Ikasgaiari dagozkion ikaskuntza emaitzak:

•Enpresako aktiboak balioztatzeko dauden metodoak ezagutu eta erabiltzen ditu.

•Balorazioan erabiltzen diren aldagai eta metodoak ezagutzen ditu, eta kasu bakoitzean modu zuzenean erabiltzen du.

•Erakunde osoaren balioa kalkulatu ahal du, bere osagai guztiak barneratuz, erakundeko elementu guztiek osatzen duten balorazio bat lortzen.

•Proposatutako teknikekin lortutako balioak, erlazionatu, konparatu eta kontrastatu egiten ditu, ikaslea bere iritzia emateko eta arrazoitzeko gai da.

•Excel bezalako programetan balorazio ereduak garatzeko gaitasuna dauka, egoera eta inguru desberdinekin moldatzeko.

Ikasgaian landuko diren zeharkako gaitasunak:

C2: Hainbat iturritik lortutako informazioa aztertu eta laburtzeko gaitasuna (G009)

C3: Gai garrantzitsuetan iritzi arrazoituak eta erabakiak hartzeko gaitasuna (G003, G018)

C5: Informazio eta Komunikazioko Teknologiak bere ikasketa eta lan arloan erabiltzea (G009)

C6: Idatzizko komunikaziorako gaitasuna, bereziki txosten argi eta koherenteak egiteko (G004 y G011) C8: Talde-lanean aritzeko gaitasuna, arduraz eta errespetuz, iniziatiba eta lidergoa erakutsiz (G010)

Ikasgaian eduki teorikoak azaltzen dira, eta ariketa eta kasuekin lantzen dira, metodoen osagarritasuna bilatuz.



I Atala: BALIOESPENAREN SARRERA

II Atala: AKTIBO ERREALEN BALIOESPENA

III Atala: ENPRESEN BALIOESPENA



Lauhilekoaren hasieran, eGela plataformaren bidez, ikasgaiaren programa emango zaie ikasleei, gai eta lan guztien egitarauarekin batera.

Metodologia desberdinak aplikatuko dira ikasturtean zehar, ikasleek programan agertzen diren gaitasunak lortzeko, eta, aldi berean, ikasitakoarekin ahalmen kritikoa garatzeko.

Oinarrizko kontzeptuak finkatu eta ulertzeko, klase magistralak emango dira. Horien artean saio teorikoak (ikasgaiaren oinarrizko kontzeptuak aurkezteko) eta praktikoak ere (klasean ebatzitako ariketekin) egongo dira.

Ikasgelako Praktika eta Mintegietan, taldeka zein bakarka ebazteko ariketak planteatuko dira, ikasleek eztabaidatu, garatu eta ebazteko. Gainera, hainbat kasu praktiko landuko dira irakaslearen jarraipen eta laguntzarekin, klasean azaldutako metodologia desberdinak aplikatuz. Ikasgelako Praktika eta Mintegietako batzuk ordenagailu gelan garatuko dira, egun balioespenetan erabiltzen diren teknologiak aplikatu ahal izateko.

Ebaluazioa mistoa izango da. Lauhilekoan zehar 3 puntu gehienez lortuko dira, eta azken proban 7 puntu.

Ebaluazio Jarraitua (3 puntu). Jarduerak lan taldeko zein bakarkako lanak barneratuko ditu, bai presentziazkoak eta baita ez- presentziazkoak ere, kontzeptualak zein praktikoak. Lauhilekoaren hasieran zehaztuko dira jarduerak eta entregatzeko epeak.

Amaierako Azterketa (7 puntu). Lortutako ezagutza teorikoa eta praktikoa ebaluatuko da. Horretarako, galdera teorikoak eta balioespeneko kasuak planteatuko dira.

Azken emaitza ebaluazio jarraituaren eta azterketako notaren batuketa izango da, beti ere azterketan lortutako nota bere balioaren %35 baino altuagoa bada. Kontrako kasuan, azterketako nota mantenduko da.



Ikasleak ebaluazio-sistema mistoari uko egin ahal izango dio eta azken ebaluazioa aukeratu. Horretarako, beharrezkoa da bere irakasleari ebaluazio jarraituari uko egin nahi diola idatziz adieraztea, ikasturtearen hasieratik (irakastegiko akademia egutegia kontuan izanik) 9 asteko epean.

Azken ebaluazioko sistemak honako zati hauek izango ditu:

(1) Aurretik azaldu den bezalako azken azterketa egin beharko dute (7 puntu gehienez).

(2) Ebaluazio jarraituan garatu diren gaitasunak ebaluatzeko jarduera batzuk. Jarduera hauek egiteko eta entregatzeko datak ikastaroaren hasieran argitaratuko dira, eta haien bidez 3 puntu lortuko dira gehienez.



Azken azterketara aurkezten ez diren ikasleak Ez Aurkeztu moduan agertuko dira, ebaluazio jarraitua zein azken ebaluazioko sistema aukeratu badute ere.



Edozein probatan kopiatu egin dela frogatzen bada, ikasgaiaren azken nota suspentso izango da deialdi horretan.

Irakasleek emango dituzten apunteak eta ariketak

Oinarrizko bibliografia

ADSERA, X y VIÑOLAS, P (2003): Principios de valoración de empresas, Ed. Deusto, Bilbao.

BREALEY R.A., MYERS S.C., ALLEN F. (2015): Principios de Finanzas Corporativas, 11ª edición. McGraw-Hill Interamericana de España.

DAMODARAN A. (2012): Investment valuation: Tools and techniques for determining the value of any asset, 3rd edition, Wiley.

PINDADO, J. (Director) (2012): Finanzas empresariales, Paraninfo, Madrid.

RODRÍGUEZ SANDÍAS, A. (2012): Dirección financiera aplicada: inversiones. Andavira, Santiago de Compostela.

ROSS S.A., WESTERFIELD R.W., JAFFE J.F. (2012): Finanzas Corporativas, 9ª edición. McGraw-Hill Interamericana Editores.

Gehiago sakontzeko bibliografia

CCOPELAND T., KOLLER T., MURRIN J. (2004): Valoración, medición y gestión del valor. Ed. Deusto, Bilbao. FERNANDEZ P. (2005, 3ª ed.): Valoración de Empresas. Ed. Gestión 2000, Barcelona.
MASCAREÑAS J. (2011): Fusiones, adquisiciones y valoración de Empresas. Ecobook, Madrid. MILGROM P., ROBERTS J. (1993): Economía, Organización y Gestión de la Empresa. Ariel, Barcelona. MORALES PLAZA J.I., MARTINEZ DE OLCOZ J. (2006): Análisis y valoración sectorial. Editorial Ariel.
RODRÍGUEZ SANDÍAS, A. (2013): Modelos de análisis y valoración de proyectos de inversión. Andavira, Santiago de Compostela.
SALAS V. (1996): Economía de la Empresa: Decisiones y Organización, 2ª ed. Ariel, Barcelona.

Aldizkariak

Boletín de Dirección de Finanzas
Boletín Financiero - Bolsa del Madrid
Cuadernos de Gestión
Estrategia Financiera
Finanzas y Desarrollo
Harvard Deusto Finanzas y Contabilidad
Perspectivas del Sistema Financiero
Revista de Análisis Financiero
Revista de Contabilidad y Dirección
Revista Española de Financiación y Contabilidad