Gaitasunak:

1.- Finantza merkatuen ingurunea kontuan hartuz, finantza erakunde ezberdinen funtzioak, ezaugarriak eta erantzukizunak identifikatzea.

2.- Erakunde horien eragiketak eta finantza-egoerak sakon aztertu, beren kudeaketa optimizatzeko.

3.- Bankuen arriskuak aztertu beren eragina minimizatzeko modua ezagutzeko asmoz.

4.- Finantza erakundeen erabaki estrategikoak aztertzea.

5.- Talde lanaren bidez komunikazio eta koordinaziorako gaitasunak garatzea, banku-sektorearen errealitatea aztertzeko informaziorako teknologien erabilpenaren bidez.



Irakasgaiaren gaitasun espezifikoen eta moduluaren gaitasunen arteko erlazioa ondorengoa da: CM01, CM02, CM03, CM04, CM05, CM06, CM08, CM09, CM10, CM11, CM12 eta CM13. (Titulazioaren egiaztatutako memoria begiratu).



Ikaskuntzaren emaitzak:

- Banku kudeaketaren oinarrizko kontzeptuen ulermena eta kudeaketa.

- Banku praktikaren ezagupenak eta trebetasuna lortzea.

- Aurreko puntuekin erlazionatutako kasu praktikoen ebazpena.

Helburu orokorra ikasleak banku eragiketak ezagutzea da, baina ez finantza erakunde baten bezero moduan, baizik eta entitatearen kudeaketaren aldetik, finantza merkatuen errealitatea kontutan izanda.

Abiapuntua, finantza erakunde ezberdinen definizioa eta aritzen diren ingurunearen deskribapena izango da. Ondoren, erakunde hauen kudeaketa jarduerak aztertuko ditugu, batez ere, ondorengo jarduerekin erlazionatuta daudenak: finantza iturriak, inbertsioak, finantza merkatuen eragiketak, bereganatutako arriskuen kudeaketa. Azkenik, ikuspegi orokorra ematen saiatzen da, kreditu erakundeek jarraitutako lerro estrategiko ezberdinak ikusiz.

Helburu honekin ikasgaia ondorengo ataletan banatzen da:





I. ATALA.- BANKA SISTEMA ETA BERE INGURUNEA

1. Gaia: Finantza erakundeak egungo ingurunean.

II. ATALA.- BANKU ERAGIKETAK

2. Gaia: Pasiboko eragiketak

3. Gaia: Aktiboko eragiketak

4. Gaia: Kreditu erakundeen ez-ohizkoak diren eragiketak

III. ATALA.- ERRENTAGARRITASUNA ETA ARRISKUA

5. Gaia: Kutxa eta bankuen finantza egoeren analisia

6. Gaia: Arriskua finantza erakundeetan

IV. ATALA.- BANKU MARKETINA

7. Gaia: Finantza erakundeen merkataritza funtzioa

Irakasgaiaren metodologia proposaturiko helburu eta konpetentziei lotuta egon behar da. Informazio eta komunikazio teknologiak (IKT) erabiliz, irakasleek irakaskuntza-ikaskuntza eredu kooperatibo bat jarraituko dute, zeinarekin ikasleek eta irakasleek elkarri eragingo dioten, ikasleria bere aurrerapen mailaren baterako erantzulea izango delarik.

Horretarako, ondorengo irakaskuntza metodologia planteatzen da.



-Klase magistralak: lortu beharreko jakintza helburuetarako, oinarrizko kontzeptuak, tresnak eta teknikak aurkeztuko dira.

-Klase praktikoak. Ikasleek, planteatutako gai bakoitzean, irakasleak klasean ebatziko dituen ariketak izango dituzte

-Irakaskuntza era presentzialean gauzatuko da (edo era bimodalean, ikasle-taldearen tamaina dela eta ikasle guztiak ezin badira era presentzialean klasera joan). Osasun egoerak irakaskuntza presentziala ahalbidetuko ez balu, irakaskuntzak eta ebaluaketak online formatua izango lukete.



Ikasleriak (bereziki ebaluazio jarraitua jarraitzen duena) bere kudeaketa pertsonala hobetuko lukeen lan zama aurreikusi dezan, behin-behineko kronograma labur bat barneratu da (irakasleriak horren inguruko informazio zehatzagoa emango du ikasturtean zehar).



1go astea: klase magistralak.



2. astetik - 13. astera: klase magistralak eta mintegiak. Aurretik, eta denbora nahikorekin, zehaztuko da noiz egingo diren mintegiak eta nolakoak izango diren. (bukaerako notaren %30a). Gainera, tarteka, azken lana egiteko denbora izango dugu klase saioetan (bukaerako notaren %10a), baina gogoan izan saio hauek ez direla nahikoak izaten azken lana guztiz bukatzeko eta, ondorioz, ikasleriak lan autonomoa egin beharko du klase orduetatik kanpo.



14. Astetik - 15. Astera: Bukaerako lanen ahozko aurkezpenak egingo dira. Lan talde kopuruaren arabera edo egutegiaren zehaztasunen arabera, gerta liteke aurkezpen hauek egun batzuk lehenago hasi behar izatea. Era berean, eta egutegiak horrela ahalbidetzen badu, azterketari begira birpasa-saioa(k) ere egingo dira.

Ebaluazioa idatzizko froga batean oinarritzen da. Azterketa honetan ikasgaian zehar landutako ezagupenen aplikazioan oinarritzen diren kasu praktikoen ebazpena barneratuko da.





1.- EBALUAZIO JARRAITUA egin dutenentzat:



Azterketa, azken notaren %60 izango da. Gainerako %40 ebaluaketa jarraituaren bidez izango da: %30a ariketak, kasuak edo buruketak eginez eta %10a azken talde lan baten bitartez. Ekintza hauek ez dira derrigorrezkoak, baina hauek egiten ez dituzten ikasleek, dagokien notaren zatia galduko lukete. Ebaluazio jarraituaren kalifikazioa ikasturteko bi deialdietarako gordetzen da. Ikasle batek ikasgaia ez badu gainditzen edo ez bada aurkezten hurrengo ikasturterako kalifikazioa ez zaio gordeko.



Ikaslea ez balitz azterketara aurkeztuko, bere kalifikazioa Ez Aurkeztua izango litzateke. Horretarako ikasleak ez du inolako dokumenturik entregatu behar, hots, nahikoa da bere burua azterketara ez aurkeztearekin.





2.- EBALUAZIO JARRAITUA EGIN EZ dutenentzat:



Bai lehenengo zein bigarren deialdian, notaren %100 eskuratu ahal izango da, honela banaturik: %90 idatzizko frogaren bidez eta %10 borondatezko ahozko froga baten bidez. Ahozko froga hau ez da derrigorrezkoa, baina hau egiten ez duten ikasleek dagokion notaren zatia galduko lukete. Azterketa ez balitz gaindituko hurrengo urtean frogak errepikatu beharko dira.

Ikaslea ez balitz azterketara aurkeztuko, bere kalifikazioa Ez Aurkeztua izango litzateke.

Etengabeko ebaluazioari uko egin nahi dioten ikasleek (ebaluazio jarraian parte hartu izanda edo ez) lauhilekoa hasten denetik 9 asteko epean irakasleari idatziz adierazi behar izango diote, horretarako dagoen idazkia betez. Horrela, momentu hori arte egindako ebaluazio jarraituari dagozkion ariketa guztien nota galduko luke ikasleak, eta ebaluazio ez jarraituari dagokion sistemaren bidez ebaluatuta izango litzateke.

eGelan erabilgarri irakasgairako beharrezko materiala

Oinarrizko bibliografia

BLANCO MENDIALDUA, ANA*. (Coord.) (2015): Gestión de Entidades Financieras. Ed. ESIC, Madrid.

DEPRÉS, M.; VILLEGAS, R., y AYURA, J. (2017): Manual de regulación bancaria en España. Ed, FUNCAS, Madrid.

Gehiago sakontzeko bibliografia

ALKORTA ANDONEGI, X. (2015): Crisis y nueva dirección bancaria. Ed. Deusto, Bilbao
FUNCAS (2011): El futuro del sector bancario, Revista Papeles De Economía Española, nº130.
FUNCAS (2011): Basilea y los nuevos retos de la regulación de la solvencia. Perspectivas del Sistema Financiero, nº102,2011.
GUIA DEL SISTEMA FINANCIERO ESPAÑOL (2015). AFI, Escuela de Finanzas Aplicadas, Madrid.
IGUAL, D. (2008): Conocer los productos y servicios bancarios. Ed. Profit, Barcelona.
LÓPEZ PASCUAL, J. y SEBASTIÁN GONZÁLEZ, ALTINA* (2007): Gestión Bancaria. Los nuevos retos en un entorno global. Mc Graw-Hill, Madrid.
MARTÍN MARÍN, J.L. Y TRUJILLO PONCE, A. (2004): Manual de Mercados Financieros. Ed. Thomson, Madrid.
MAUDOS VILARROYA, J. y FERNÁNDEZ DE GUEVARA RADOSELOVICS, J. (2008): El sector bancario español en el contexto internacional: evolución reciente y retos futuros. Fundación BBVA, Bilbao.
PAREJO, J.A., RODRÍGUEZ, L.,CALVO, A. y CUERVO, A. (2011): Manual del sistema financiero español. Ed. Ariel,Barcelona.
PARTAL UREÑA, A. y GÓMEZ FERNÁNDEZ-AGUADO, PILAR* (Coords.) (2011): Gestión de riesgos financieros en la banca internacional. Ed. Pirámide, Madrid.

*oharra: Emakumeen eta gizonen berdintasunerako III. Plana 2019-2022ak dioen bezala (EHUagenda 2030), Irakaskuntza gidetan emakumeak agertzearen aldeko jarrera hartu da (1.3.1 ekintza).

Aldizkariak

Estrategia Financiera
Agenda Bancaria