Irakasgaiaren gaitasun zehatzak:



G1 Zuzendaritza Estrategikoaren egitura eta edukiak ulertzea, enpresen ingurune nahasi eta konplexua modu egokian ulertu ahal izateko.

G2 Enpresa baten Plan Estrategikoa egin ahal izateko beharrezkoak diren kontzeptu eta tresnak erabiltzen jakitea.

G3 Estrategia-zuzendaritzarekin loturiko edukiak modu zuzen eta kritikoan ulertzeko gai izatea, kudeaketarako jarrera sortzaile eta berritzaileak sustatuz.

G4 Zuzendaritza Estrategikoaren prozesuan erabiliko diren kasu-analisiak egiteko beharrezkoa den oinarrizko metodologia ulertzea eta erabiltzen jakitea.



Irakasgaiaren gaitasun zehatz horiek M02 Enpresaren Oinarriak moduluaren gaitasun zehatzekin lotuta daude. Aldi berean, zeharkako gaitasun hauek garatuko dira:

1.- Ikasleak gai izatea lortutako datuetan oinarriturik iritzi arrazoituak emateko.

2.- Autonomia maila handia lortu ahal izateko ikasteko gaitasunak garatzea.

3.- Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz.

4.-Ikasleek gaitasuna izatea pentsamendu analitikorako eta hausnarketa kritikorako.

5.- Ikasleak gai izatea sormena, berrikuntza eta jarrera ekintzailea garatzeko.

6.-Ikasleak gai izatea idatziz erraztasunez komunikatzeko.

7.- Ikasleak gai izatea ahoz erraztasunez komunikatzeko.

8.- Lortutako jakintzak enpresen administrazio eta zuzendaritzarekin zerikusirik duen edozein lan arlotan aplikatzea.

1. GAIA: ZUZENDARITZA ESTRATEGIKOAREN ETA BERE PROZESUAREN TESTUINGURUA

2. GAIA: ERAKUNDEAREN IZATEKO ARRAZOIA

3. GAIA: ENPRESAREN KANPO-ANALISIA

4. GAIA: ENPRESAREN BARNE-ANALISIA

5. GAIA: ENPRESAREN DIAGNOSTIKO ESTRATEGIKOA

6. GAIA: HELBURUEN EZARPENA

7. GAIA: EZARPEN ESTRATEGIKOA: KORPORAZIO- ETA LEHIA-ESTRATEGIAK

8. GAIA: PLAN ESTRATEGIKOAREN EZARPENA

Irakasgaian erabiliko den irakaskuntza-metodologiak harreman estua du proposatutako helburu eta konpetentziekin eta baita dauden irakaskuntza modalitateekin ere. Irakasgaiaren metodologia honako irakaskuntza metodologia hauen konbinazioa gisa osatzen da:



- Klase magistrala: Jakintza teorikoak jakinarazteko erabiltzen da. Hala ere, kasuak eta adibideak landuko dira, eta ikasleen artean eztabaida bultzatuko da (kontzeptu teorikoen inguruan eta baita ere adibide eta kasu praktikoak oinarritzat hartuz).

- Irakaskuntza-kasuak: Ikastaroan zehar hainbat kasu landuko dira eta horien bidez irakasgaiko konpetentziak jorratuko dira.

- Problemetan oinarritutako Ikaskuntza: Ikasleen ikaskuntza aktiboa, autonomia eta inplikazioa sustatzeko, bai klaseetan, bai klasetik kanpo landu beharko diren problema eta kasuak erabiliko dira. Talde-lana ikaskuntza honen adierazle nagusia izango da.

- Tutoretzak



Irakaskuntza-metodologia hauen bidez ikasleen talde-lana bultzatu nahi da, bai talde txikietan, baita talde handian lan eginez.





Irakaskuntza modu presentzialean egingo da osasun-baldintzek hala baimentzen duten bitartean. Taldearen tamainaren arabera ikasle guztiek ezin badute gelara bertaratu, irakaskuntza bimodala erabiliko da. Edozein kasutan, osasun-baldintzek hala eskatzen badute, irakaskuntza online moduan garatuko da.

Ikasgaiaren ebaluaketa-sistema mistoa izango da. Kalifikazioaren osagaiak hauek dira:



I. Azken froga edo azterketa (gehienez 5 puntu)

Azken azterketaren bitartez ikasleek lortutako ezagutza teoriko zein praktikoak baloratuko dira.

Azterketak bi zati izango ditu, bata test modukoa (oker erantzundako galderek penalizatuko dutelarik) eta bestea kontzeptuen garapen edo/eta kasu praktikoen ebazpenek osatua.

Ikasgaia gainditzeko, edozein kasutan, azterketan gutxienez balio maximoaren %40 lortu beharko da (2/5). Aldi berean, azken probako atal bakoitzean gutxienez %33ko (1/3) kalifikazioa ateratzea beharrezkoa izango da.

Azken proba honen kalifikazioari ikasturtean garaturiko jarduera praktikoen kalifikazioa erantsiko zaie (gehienez 5/10).



II. Jarduera praktikoak eta gelako praktikak (gehienez 5 puntu)

Alde batetik, ikasleek taldeka talde-lan bat garatu eta aurkeztu beharko dute. Bestetik, gelako praktiken bidez (lan presentziala eta ez presentziala), ikasleak, taldeka edo bakarka, eskola magistraletan landutako materialekin loturiko arazoak landuko ditu. Lauhilekoan zehar gai bakoitzean praktika ezberdinak egingo dira. Praktika bakoitzaren xehetasunak (azken kalifikazioaren gaineko pisua, landu beharreko gaitasunak, aurkezpen beharra eta abar) irakasleak emango ditu ikasturtean zehar. Ebaluaketa jarraiaren barnean bakarkako kontrol-probak ere garatuko dira.



Edozein kasutan, Graduko Titulazio Ofizialetako Ikasleen Ebaluaziorako Arautegiaren 8.3 artikuluari jarraiki, (2017ko martxoaren 13ko EHAA, 50. zk), ikasleek uko egin ahal izango diote etengabeko ebaluazioari (edo mistoari) eta azken ebaluazioa aukeratu, etengabeko ebaluazioan parte hartu zein ez hartu. Kasu horretan, 10 punturen gain kalifikatuko den azken proba egiteko eskubidea daukate. Proba hau, ebaluaketa mistoa aukeratzen duten ikasleek egingo duten azken probaren berdina izango da, baina irakasleen irizpideen arabera beste galdera edo probaren bat erantsi ahal izango da, ikasturtean zehar praktiken bitartez garatu diren gaitasunak ebaluatu eta kalifikatu ahal izateko.



Uko egiteko prozedura eta epeak:

Bide hau aukeratzen duen ikasleak, 9. astera arteko epea izango du, irakasleari idatziz (posta elektroniko bidez) dagokion eskaria egiteko. Eskarian, azken ebaluazioa eskatzeaz gain, ikaslearen datu osoak agertu beharko dute.

Ikasgaiaren oinarrizko materialak (apunteak, kasuak, irakurketak, diapositibak...) fotokopia-zerbitzuan eta e-Gela plataforman eskuragarri egongo dira. Aldi berean, gelan landutako kasu, praktika edo irakurgaiak ere, ikasgaiaren edukien barne dago eta beraz, kalifikaziorako baloragarria da.
Ikasgaiaren garapenean erabil daitekeen beste material osagarria ikasleak eskuragarri izango du, eGela bitartez, Fotokopia-zerbitzuan edo gelan irakasleak eskuz banatuz.

Oinarrizko bibliografia

BUENO CAMPOS, E.; SALMADOR SÁNCHEZ, M.P.; MERINO MORENO, C. & MARTÍN CASTILLA, J.I. (2014): Dirección Estratégica. Desarrollo de la estrategia y análisis de casos. Madrid: Pirámide.

BUENO CAMPOS, E.; MORCILLO ORTEGA, P. & SALMADOR SÁNCHEZ, M.P. (2014): Dirección Estratégica. Nuevas perspectivas teóricas. Madrid: Pirámide.

GRANT, R.M. (2006): Dirección Estratégica: Conceptos, Técnicas y Aplicaciones, Edit.Thomson Civitas, 5ª edición.

GUERRAS, L. A. y NAVAS, J.E. (2007): La Dirección Estratégica de la Empresa: Teoría y Aplicaciones. Edit. Thomson-Civitas (4ª edición), Madrid.

JIMÉNEZ QUINTERO, J.A. (2017): Dirección Estratégica. Madrid: Pirámide. 2a ed.

Gehiago sakontzeko bibliografia

ALBIZU GALLASTEGI, E. eta LANDETA RODRÍGUEZ, J. (2011): Dirección estratégica de los Recursos Humanos: Teoría y Práctica, Pirámide, Madrid.
DESS y LUMPKIN (2003): Dirección Estratégica. McGraw Hill, Madrid.
GUERRAS, L. A. y NAVAS, J.E. (2008): Casos de Dirección Estratégica de la Empresa. Edit. Thomson Civitas, 4ª edición, Madrid.
HERAS SAIZARBITORIA, I. (2018): 25 años de ideas, modelos y herramientas para la mejora en la gestión: pasado, presente y futuro. Disponible online en: www.euskalit.net/estudiogestion.pdf
JARILLO, J.C. (2002): La lógica estratégica: evite los errores, Ediciones Deusto.
JOHNSON, G., SCHOLES, K. y WHITTINGTON, R. (2006): Dirección Estratégica, 7ª edición, Pearson Educación, Madrid.
MENGUZZATO, M. y RENAU, J. J.(1991): La Dirección Estratégica de la Empresa: Un enfoque innovador del Management. Edit. Ariel Economía, Barcelona.
NAVAS J.E. y GUERRAS, L.A. (2012): Fundamentos de Dirección Estratégica de la Empresa, Thomson Civitas. http://www.guerrasynavas.com/fde_indice.htm
PORTER, M. (1982): Estrategia Competitiva. Técnicas para el Análisis de los Sectores Industriales y de la Competencia. Cessa, México.
PORTER, M. (1987): Ventaja Competitiva. Creación y Sostenimiento de un Desempeño Superior. Cecsa, México.
VENTURA, J. (2008): Análisis estratégico de la empresa. Paraninfo- Cengage Learning, Madrid.

Aldizkariak

Cuadernos de gestión
Journal of Economics and Management Strategy
Journal of Management and Business Education: https://redaedem.org/?seccion=ver_noticia&id=172
Ekonomiaz: http://www.ogasun.ejgv.euskadi.eus/r51-k86aekon/es/k86aEkonomiazWar/ekonomiaz/inicio?locale=es_ES
Revista Europea de Dirección y Economía de la Empresa. http://www.elsevier.es/es-revista-revista-europea-direccion-economia-empresa-346
Universia Business Review: http://ubr.universia.net