Ezagutzak edo edukiak: Antolakuntza arloan eta zuzendaritza-trebetasunen arloan (lidergoa, motibazioa, komunikazioa, negoziazioa eta talde-lana) garatu diren oinarrizko teoriak ezagutu eta ulertu.



Gaitasunak: Enpresa bat kudeatzerakoan, antolakuntza eta zuzendaritza arloetako ezagupenak eta praktikara eramateko gaitasuna landu.



Titulazioarekin lotutako gaitasunak eta trebetasunak: Enpresa baten antolaketari eta zuzendaritza-trebetasunei buruzko txostenak egitea eta aurkeztea, erabakiak hartzea erraztuz. Enpresa baten antolaketari eta zuzendaritza-trebetasunen inguruan iritzi arrazoituak ematea eta erabakiak hartzea.



Espektro zabaleko trebetasunak: Ikasleek gaitasuna izatea pentsamendu analitikorako eta hausnarketa kritikorako. Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz. Ikasleak gai izatea idatziz nahiz ahoz erraztasunez komunikatzeko.

(EDUKI TEORIKO-PRAKTIKOAK)

I.- ANTOLAKETA-TEORIAREN BERRIKUSPEN HISTORIKOA

1 Gaia.- Antolaketa-teoriaren Berrikuspen Historikoa.



II.- ZUZENDARITZA TEORIA: ZUZENDARITZARAKO ETA ERABAKIAK HARTZEKO EREDUAK.

2. Gaia: Ekonomia Instituzional berria eta erabakiak hartzek prozesua.

3. Gaia: Erabaki-hartzea ez ziurtasun-egoeran.



III: ZUZENDARITZA-TREBETASUNAK

4. Gaia: Lidergoa.

5. Gaia: Motibazioa.

6. Gaia: Barne-komunikazioa.

7. Gaia: Negoziazioa.

8. Gaia: Lan-taldeen Zuzendaritza.



GARAPEN JASANGARRIRAKO HEZKUNTZA - -GARAPEN JASANGARRIRAKO HELBURUAK (GIH):

Irakasgaian garapen jasangarrirako zeharkako gaitasunak lantzen dira. Horiek lortzeko, ikaskuntza helburu kognitiboak, giza-emozionalak eta konduktualak lantzen dira. Gaitasunak, helburuak eta emaitza zehatzak ikasleen gidetan daude adierazita. Emaitza hauen ebaluaketa, ebaluaketa jarraituaren testuinguruan daude barneratuta.

IRAKASTEKO METODOLOGIA:

Irakasteko metodologia lortu nahi diren helburuekin eta garatu nahi diren gaitasunekin lotuta dago. Honako metodologia hauek konbinatzen dira:

- Ikasgai magistrala: Antolakuntza eta zuzendaritza arloetako oinarrizko teoria, kontzeptu eta tresnak ezagutu ahal izateko erabiliko da.

- Kasu praktikoak: Gai bakoitzean, ikasgelako praktikak eta mintegiak kasu praktikoak analizatzeko eta eztabaidatzeko erabiliko dira. Kasu praktiko batzuk klase orduetatik kanpo landu beharko dira.



OHARRA: Irakaskuntza, printzipioz, modu presentzialean izango da. COVID19k sortutako osasun-egoeraren eta taldeen tamainaren arabera, irakaskuntza bimodala izan daiteke (aurrez aurreko irakaskuntza eta online irakaskuntza uztartuz). Irakaskuntza bimodala ere ezinezkoa bada, irakaskuntza online izango da.



Gai batzuetan, “Flipped classroom” metodologia erabiliko dira. Beste batzuetan, ikasleak apunteak irakurri beharko ditu eta klase orduak gaiarekin zerikusia dituzten kasuak lantzeko erabiliko dira.



Ikasleek ahozko talde aurkezpenak egin beharko dituzte, irakasgaiarekin lotuta dauden irakurketa edo kasuen inguruan. Ahozko aurkezpenen edukia talde bakoitzeko irakasleak aukeratuko ditu. Aurkezpenen formatua (ahozko aurkezpenak klase aurrean, podcast-ak edo bideoak) talde bakoitzeko irakasleak aukeratuko ditu.

baluazio-sistema, funtsean, idatzizko proba batean oinarritzen da. Irakasgai honetako azterketek kasuetan oinarritzen dira. Kasu horien bitartez, ikasleak ikasitako ezagutzak kasura aplikatzeko gaitasuna adierazi behar du.



1.-Ebaluazio jarraituan parte hartzen duten ikasleak: Ikaslearen nota hurrengo bien arteko handiena izango da:

a) Idatzizko azterketa

b) %70 idatzizko azterketa + ohiko deialdian lortutako ebaluazio jarraituaren %30 Azterketak azken notaren %70a balio du.

Gainera, azterketa horretan ikasleak lau puntu eskuratu behar ditu gutxienez ebaluazio jarraituaren nota batzeko.



Azken notaren % 30 ebaluazio jarraituaren bitartez eskuratu ahal izango da:

- Irakasgaiarekin zerikusia duten galderen eta ariketen ebazpenarekin, mintegi eta ikasgela praktiketan, azken notaren % 20 eskuratu ahal izango da.

- Azken notaren %10 taldean egingo den aurkezpenarekin eskuratu ahal izango da. Aurkezpen hori irakasleak proposaturiko irakurgai bati buruzkoa izango da. Aurkezpena komunikaziori buruzko gaian landuko diren gomendioekin egin beharko da. Aurkezpenak azken asteko mintegietan egingo dira.



2.- Ebaluazio jarraituan parte hartzen ez duten ikasleak:

Ikasleak azken notaren %100a eskuratzeko aukera izango du azterketaren bitartez.



OHARRA:

Ebaluazio jarraituaren eta amaierako probaren pisuak aldatu ahal izango dira irakaskuntza eta/edo ebaluazioa aurrez aurre egin ezin badira. Aldaketa horiek irakaskuntza-gida eguneratuz jakinaraziko dira. Ebaluazioa online egin behar bada, gradu eta graduondoko ikasketen errektoreordeak 2020ko maiatzaren 7an emandako jarraibidea aplikatuko da (Online ebaluazio-probak egiten diren bitartean irudia eta soinua hartzeko sistemen erabilpenari buruzko jarraibidea).



Ahozko edo idatzizko online ebaluazio probak egiteko eta probaren jarraipena egiteko, EHUk ezarritako sistemak erabili beharko dira: eGela eta BBC bideokonferentzietarako. Irakasleeek online proben jarraipena eta kontrola egin dezakete irudia eta soinua transmititzeko sistemen bidez. Idatzizko proba egitean, ikasleek ekipo informatikoan irudia transmititzeko dagokion gailua aktibatuko dute, irakasleak hala eskatzen dienean. Soinua transmititzeko gailua probaren hasieratik aktibatu beharko da, eta egoera horretan egongo da proba amaitu arte, salbu eta proba gidatzen duten irakasleek besterik adierazten badute.



Edozein ikasleri bere burua identifikatzea eska dakioke, aldez aurretik eta proba egin bitartean. Irakasleari dagokio ikasleak ekitatez eta justizia berme osoz ebaluatzeko beharrezkoak diren probaren nondik norakoen ebidentzia guztiak jasotzea.

Derrigorrezko materiala LANKOPI-ra eta e-gelara eramango da.

Oinarrizko bibliografia

- Irakasgaiko irakasleek e-gelan eskegitako apunteak

- HERAS, I. (2011): Enpresa ekonomia: antolakuntza eta zuzendaritza. UPV/EHU. Donostia. http://www.sc.ehu.es/oewhesai/Enpresa-ekonomia_antolakuntza%20eta%20zuzendaritza.pdf

(Liburu hau pdf-n dohainik dago eta irakasgaian lantzen diren gai gehienak barneratzen ditu)

- VELASCO, E. eta BENITO, J.M. (2011): Enpresa administrazioaren oinarriak. UPV/EHU. Bilbo.

https://ikasmaterialak.ehu.eus/ekonomia-enpresa/enpresa-administrazioaren-oinarriak

(Liburu hau pdf-n dohainik dago eta irakasgaian lantzen diren gai gehienak barneratzen ditu)

- HERAS, I. (2004): Enpresaren ekonomia eta zuzendaritza: teoria eta praktika. Udako Euskal Unibertsitatea. www.ueu.eus/download/liburua/EnpresarenEkonomia.osoa.pdf

(Liburu hau pdf-n dohainik dago eta irakasgaian lantzen diren gai batzuk barneratzen ditu)



ARAMBURU, N.; RIVERA, O. (2007): Enpresen antolaketa. Ed. Deustuko Unibertsitatea. Donostia. (Liburu ona, euskera aberats eta ulergarrian idatzita. Enpresen egiturari buruz gehiago ezagutzeko aproposa.) (EHUko liburutegian 6 ale daude)

Gehiago sakontzeko bibliografia

EUSKAL ENPRESEI BURUZKO KASUAK, ANTOLAKUNTZAREKIN LOTUTA (Irakasgaian landu egin daitezke eta talde aurkezpenak egiteko gomendagarriak dira)
Basterretxea, I., & Storey, J. (2018). Do employee‐owned firms produce more positive employee behavioural outcomes? If not why not? A British‐Spanish comparative analysis. British Journal of Industrial Relations, 56(2), 292-319. (EROSKI eta Britaina Handiko JOHN LEWIS en kasuak aztertzen ditu. Motibazio gaiarekin lotuta)
Basterretxea I, Heras-Saizarbitoria I and Lertxundi A (2019) Can employee ownership and HRM policies clash in worker cooperatives? Lessons from a defunct cooperative. Human Resource Management 58(6): 585–601. (FAGOR ELECTRODOMÉSTICOSen kasua aztertzen du. Lidergo, Taylorismoa eta Motibazio arloak lantzeko baliogarra)

Aldizkariak

Espainiako aldizkariak:
Capital Humano https://capitalhumano.wolterskluwer.es/content/Inicio.aspx
Emprendedores http://www.emprendedores.es/l
Alta Dirección http://www.altadireccion.es/ie/home.htm
Harvard Deusto Business Review: http://www2.e-deusto.com/cdrevistasw/hdbr.htm
Universia Business Review: https://ubr.universia.net/
Cuadernos de Gestión: http://www.ehu.es/cuadernosdegestion/revista/

Nazioarteko Aldizkariak:
Human Resource Management https://onlinelibrary.wiley.com/journal/1099050x
Human Resource Management Journal https://onlinelibrary.wiley.com/journal/17488583
International Journal of Human Resource Management https://www.tandfonline.com/toc/rijh20/current
Organization https://journals.sagepub.com/home/org
Leadership Quarterly https://www.journals.elsevier.com/the-leadership-quarterly
Journal of Organizational Behavior https://onlinelibrary.wiley.com/journal/10991379