Irakasgai honen helburu nagusia ikasleek produktu eta prezioei buruzko erabakiak hartzen ikastea da, enpresa baten merkataritza eta marketin kudeaketaren bi funtsezko tresna moduan.

Irakasgaiaren bi ataletan (produktuei buruzko erabakiak eta prezioei buruzko erabakiak) kontzeptu teorikoen ikuspegi aplikatua bultzatuko da. Horregatik, irakaskuntza-ikaskuntza prozesua metodologia aktiboak (Proiektuetan Oinarritutako Ikaskuntza, Arazoetan Oinarritutako Ikaskuntza edo/eta ABC) konbinatuz garatzen da, talde bakoitzaren irakaskuntza testuinguru espezifikoa kontuan izanik. Marketineko graduatuen etorkizun laborala ezagupen hauek enpresa baten merkataritza kudeaketan bateratzea denez, irakasgai honek merkataritza arloko erabaki guztien arteko elkarrekiko erlazioa, erakundean duten eragina eta erabakien integrazioa marketin plangintza eta kontrol faseetan ere azpimarratzen ditu.

Jarraian moduluaren konpetentziak eta irakasgaiaren konpetentziekin erlazioa aurkezten dira:

M03 MARKETIN MODULUAREN KONPETENTZIAK

CM01 – Eskuratutako ezagupenak bere lanean aplikatzeko gaitasuna marketina eta merkatu-ikerketarekin erlazionaturiko edozein alorretan. ESPEZIFIKOA

CM02 – Lortutako datuetan oinarritutako iritzi arrazoituak emateko gaitasuna. ZEHARKAKOA

CM03 – Marketin eta merkatu-ikerketa sailetarako datu garrantzitsuak bildu, sailkatu eta interpretatzeko gaitasuna, beti ere hauen erabilera etikoa eginez. ESPEZIFIKOA

CM04 – Marketina eta merkatu-ikerketa osatzen duten sail bakoitzean informazio, ideia, arazo eta irtenbideen transmisioaren bitartez era egokian eta sinesgarrian komunikatzeko gaitasuna. ESPEZIFIKOA

CM05 – Ikaskuntza-trebetasunak garatzea autonomia gradu altua lortzeko, geroko ikasketak hasteari begira zein norbere prestakuntzari begira. ZEHARKAKOA

CM06 – Marketin estrategia eta ekintzen inguruan erabakitzeko eta hauek praktikan jartzeko gaitasuna. ESPEZIFIKOA

CM07 – Bezeroa eta merkatuarenganako orientaziorako gaitasuna. ESPEZIFIKOA

CM08 – Idatzizko komunikazio eta hitz-jariorako gaitasuna. ZEHARKAKOA

CM09 – Taldean lan egiteko gaitasuna. ZEHARKAKOA

CM10 – Pentsaera analitikoa eta hausnarketa kritikorako gaitasuna. ZEHARKAKOA

CM11 – Sormena, berrikuntza eta izaera ekintzailea garatzeko gaitasuna. ZEHARKAKOA

CM12 – Ingelesez, frantsesez edo alemanez komunikatzeko gaitasuna. ZEHARKAKOA

CM13 – Ingurune ekonomiko eta enpresa-inguruneak aztertzeko gaitasuna. ESPEZIFIKOA

CM14 – Marketin erabakiak enpresaren gainerako sailen erabakiekin eta bestelako antolaketekin koordinatzeko gaitasuna, eta baita marketin kanpainak planifikatzeko eta garatzekoa ere. ESPEZIFIKOA

CM15 – Lanbidearekin eta lan-merkatuarekin harremanetan jartzeko gaitasuna. ESPEZIFIKOA

Konpetentzia hauen ildoan, Produktu eta Prezio Erabakiak irakasgaiarekin lortu nahi diren konpetentzia espezifikoekin lotutako ikasketa emaitzak ondokoak dira:

• Produktu berri baten garapen eta merkaturaketan oinarritutako marketin arazo baten egituraketa eta analisia.

• Produktu baten garapenean ezinbestekoak diren atributuei buruzko erabakiak hartu ahal izateko beharreko gaitasunak eskuratzea (ezaugarriak, marka, ontziratzea, etiketatzea, zerbitzu lagungarriak, eta abar).

• Enpresa baten zorroaren osaketaren egokitasuna baloratu, lerro eta zorroaren mailan erabakiak hartu ahal izateko.

• Produktu politika eta banaketa politikan hartu beharreko erabakiak koordinatu, Marketin Mixeko aldagaietan beharrezko koherentzia mantenduz.

• Ikuspegi orokor eta dinamiko bat kontuan izanda, produktuaren bizitza zikloan zehar marketin estrategiak planteatzea.

• Prezioen inguruko erabakiak hartzeko abilezien eskuratzea: prezioen finkapenerako tekniken eta prezioen estrategiaren aukeraketaren araberako arazoen ebazpena.

1. GAIA: PRODUKTU BERRIEN GARAPENERAKO ESTRATEGIA

1.1. Sarrera

1.2. Produktu berrien garapen prozesua

1.3. EDUKI TEORIKOA: 8. Kapitulua, Aparicio, G. (coord.) (2014) 54-69 orr..



2. GAIA: PRODUKTU ETA ZERBITZUEI BURUZKO ERABAKIAK

2.1. Zer da produktu bat?

2.2. Produktu eta zerbitzu indibidualei buruzko erabakiak

2.3. Produktu lerroari buruzko erabakiak

2.4. Produktu mixari buruzko erabakiak

2.5. Zerbitzuen marketina

2.6. EDUKI TEORIKOA: 7. Kapitulua, Aparicio, G. (coord.) (2014) 4-16 orr..



3. GAIA: MARKA ESTRATEGIA

3.1. Marka kapitala

3.2. Marka sendoak sortu

3.3. Marken kudeaketa

3.4. EDUKI TEORIKOA: 7. Kapitulua, Aparicio, G. (coord.) (2014) 17-25 orr..



4. GAIA: PRODUKTUAREN BIZITZA ZIKLOAREN ESTRATEGIAK

4.1. Sarrera fasea

4.2. Hazkunde fasea

4.3. Heldutasun fasea. Produktuen aldaketa.

4.4. Beheraldi fasea. Produktuen eliminazioa.

4.5. EDUKI TEORIKOA: 8. Kapitulua, Aparicio, G. (coord.) (2014) 69-77 orr..



5. GAIA: PRODUKTUEN PREZIOEN FINKAPENA: KONTSUMITZAILEAREN ULERMENA ETA BALIOAREN HAUTEMATEA

5.1. Zer da prezioa?

5.2. Prezioak zehazteko faktore garrantzitsuak

5.3. Prezioen finkapenerako ikuspuntuak

5.4. EDUKI TEORIKOA: 9. Kapitulua, Aparicio, G. (coord.) (2014) 90-103 orr..

- Prezioen finkapenerako teknika bakoitzari buruzko apunteak

5.5. EDUKI PRAKTIKOA: JP18- JP20



6. GAIA: PRODUKTUEN PREZIOEN FINKAPENA: PREZIO ESTRATEGIAK

6.1. Produktu berrientzako prezio estrategiak

6.2. Produktu zorroarentzako prezio estrategiak

6.3. Prezioen doitze estrategiak

6.4. Prezioen aldaketak

6.5. Prezioen finkapena eta estatu-politikak

6.6. EDUKI TEORIKOA: 9. Kapitulua, Aparicio, G. (coord.) (2014) 103-120 orr..



Gai bakoitzaren EDUKI PRAKTIKOAK ebaluazio jarraituaren garapenean zehar burututako jarduera ezberdinekin loturik daude.

Ikaskuntza-irakaskuntza prozesuak ikaslearen parte-hartze aktiboa eta irakaslearen jarraipena eskatzen du, eta Ikaskuntza Kooperatiboan oinarritzen da.

Ikaskuntza Kooperatiboak hainbat estrategia didaktiko biltzen ditu, non, klasea talde txikitan (3-5) antolatuz, ikasleek modu koordinatuan lan egiten dute zeregin akademikoak ebazteko eta beren ikaskuntza garatzeko. Egoera honetan ikasle parte hartzaileen helburuak loturik daude eta “bakoitzak bere helburuak lor ditzake bakarrik besteek beraien helburuak lortzen badituzte”.

Ikaskuntza Kooperatiboa ondokoak lortzen saiatzen da:

• Ikaskuntza prozesuan ikaslearen parte-hartze aktiboa bultzatu.

• Taldeek ikaskuntza maila handitzeko duten gaitasuna aprobetxatu ikaskideen elkarreraginaren bitartez.

• Ikaskuntza independente eta norberak zuzendutakoa bultzatu.

• Modu kritikoan arrazoitzeko gaitasunaren garapena bultzatu.

• Ikaskuntza esperientziari dagokionez ikasleen asetasuna handitu eta ikasgaiarekiko jarrera positiboak bultzatu.

• Ikasketak bertan behera uzten dutenen kopurua murriztu.

• Ikasleak prestatu egungo lan mundurako.



IRAKASKUNTZA PRESENTZIALA EDO BIMODALA IZANGO DA (TALDEAREN TAMAINA HANDIAGATIK IKASLE GUZTIAK PRESENTZIALKI GELARA JOATEA POSIBLEA EZ BADA). OSASUN ARRAZOIENGATIK GELAN IRAKASKUNTZA PRESENTZIALA BAIMENDURIK EZ BALEGO, IRAKASKUNTZA MODALITATEA EZ PRESENTZIALERA PASATUKO DA.

Ohiko deialdian ezarritako ebaluazio sistema ebaluazio jarraitua da. Kalifikazioa bi ebaluazioen batura izango da (azken notaren %50a irakasgaiaren bi zatietako bakoitzarentzat). Ikasleak lehengo deialdian ebaluazio jarraiaren zatiren bat gaindituko ez balu, bigarren deialdian gainditu gabeko zatira bakarrik aurkezteko aukera izango du, gainditutako zatiaren nota mantenduz. Hala ere, nahi izanez gero, bi zatietara aurkezteko aukera izango du (azken azterketa osorik bigarren deialdian).

E-gela Ikaskuntza birtualeko plataforman jasotako dokumentazioa.
Oinarrizko bibliografian agertzen diren liburuak.

Oinarrizko bibliografia

KOTLER, P. y ARMSTRONG, G. (2018). Principios de marketing, 17 Edición, editorial Pearson.

APARICIO (coordinadora) et. al. (2014): Dirección Comercial: Políticas. Pearson Prentice Hall, Madrid.

ARMSTRONG, G; KOTLER, P. et. al. (2012): Introducción al Marketing, Pearson Prentice Hall, Madrid.

Gidaliburu hauek ordezkoak dira, hauetako edozein aukera daiteke.

Aldizkariak

 Emprendedores
 Harvard Deusto Marketing & ventas
 Harvard Deusto Business Review