IRAKASGAIAN LANDUKO DIREN GAITASUNAK ESPEZIFIKOAK



GE1: Jarduera-sektore desberdinetan marketinak dituen ezaugarri espezifikoak identifikatzea, ulertzea eta aztertzea.

GE2: Jarduera-sektore desberdinetan erabaki estrategiko eta operatiboak hartzeko metodologia egokiak aplikatzeko gai izatea.

GE3: Ekonomia-sektore desberdinak eta administrazio publikoa kontuan hartuz, marketineko gaitasun profesionalak garatzeko ardura hartzea.









IRAKASGAIAN LANDUKO DIREN ZEHARKAKO GAITASUNAK



ZG1: Lortutako datuetan oinarrituz, iritzi arrazoituak emateko gaitasuna.

ZG2: Autonomia maila handia lortzen ikasteko gaitasuna.

ZG3: Taldean lana egiteko gaitasuna, arduraz, errespetuz, ekimenez eta lidergoz.

ZG4: Pentsamendu analitikorako eta hausnarketa kritikorako gaitasuna.

ZG5: Sormena, berrikuntza eta jarrera ekintzailea garatzeko gaitasuna.

ZG6: Idatziz ongi komunikatzeko gaitasuna.

ZG7:Ahoz ongi komunikatzeko gaitasuna.

ZG8: Ezagupenak lanari aplikatzeko gaitasuna, enpresen administrazio eta zuzendaritzari lotutako edozein esparrutan.



IKASKETAREN EMAITZAK



Irakasgai hau landu ondoren ikasleak:



IE1: Marketinaren aplikazioa sektore espezifikoetan ulertzen duela erakusten du.



Lehenengo ikasketa-emaitza hau ondorengo hiruetan banakatzen da:



IE1.1: Marketina ekonomia-sektore desberdinetara egokitzeko premia identifikatzen du (hau da, marketin sektorialaren premia identifikatzen du) eta baita egokitzapen hori egiteko kontuan hartu beharreko aldagaiak ere.

IE1.2: Marketin sektorialaren alor nagusiak garbi bereizten ditu eta errealitateko kasu espezifiko bakoitzean aplikatu beharreko alorra/k ondo aukeratzen du/ditu, erabaki hori baldintzatzen duten aldagaietan oinarrituz.

IE1.3: Marketin sektorialaren alor nagusien berezko kontzeptu giltzarriak identifikatzen ditu eta kasu errealei zuzentasunez aplikatzen dizkie.



IE2: Sektore-jarduera desberdinetan erabaki estrategiko eta operatiboak hartzeko trebetasunak eskuratzen ditu, metodologia espezifikoen aplikazioa zorroztasunez ebaluatuz.



Bigarren ikasketa-emaitza hau bitan banakatzen da:



E2.1: Sektore espezifikoen ezaugarri bereizgarriak (besteak beste, merkatuei, bezeroen jokabideari eta produktuei buruzkoak) identifikatzen ditu eta zehaztasunez deskribatzen ditu.

E2.2: Sektore espezifikoen ezaugarri bereizgarriei, erakundearen barneko eta kanpoko faktore baldintzatzaileei eta teknologia berriei egokitutako marketin-jarduerak garatzen ditu (merkataritza ikerkuntza, estrategiak, ekintzak, etab.).



IE3: Elkarlana eguneroko lanaren dinamikan sartu eta praktikan jartzen du.

IE4: Metodologia zuzentasunez erabiliz, sektore bakoitzari egokitutako txosten egokiak sortzen ditu.

1. gaia: Marketin sektoriala: irabazizko eta irabazi asmorik gabeko marketina

2. gaia: Industria-marketina

3. gaia: Zerbitzu-marketina

4. gaia: Turismo-marketina

5. gaia: Marketin soziala

6. gaia: Marketin politiko eta marketin publikoa

7. gaia: Hirien marketina

2021-22 ikasturtean irakaskuntza aurrez aurrekoa edo bimodala izango da (azken hau taldearen tamainagatik ikasle guztiek ezin badute aurrez aurreko klaseetan egon; hala ere, egoera hau ez da oso probablea).



Klase teorikoak irakaslearen azalpenetan oinarrituko dira, PowerPointeko aurkezpenen laguntzarekin; adibideak, artikuluak eta eztabaida-gaiak tartekatuko dira ikasleen parte hartzea sustatzeko asmoz.



Klase praktikoetan irakasgaiaren gaitasun espezifikoak landuko dira, eta baita zeharkako gaitasunak ere; besteak beste, ahozko komunikazioa, taldeko lana eta era analitiko eta kritikoan pentsatzeko gaitasuna.



Ildo honetatik, hainbat kasu erreal aztertuko da, ikasleek gai bakoitzean ikasitako kontzeptuak aplika ditzaten. Halaber, ikaskuntza-prozesuan egindako aurrerapenak ebaluatzeko asmoz ariketa desberdinak egingo dira.



Mintegiren bat edota enpresa-bisitaren bat ere antolatuko da, profesional batek edo gehiagok bere sektoreari marketina aplikatzerakoan bizitako esperientzia gertutik ezagutzeko.



Gainera, klase orduetatik kanpo, taldeko lan bat egingo dute ikasleek. Irakasleak egokitutako sektore bati marketina aplikatzea izango da egin beharrekoa, eta lan idatzia zein azken ahozko aurkezpena egin beharko dira (aurkezpen hau azkeneko klase-egunetan izango da).



Klaseak errazago jarraitzeko, irakasleak erabilitako PowerPointeko aurkezpenak eta beste materiala eskuragarri izango dituzte ikasleek (errepografia zentroan edota egelan).



Azkenik, tutoretza-orduak ere erabili ditzakete ikasleek bere zalantzak argitzeko, taldeko lanen jarraipena egiteko eta izan ditzaketen bestelako arazoak konpontzeko.



Osasun arrazoiak direla eta online irakaskuntzara pasatuko bagina, irakasgaiaren zereginak egoera berrira egokituko lirateke, beti ere kalifikazio portzentajeak mantenduz.

EBALUAZIO JARRAITUAREN SISTEMA:



Azken kalifikazioa honako puntuazio hauen baturak emango du:



- Entregatutako zereginak edo ariketak:%15

- Taldeko proiektua: %15

- Idatzizko azken proba: %70



Irakasgaia gainditzeko, batura horrek 5 edo handiagoa izan behar du.



Entregatzeko zereginak edo ariketak mota desberdinetakoak izan daitezke (taldean dagoen ikasle kopuruaren arabera erabakiko da hori).



Taldeko proiektuaren xedea (idatzizko lana eta ahozko aurkezpena barneratzen dituena) irakasleak egokitutako sektore bati (turistikoa, politikoa, publikoa edo hiriena) marketina aplikatzea da, kontzeptuak ahalik eta modu aplikatu eta didaktikoenean azalduz eta ordu erdiko aurkezpena eginez. Lan honetan ahoz eta idatziz ongi komunikatzeko gaitasunaz gain, kontzeptuak ondo aplikatzeko gaitasuna, iritzi arrazonatuak emateko gaitasuna, sormena, eta irakasgaiaren bestelako gaitasunak ebaluatuko dira.



Idatzizko proban, azkenik, irakasgaian landutako kontzeptuei buruzko galdera zehatzak erantzun beharko ditu ikasleak eta izaera aplikatua izango du.



Deialdiari uko egiteko nahikoa izango da azterketara ez aurkeztea.



AZKEN EBALUAZIOAREN SISTEMA:



Ebaluazio jarraitua aukeratu ez duten ikasleak azken ebaluazio-sistemaren bidez ebaluatuak izango dira. Kasu honetan, ebaluaketa jarraitua hautatu dutenen idatzizko proba berdina egin beharko dute, eta aparteko hainbat galdera gehigarri erantzun (klase praktikoetan jorratutako kasuak abiapuntutzat hartuz). Gainera, lana egin beharko dute ere, IE3 eta IE4 ebaluatu ahal izateko. Lan honek ebaluaketa jarraituko taldeko proiektuaren ezaugarri orokorrak izango ditu, edukia eta egiturari dagokionez, baina landu beharreko gaia desberdina izango da (ikasleek aukeratutako sektore espezifiko oso konkretu bati aplikatutako marketina izango da; adibidez, futbolaren marketina, zinearen marketina, etab.) eta aurkezpena klase-orduz kanpo egingo da (azterketa egunean, edo lehenago, nahi izanez gero).



Kasu honetan ikaslearen azken kalifikazioa honela kalkulatuko da:



- Lana (azterketaren egun ofizialean entregatutako idatzizko dokumentua, PowerPointa eta ahozko aurkezpena): %15

- Idatzizko azken proba (galdera gehigarriak ere barneratzen dituena): %85



Azken ebaluaketa aukeratu nahi dutela garbi dutenek, adibidez klaseetara etorri ezin dutelako, irakaslearekin harremanetan jarri behar dute urriaren aurretik lana antolatzeko.



Dena den, ikasleek ebaluazio jarraituaren zeregin guztiak edo batzuk eginak badituzte ere, azken ebaluazioaren sistema aukeratu ahal izango dute bere kalifikazioa hobetzeko aukera izateko. Kasu honetan, ikasleek hiru aukera izango dituzte:



a) Ebaluazio jarraituaren zereginetan lortutako puntuazio guztiari uko egitea: honek esan nahi du azken ebaluazioaren proba guztiak (taldeko proiektu berria eta idatzizko azken proba osoa) egin beharko dituztela kalifikazioaren %100 lortzeko.

b) Entregatzeko ariketetan lortutako puntuazioari bakarrik uko egitea: kasu honetan, idatzizko azken probaren galdera guztiak erantzun beharko dituzte (galdera gehigarriak barne) eta ebaluazio jarraituko taldeko proiektuaren puntuazioa kontserbatuko dute (ez dute, beraz, proiektu berririk egingo).

c) Taldeko proiektuaren puntuazioari bakarrik uko egitea: kasu honetan taldeko proiektu berria egin beharko dute ikasleek eta entregatzeko ariketen puntuazioa kontserbatuko dute (azkeneko proba idatziaren galdera gehigarriak ez dituzte erantzungo beraz).



Ohar garrantzitsua: a eta c aukeren kasuan, ebaluazio jarraituaren taldeko proiektuen puntuazioa argitaratzen den hurrengo egunean jakinarazi beharko diote ikasleek irakasleari taldeko proiektu berri bat egin nahi dutela eta proiektuaren ahozko aurkezpena azterketaren egun ofizialean egingo dute; b aukeraren kasuan, berriz, ez da beharrezkoa izango irakasleari ezer esatea azterketaren egunaren aurretik.



Deialdiari uko egiteko nahikoa izango da azterketara ez aurkeztea.



Azkenik, aurrez aurreko ebaluazioa ezinezkoa egiten duen osaun alerta egoera bat sortzen bada, azterketa iragarritako egun eta ordu berean egingo da, baina online, egela plataforma erabiliz.

Irakasgaiko materiala eskolaren erreprografia-zentroan eskuratu ahal izango da edota egelan.

Oinarrizko bibliografia

AGUIRRE, M. (2000): Sektore espezifikoetako marketina, EHUko argitalpen zerbitzua

CUBILLO PINILLA, J.M; CERVIÑO FERNANADEZ, J.,Coords.(2008):Marketing sectorial. Editorial ESIC. Madrid.

Gehiago sakontzeko bibliografia

AGUDO, A. y TOYOS, F. (2003): Marketing del fútbol, Pirámide.
ALCAIDE, J.C. y SORIANO, C. (2006): Marketing de servicios profesionales: guía para un marketing eficaz en despachos y negocios profesionales, Pirámide.
ALDAMIZ-ECHEVARRÍA, C. (2003): Marketing de ONGs de desarrollo: para su aplicación práctica, IEPALA, Madrid.
ALTES, C.(1995): Marketing y Turismo, Síntesis.
BARROSO CASTRO, C.(1995): Marketing Bancario. Un Enfoque Estratégico, Esic.
BARRANCO SAIZ, F.J. (2003): Marketing Político, Pirámide.
BARRUTIA, J.M. (2003): Marketing Bancario en la era de la información, Pirámide.
BEGIRISTAIN, M. y LÓPEZ, D. (2016): Viabilidad económica y viabilidad social: una propuesta agroalimentaria para la comercialización de la producción ecológica familiar, Eneek.
BERRY, L. y PARASURAMAN, A.(1993): Marketing de Servicios. La Calidad como Meta, Parramón.
CALOMARDE, J. V. (2000): Marketing ecológico, Pirámide.
CHIAS, J. (1995): Marketing Público. Por un Gobierno y una Administración al Servicio del Público, Mc Graw-Hill.
ECKLES, R.W. (1990): Business Marketing Management, Prentice-Hall.
ELIZAGARATE, V. (2003): Marketing de ciudades, Pirámide.
ELIZAGARATE V. (2008): Marketing de ciudades. Estrategias para el desarrollo de ciudades atractivas y competitivas en un mundo global. Editorial Pirámide.
ERRASTI, F. (1997): Principios de Gestión Sanitaria, Díaz de Santos.
FRANCESC, J. (1996): Las Claves del Mercado Turístico. Cómo competir en el nuevo entorno, Deusto.
FRÍAS, D.M. (2000): Marketing farmacéutico, Pirámide.
GARCÍA, B. (2003): Marketing del turismo rural, Pirámide.
GRÖNROOS, C. (1994): Marketing y Gestión de Servicios. La Gestión de los Momentos de la Verdad y la Competencia en los Servicios, Díaz de Santos.
KOTLER, P y ROBERTO, E.L. (1992): Marketing Social, Díaz de Santos.
LAMATA, F.; CONDE, J.; HORNO, M. (1994): Marketing Sanitario, Díaz de Santos.

Aldizkariak

MK Marketing + Ventas
Harvard Deusto Marketing & Ventas
Alta Dirección