretan EZ GAINDITU kalifikazioa suposatuko du.

Ohiko azterketa data ofizialean UPV/EHUn aurrez aurreko jarduera akademikoa etenda egongo balitz, lehen aipatutako proba-azterketa modu birtualean egingo da. Kasu horretan, azterketaren data ofiziala baino hamabost egun lehenago, proba horren xehetasunak jakinaraziko dira eGela plataformaren bidez.



B. EBALUAZIO FINALA

UPV/EHUko Gobernu Kontseiluak 2016ko abenduaren 15ean onartu zuen Graduko Titulazio Ofizialetako Ikasleen Ebaluaziorako Arautegiaren arabera (2017ko martxoaren 13ko EHAA, 50. zk), ikasleek uko egin ahal izango diote etengabeko ebaluazioari (edo mistoari) eta ebaluazio finala aukeratu, ebaluazio jarraian parte hartu zein ez hartu (8.3 artikulua).

Uko egite hau idatziz adierazi beharko zaio irakasleari eta horretarako lauhilekoaren lehenengo astetik bederatzigarren astera doan aldia baliatuko da, betiere zentruaren egutegia jarraituz.



ERABILITAKO IRIZPIDE OROKORRAK

• Amaierako proba (azterketa mistoa): 6 puntu

• Kasu praktikoen ebazpena: 4 puntu

I. Azken froga edo azterketa (6 punturartekoa)

Azken froga edo azterketaren bidez, ikasleak bereganatutako jakintza teoriko-praktikoak ebaluatu egingo dira. Azterketa mistoa izango da, test motako atala (4 puntutakoa), garatzeko beste atal bat edota ariketa praktikoa (2 puntutakoa). Test-a kanporatzailea izango da.



II. Kasu praktikoen ebazpena (4 punturartekoa)

Ikasketa kasuak irakasgaiaren irakasleak proposaturikoak izango dira, beranduz jota azterketa egunean entregatu behar izango dena. Ikasleek, irakasleei ebatzi beharreko kasuaren inguruko xehetasunak eskatu beharko dizkiete. Ebaluazioaren zati hori banaka egingo da.

Argibideak eta baldintzak:

• Azken azterketa gainditu ahal izateko, testean gutxienez %45eko kalifikazioa eskatuko da gehieneko notaren gainean (1,8 puntu, 4 punturen gainean), eta garapen-galderen zatian, berriz, gutxienez %45ekoa, gehieneko notaren gainean (0,9 puntu, 3 punturen gainean).

• Kasu praktikoaren nota batu ahal izateko (II. atala), beharrezkoa izango da nota maximoaren %45 lortzea (2,7 puntu 6tik).

Ohiko azterketa data ofizialean UPV/EHUn aurrez aurreko jarduera akademikoa etenda egongo balitz, lehen aipatutako proba-azterketa modu birtualean egingo da. Kasu horretan, azterketaren data ofiziala baino hamabost egun lehenago, proba horren xehetasunak jakinaraziko dira eGela plataformaren bidez.

-Irakasgaiko apunteak
-eGela plataformako material gehigarria.
-Enpresako simulatzailearen materiala

Oinarrizko bibliografia

SÁNCHEZ, R. eta GONZÁLEZ, J. (2012): Administración de empresas: Objetivos y decisiones. McGraw Hill, Madrid.

MARTÍN DE CASTRO, G.; MONTORO SÁNCHEZ, M.A. y DÍEZ VIAL, I. (2016): Fundamentos de Administración de Empresas. Thomson Reuters-Civitas.

Gehiago sakontzeko bibliografia

AGUIRRE SADABA, A.; D. TOUS ZAMORA eta A.M. CASTILLO CLAVERO (2003): Administración de organizaciones en el entorno actual. Pirámide, Madrid.
CUERVO, A. (Coord.) (2005): Introducción a la Administración de empresas. Thomson-Civitas.
DÍEZ DE CASTRO, E.; GALÁN, J.L. eta MARTÍN, E. (1996): Introducción a la Economía de la Empresa. Pirámide, Madrid.
FERNÁNDEZ GAGO, R. (2005): Administración de la responsabilidad social corporativa. Paraninfo-Thomson Learning, Madrid.
GONZÁLEZ, F.J. eta J.D. GANAZA (2007): Principios y fundamentos de gestión de empresas. Pirámide, Madrid. IBORRA, M.; A. DASÍ, C. DOLZ eta C. FERRER (2007): Fundamentos de dirección de empresas. Thomson, Madrid. JOHNSON, G.S. eta R. WHITTINGTON (2006): Dirección estratégica. Prentice-Hall.
ONU (2015): 17 objetivos para transformar nuestro mundo. Accesible el 13/07/2020 en https://www.un.org/sustainabledevelopment/es/objetivos-de-desarrollo-sostenible/
PÉREZ GOROSTEGUI, E. (2002): Introducción a la Economía de la empresa. Centro de Estudios Ramón Areces, Madrid. RODRÍGUEZ, J.M. eta V. SALAS (2006): Responsabilidad social corporativa. FUNCAS, Madrid.
ROJÍ FERRARI, S. (2000): Introducción a la economía de la empresa. Mileto, Madrid.
SUÁREZ SUÁREZ, A. (1991): Curso de introducción a la Economía de la Empresa. Pirámide, Madrid.

Aldizkariak

Emprendedores (https://www.emprendedores.es/)
Capital (https://capital.es/)

Publicaciones científicas

Management Letters
Harvard Deusto Business Review
Harvard Deusto Marketing&Ventas
Universia Business Review